Da 9:26 - Sơ̆p Hlabơar Nơ̆r 'Bok Kei-Dei

²⁶ Đơ̆ng rŏng kơ tơdrâu-jĭt 'bar 'măng giĕng noh; Yang mă đe tuh đak rơmă noh đe gô pơrăm lê̆ păng pă đei kiơ dơ̆ng. Đei kon pơlei 'bok pơtao gô truh wă pơrăm lê̆ pơlei tih păng anih rơgoh; tuch-luch sư kư̆m thoi đak lơ̆p, đei tơdrong tơblah dĭng tôch; jing juơ juŏ thoi đei pơkă.

Da 9:26 ပူးပေါင်းရင်းမြစ်များ

II Sam 21:5

Lu sư tơl pơtao: “Bơngai mă pơlôch lu nhôn boih, păng chă đon wă pơlôch đĭ lu nhôn dơ̆ng, wă kơ lu nhôn ưh pă đei bu oei arih lăm teh đak Isơrael.

Horiso 22:15

Jơhngơ̆m pran inh kro thoi lơ̆n 'buh păng hơpiĕt inh klep tơ păk-'ngơk. Kră Yang dan inh tơ lăm 'mui teh thoi lôch.

Êsai 28:2

'Nâu, Kră Yang đei minh 'nu bơngai pran kơtang. Nhen thoi kial hơbŭt 'mi prĕl, nhen kial bah pơrăm, nhen đak tih blai kơ thong. Sư gô klơ̆m tơhuŏng lê̆ sư tơ teh.

Êsai 28:22

Thoi noh, na iĕm 'nĕ pă pơjăm, kơnh hli kơ glang chô̆ iĕm gơhret rai kơjăp, inh kơtơ̆ng đơ̆ng Kră Yang Kră Yang Tih Hloh pơkă wă pơrăm đĭ dêh char 'nâu.

Êsai 53:8

Đe rôp sek tơlang sư ưh kơ trŏ na ba hloi sư na pơlôch; lăm jơhnơr hơdai hăm sư. Hăm đei bu băt tơchĕng khan sư lôch; yua kơ tơdrong yoch kon pơlei Inh, mă trŏ kơ sek tơlang păng pơlôch.

Êsai 8:7

Thoi noh, na âu, Kră Yang ăn đak lơ̆p krong ro jăng păng đak tih ro truh tơ lu sư, noh wă khan pơtao Asiri păng đĭ-đăng tơdrong 'lơ̆ng rŏ sư. Đak gô ro blai đĭ-đăng lu hơbong păng lơ̆p đĭ-đăng lu bơnơ̆.

Je 46:7

Bơngai bu noh, tŏk hơlôk thoi đak Krong Nil, thoi đak krong tih ro hơlôk hơlak?

Je 51:42

Đak dơsĭ tŏk; đak dơsĭ poh-yă lơ̆p klơ̆p đĭ boih Babilôn.

Da 11:10

'Bar 'nu kon pơtao gah yă-nơ̆m năm blah, sư akŭm băl đei lơ lu linh hao aseh, gô truh, na yak năm 'bĕnh-'bang, lu sư wih năm blah truh tơ kơđông anih pơtao gơal.

Da 11:17

Sư krao tơiung iŏk đĭ jơhngơ̆m pran kơtang đơ̆ng jơ̆p lăm dêh char sư kơdih năm blah sư hơlĕnh khan wă pơhiôk hăm pơtao gah gơal rôp ăn kon adruh sư pơm akăn wă pơrăm pơtao gah gơal ră, mă-lei sư ưh kơ kĕ păng ưh kơ jei sư.

Da 11:22

Khŭl linh lơlang 'bĕnh-'bang, gô kơdâu sơlah gah thuơ đĭ 'bơ̆t anăp sư, truh tơ yŏng lu bơngai mă Kră Yang đei pơkăm pơkă băl kư̆m lei-lăi.

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Da 9:27

Sư pơjing tơdrong kơjăp hăm lơ bơngai lăm minh 'măng giĕng păng truh lăm tŏk-bŏk 'măng giĕng noh, Sư kư̆m ăn kơ tơmam soi 'buh pơyơ̆r kư̆m pơdơh. Lu bơngai nai mă pơrăm gô truh hao pơnăr sem krưp dêh păng gô đei tơdrong hil krưp dêh tuh tơ anih juơ dĭng truh tơ sơnăm tôch, mă sơnăm đei pơkă lê̆ boih.

Hôsia 1:9

Kră Yang khan kơ Hôsia: “Anăn bĕ sư Lôami, yua kơ lu iĕm ưh pă jing kon pơlei Inh dơ̆ng boih, noh wă khan Inh kư̆m ưh pă jing Kră Yang 'Bok Kei-Dei lu iĕm dơ̆ng.”

Am 8:8

Teh đak ưh kơ tơdrŏ hă kơ tơdrong noh, đĭ-đăng lu kon pơlei sư ưh kơ nhơ̆m hmoi hă? Đĭ-đăng teh tŏk 'bĕnh blai nhen thoi đak krong Nil sư gô pơpơ̆ păng hrŏ thoi đak krong Êyiptơ noh.

Am 9:5

Yua kơ Kră Yang Tih Hloh, sư pel 'bơm teh, teh lek đĭ, đĭ-đăng kon pơlei oei lăm noh gô nhơ̆m hmoi jơ̆p kơ teh đak tŏk blai thoi đak krong Nil păng sư gô hrơ̆ thoi đak krong dêh Êyiptơ.

Na 1:8

Gah lu bơngai ayăt kơ Kră Yang đak lơ̆p pơrăm anih lu sư păng druh lu ayăt kơ Sư kơdâu mơ̆t lăm tơdrong măng mu.

Mathiơ 22:2

“'Bok Kei-Dei pơgơ̆r kon bơngai thoi âu: Minh 'nu 'bok pơtao hơmet tơmam sa pơkong kơ kon sư iŏk akăn.

Mathiơ 22:7

Thoi noh na 'bok pơtao ơh tơpă, sư wơh lu linh sư năm pơlôch đĭ-đăng lu bơngai mă pơlôch lu bơngai jang kơ sư ei păng soh rông chhông hnam kon pơlei pơla lu sư.

Mathiơ 23:38

Na dang ei 'Bok Kei-Dei wă achăng tŭk pơlei iĕm boih.

Mathiơ 24:2

Na Yêsu khan kơ lu sư: “Iĕm 'bôh boih hnam akŭm âu 'lơ̆ng rŏ, Inh khan kơ iĕm tơpă, ning-mônh hnam âu gô pơchah reng 'beng ưh pă đei tơmo ayơ tơklep băl dơ̆ng. Đe gô teh pơchah đĭ.”

Markôs 13:2

Yêsu khan kơ sư: “Ih 'bôh boih hnam akŭm tih âu, mă-lei ning-mônh hnam âu gô pơchah reng 'beng ưh pă đei tơmo ayơ tơklep băl dơ̆ng. Đe gô teh pơchah đĭ.”

Markôs 13:7

Păng iĕm kơtơ̆ng đe tơblah mă jê̆ mă ataih, iĕm 'nĕ kơ hli hŏ. Tơdrong 'noh ưh kơ jor ôh, gô đei 'mơ̆i, mă-lei năr tôch ưh tam mă truh ôh kơplah noh.

Markôs 9:12

Yêsu khan kơ lu sư: “Trŏ boih Êli jur tơ teh hơdrol kơ 'Bok Krist, yua kơ sư hơmet ming tôm tơdrong hơdrol. Na Inh kư̆m wă jet iĕm mơ̆n: Yua kơ kiơ sơ̆p hla bơar 'Bok Kei-Dei chih khan lê̆ hơdrol kơ Inh Kon Bơngai gô đei tơdrong pơmat-tat păng tơdrong đe hil areh kơ Inh?

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Luka 21:6

Na Yêsu khan: “Iĕm 'bôh boih hnam akŭm tơm âu 'lơ̆ng rŏ mă-lei ning-mônh hnam âu gô pơchah reng 'beng ưh pă đei tơmo ayơ tơklep băl dơ̆ng. Đe gô teh pơchah đĭ.”

Luka 24:26

Đe pơlôch 'Bok Krist thoi noh trŏ tơpă boih, na dang ei Sư iung arih wă tŏk tơ plĕnh ti pơgơ̆r.”

Luka 24:46

Yêsu khan kơ lu sư: “Tơdrong đe chih lê̆ hơdrol noh sơ̆ thoi âu: 'Bok Krist gô đei tơdrong pơmat-tat na lôch, kơtĕch pêng năr Sư iung arih dơ̆ng.

Yo 14:30

Dang ei Inh oei pơma dơnuh păng iĕm ưh pă đunh boih, kơlih kơ yang Satan kră pơgơ̆r tơ ala teh âu wă truh boih. Mă-lei sư ưh kơ kĕ pơgŏ Inh pơm tơdrong kiơ ôh.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

I Pet 2:21

'Bok Kei-Dei krao iŏk bơ̆n wă kơ bơ̆n iŏk jơhngơ̆m đon dim gơh găt kuă ăn pơm kơnê̆ kơ đe mă khan đe pơm kơnê̆ kơ bơ̆n. Yêsu Krist đei tơdrong gleh pơmat-tat thoi noh mơ̆n sơ̆ yua wă tơgŭm bơ̆n. Mă-lei Sư ưh kơ đei pơm kơnê̆ kơ đe ôh, Sư pơm trong wă kơ bơ̆n rok kiơ̆ Sư.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.