Da 9:25 - Sơ̆p Hlabơar Nơ̆r 'Bok Kei-Dei

²⁵ Ih athei băt păng hlôh tơdrong âu đơ̆ng năr mă athei pơjing păng hơmet ming Jêrusalem, dĭng truh Yang mă đei tuh đak rơmă, wă khan pơtao, na đei tơpơh 'măng giĕng păng tơdrâu-jĭt 'bar 'măng giĕng; pơlei tih đei pơdơ̆ng man ming, đei trong pơlei păng bơnang yua kơplah đei tơdrong anat anot.

Da 9:25 ပူးပေါင်းရင်းမြစ်များ

II Sam 15:25

Pơtao khan dơ̆ng kơ Sadok 'bok soi: “Tung bĕ Hom pơgơ̆p Kră Yang 'Bok Kei-Dei wơ̆t tơ lăm pơlei tih. Tơdah inh đei tơdrong mơnat 'bơ̆t anăp Kră Yang sĭt Kră Yang ba inh wih, ăn kơ inh 'bôh dơ̆ng Hom Pơgơ̆p păng anih dan sư.

Esơra 4:24

Thoi noh, tơdrong jang pơjing hnam akŭm kơkuh kơ Kră Yang 'Bok Kei-Dei tơ pơlei Jêrusalem pơdơh dĭng truh tơ sơnăm mă 'bar chăl Đarius pơm pơtao pơgơ̆r dêh char Phersia.

Esơra 7:1

Đơ̆ng rŏng lu tơdrong ei, trŏ kơ lăm chăl Artaserses, pơtao Phersia, đei Esơra, kon drŏ-nglo Sêraia;

Esơra 7:8

Khei pơđăm sơnăm mă tơpơh chăl pơtao Artaserses, Esơra truh tơ pơlei Jêrusalem.

Ne 3:1

Êliasip 'bok soi tơm hăm lu 'nhŏng oh sư 'bok soi nai iung man pơdơ̆ng ming 'măng jang Triu. Lu sư 'măn anih noh 'lơ̆ng rơgoh păng pơm 'bar pah tơnang 'măng lu sư 'măn anih noh 'lơ̆ng rơgoh truh tơ hnam Thôt Mêa păng truh tơ hnam Thôt Hananêl.

Ne 4:2

Sư khan 'bơ̆t anăp lu 'nhŏng oh sư păng lu linh char Samari; lu bơngai Juđa rơdu tơrăn ei pơm kiơ? Lu sư tơchĕng khan kĕ man ming dur pơlei ei hă? Lu sư khan wă pơyơ̆r tơmam soi hă? Lăm minh năr lu sư gô pơm keh hă? Tơmo đêl ŭnh sa đĭ boih, lu sư hăm wă gơh iŏk đĭ jing 'mui teh pơm pơjing thoi tơmo dơ̆ng hă?

Ne 4:8

Na krao akŭm băl đĭ-đăng wă năm blah pơlei Jêrusalem păng wă pơrŭng lu nhôn hơwơ̆l hơwang.

Ne 6:15

Thoi noh, năr 'bar-jĭt pơđăm khei Êlun dur pơlei man hơmet keh, đĭ pơđăm-jĭt 'bar năr.

Horiso 71:10

Yua kơ lu bơngai ayăt pơma ayăt kơ inh, Lu sư pơđâu băl wă pơlôch inh.

Bôk Bơthô 3:3

Đei năr pơlôch, đei năr ming pơklaih; Đei năr pơrăm, đei năr pơm tơiung;

Êsai 55:4

'Nâu, Inh ăn kơ sư jing bơngai pơm kơdranh ăn kơ lơ bơngai, pơm yŏng păng pơm bơngai wei-lăng lơ kon pơlei.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Da 8:11

Sư pơm akâu sư rai tih dĭng truh tơ yŏng pơgơ̆r linh; sư iŏk lê̆ tơmam pơyơ̆r đơ̆ng 'bok noh păng anih rơgoh sư tơhuŏng lê̆ tơ teh.

Da 8:25

Sư đei tơdrong gơh pơm hơlĕnh pơdăr sư đei jơnei tih. Lăm jơhngơ̆m sư kơdih pơm kơ sư jing tih păng kơplah lu kon pơlei oei hiôk-hian, sư gô pơlôch lơ bơngai; sư iung blah lu pơtao kơ lu pơtao, mă-lei đe gô pơrăm lê̆ sư ưh kơ trŏ đơ̆ng ti kon bơngai pơrăm.

Da 9:23

Đơ̆ng kơplah ih pơtơm 'nao krao apinh; păng inh truh tơ âu inh wă tơbăt kơ ih tơdrong noh; yua kơ ih bơngai mă 'Bok Kei-Dei 'mêm mơnat dêh. Thoi ei tơchĕng bĕ kơ tơdrong noh păng athei băt hlôh kơ tơdrong tơ'bôh.

Mi 5:1

Ơ Betlehem Eprata, ih jing pơlei iĕ hloh lăm rơbâu pơlei lăm char Juđa, Mă-lei đơ̆ng ih gô tơpŭ ăn kơ inh minh 'nu Kră Yang Sư gô pơgơ̆r lu bơngai Isơrael; Sư đei đơ̆ng tơm hmơm blŭng-a sơ̆ boih, đơ̆ng adrol kơ đĭ-đăng.

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Mathiơ 13:23

Gah lu bơngai mă thoi lĕ kơ găr 'ba huŏng 'bơ̆t teh 'lơ̆ng, lu bơngai noh boih kơtơ̆ng tơdrong 'Bok Kei-Dei păng hlôh wao, kiơ̆ hloi kơjăp, na đei plei tơpă, mơ'nah minh-hrĕng, mơ'nah tơdrâu-jĭt, mơ'nah pêng-jĭt.”

Mathiơ 24:15

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Đaniel bơngai pơtruh nơ̆r 'Bok Kei-Dei sơ̆ sư kư̆m roi tơdrong noh mơ̆n. Na bu đŏk lăng hla bơar âu đon sư athei pơwao kơdih.

Markôs 13:14

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Na bu đŏk lăng hla bơar âu đon sư athei pơwao kơdih. Lu iĕm bơngai mă oei tơ dêh Juđê 'bôh thoi noh iĕm athei jăk tơ kông ataih đơ̆ng lu sư hloi.

Yo 1:41

Na Andrê năm chă 'nhŏng sư Simôn, roi kơ 'nhŏng sư khan: “Nhôn 'bôh boih 'Bok Mêsi.” 'Bok Mêsi wă khan 'Bok Krist mă 'Bok Kei-Dei wơh wă pơgơ̆r kon bơngai.

Yo 4:25

Duch ei khan kơ Yêsu: “Inh băt kơ 'Bok Mêsi mă đe anăn 'Bok Krist Sư gô truh wă pơgơ̆r kon bơngai, mưh Sư truh boih Sư roi ăn kơ nhôn tôm tơdrong.”

Jang 3:15

iĕm pơlôch Yêsu bơngai mă gơh ăn kơ bơ̆n arih ling-lang. Mă-lei 'Bok Kei-Dei tơiung arih Sư boih. Nhôn kư̆m 'bôh Sư arih boih tơpă.

Jang 5:31

'Bok Kei-Dei atŏk Yêsu anih gah 'ma kơ Sư, ăn Yêsu pơm 'Bok Pơgơ̆r bơ̆n. Sư kư̆m pơm 'Bok Dŏng Pơklaih bơ̆n mơ̆n, wă kơ bơngai Isơrael bơ̆n tơbral tơdrong yoch bơ̆n kơdih kơdih na 'Bok Kei-Dei pơklaih yoch bơ̆n.

Jang 8:30

Na Philip năm yak hơdai păng kơtơ̆ng 'bok ei đŏk sơ̆p hla bơar Êsai. Philip khan kơ sư: “Ih đŏk lăng tơdrong noh, ih hăm hlôh ưh?”

Êphêsô 5:16

Bơ̆n athei adrin pơm 'lơ̆ng hăm adrin ră roi kơ đe tơdrong Yêsu Krist yua kơ dang ei đei lơ bơngai kơnê̆ tơpă.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

Tơdrông Tơ'bôh 19:16

Đe chih tơ ao tai Sư mă 'bơ̆t jơ̆ng thoi âu: “Sư pơm 'Bok Pơtao, Sư tih hloh kơ đĭ-đăng lu pơtao nai. Sư pơm Yŏng, Sư tih hloh kơ đĭ-đăng lu yŏng nai.”