Da 9:24 - Sơ̆p Hlabơar Nơ̆r 'Bok Kei-Dei

²⁴ Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Da 9:24 ပူးပေါင်းရင်းမြစ်များ

II Ho 29:24

na 'bok soi pơlôch lu bơbe tơno noh păng mong pham tơtreh tơ kơpal chơnang soi noh wă pơm tơmam soi huai đơ̆ng yoch kơ đĭ-đăng kơ lu kon pơlei Isơrael, yua kơ pơtao đei athei khan pơyơ̆r tơmam soi 'buh wă huai đơ̆ng yoch kơ đĭ kon pơlei Isơrael.

Horiso 2:6

“Mă-lei, Inh pơjing boih Tang-dŏ Tang-dŏ pơtao Inh tơ kơpal kông Siôn rơgoh.”

Horiso 45:7

Kră Yang lăp kơ tơdrong tơpăt păng areh tơdrong kơnê̆. Thoi noh Kră Yang 'Bok Kei-Dei, Jơ̆ Kră Yang 'Bok Kei-Dei Ih, tuh boih đak rơmă kơ Ih. Hăm đak rơmă tơdrong chơt hiôk hloh kơ buăl ih.e

Êsai 42:4

Sư ưh kơ gleh lap, ưh kơ bơ̆l hăl ôh, dĭng truh kơ pơjing tơdrong tơpăt hơnơ̆ng tơ teh đak âu, lu bŏl đak dơsĭ chang gô hơmĕng kơ khôi juăt sư.

Êsai 51:6

Ngơk lăng bĕ tơ kơpal plĕnh păng kŭp lăng bĕ tơ ala teh; lu plĕnh đông hiong thoi 'nhui ŭnh, teh gô so hiah nhen thoi ao, lu kon pơlei oei arih kơpal teh gô lôch thoi roi, mă-lei tơdrong dŏng pơklaih Inh oei ling-lang. Tơdrong 'lơ̆ng tơpăt Inh ưh kơ đei layơ hiong tôch ôh.

Êsai 51:8

Yua kơ mua gô reh kăp sa lu sư nhen reh ao, păng mua gô sa sư thoi sa brai sŏk triu. Mă-lei tơdrong 'lơ̆ng tơpăt Inh gô oei oei ling-lang, tơdrong dŏng pơklaih inh oei truh ning-mônh.

Êsai 56:1

Kră Yang khan thoi âu: Athei wei bĕ tơdrong 'lơ̆ng tơpăt. Păng pơm bĕ tơdrong trŏ 'lơ̆ng; yua kơ tơdrong dŏng pơklaih Inh wă jê̆ truh păng tơdrong 'lơ̆ng tơpăt Inh wă jê̆ pơdah bơih.

Êsai 61:1

Yang Bơhngol 'lơ̆ng Kră Yang oei hơdai Inh. Kră Yang rơih inh. Wă năm bơtho ăn tơdrong 'nao 'lơ̆ng kơ lu bơngai dơnuh hin, păng pơlung lu bơngai ơh sơ'ngon Sư wơh inh roi tơdrong Sư wă tơlĕch lu bơngai đe phak, kơ roi tơbăt ăn kơ lu bơngai bơnă gơh hơgei, tơbăt tơlĕch lu bơngai đe chĭt phak đơ̆ng hnam bơnă.

Nhom 4:22

Ơ kon adruh Siôn, tơdrong phak yoch e truh boih, Kră Yang huay kơ puh e pơm bơnă dơ̆ng. Ơ kon adruh Eđôm, Kră Yang gô phak yoch e; gô tơ'bôh tơdrong kơnê̆ e!

Êsêkiên 28:12

“Ơ kon bơngai, nhơ̆m hmoi kơ pơtao Tirơ bĕ khan kơ sư: ‘Kră Yang khan thoi âu: Ih bơngai đei tôm tơdrong gơh hơgei, 'lơ̆ng rŏ.

Êsêkiên 4:5

Inh đei hơgăt kơ ih kơsô̆ năr dang ăi hăm kơsô̆ sơnăm tơdrong yoch lu sư, jing pêng-hrĕng tơsĭn-jĭt năr, ih gô pŭ tơdrong yoch bơngai Isơrael.

Êsêkiên 4:6

Mưh lăm năr noh đĭ hlôi boih ih 'bĭch cheng gah 'ma păng pŭ iŏk tơdrong yoch bơngai Juđa, lăm puăn-jĭt năr, Inh hơgăt kơ ih minh năr thoi lăm minh sơnăm.

Lêwi 25:8

Ih kư̆m athei jô̆ tơpơh jơhnơr wă khan tơpơh wơ̆t tơpơh sơnăm, noh jing puăn-jĭt tơsĭn sơnăm.

Lêwi 8:15

Môis pơlôch rơmo păng iŏk pham, yua hơnglâu ti sư pik pham noh tơ jum dăr ake chơnang soi wă kơ pơm kơ chơnang rơgoh; đơ̆ng noh tuh pham noh tơ jơ̆ng chơnang soi, thoi noh 'măn lê̆ chơnang soi rơgoh wă soi sơmah huai đơ̆ng yoch tơ noh.

Sa 4:14

Sư khan thoi âu: “Noh wă khan đei 'bar 'nu chu tuh đak rơmă, dơ̆ng cheng 'bơ̆t Kră Yang mă Yang kơ đĭ-đăng teh đak.”

Jo 14:34

Lu iĕm gô yak dăr lăng hơdôm năr wă khan puăn-jĭt năr păng lu iĕm gô pŭ iŏk tơdrong phak đơ̆ng yoch lu iĕm kơdih dôm yơ, wă khan puăn-jĭt sơnăm, minh sơnăm jô̆ thoi minh năr; kơplah noh lu iĕm băt boih kơ Inh achăng lê̆ iĕm.

Mathiơ 1:21

Sư gô tơpŭ kơ minh 'nu kon drŏ-nglo, ih anăn Sư Yêsu, yua kơ Sư wă dŏng pơklaih bơngai bu mă lui kơ Sư đơ̆ng tơdrong yoch.”

Mathiơ 11:13

Đĭ-đăng lu bơngai pơtruh nơ̆r 'Bok Kei-Dei truh tơ Yôhan păng đĭ dôm sơ̆p hla bơar tơdrong juăt 'Bok Kei-Dei, roi lê̆ hơdrol khan 'Bok Kei-Dei wă pơgơ̆r kon bơngai tơpă, na dang ei bơ̆n 'bôh tơpă boih 'Bok Kei-Dei pơgơ̆r kon bơngai.

Mathiơ 4:5

Đơ̆ng noh yang Satan anhăk ba Yêsu năm tơ Pơlei Jêrusalem mă đe anăn pơlei 'Bok Kei-Dei, na yang Satan anhăk ba Yêsu tŏk tơ kơpal bơbŭng hnam akŭm tơm.

Markôs 1:24

“Ơ Yêsu đơ̆ng Pơlei Nasaret, Ih wă pơm kiơ kơ khŭl nhôn? Ih năm tơ âu wă pơrăm khŭl nhôn hă? Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Luka 1:35

Linh jang 'lơ̆ng ei khan kơ sư dơ̆ng: “Gô đei Yang Bơhngol 'Lơ̆ng jur tơ ih, tơdrong mơsêh mơyang mă 'Bok Kei-Dei wă ăn kơ ih. Thoi noh na kon nge mă ih tơpŭ noh, Sư Kon 'Bok Kei-Dei mă 'lơ̆ng tơpăt.

Luka 21:22

Năr noh kơnh trŏ kơ năr 'Bok Kei-Dei wă phak lu bơngai Juđê thoi sơ̆p hla bơar 'Bok Kei-Dei khan mă đơ̆ng sơ̆, gô trŏ kơ năr noh tơpă.

Yo 1:41

Na Andrê năm chă 'nhŏng sư Simôn, roi kơ 'nhŏng sư khan: “Nhôn 'bôh boih 'Bok Mêsi.” 'Bok Mêsi wă khan 'Bok Krist mă 'Bok Kei-Dei wơh wă pơgơ̆r kon bơngai.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Jang 3:22

Thoi Môis khan sơ̆: ‘'Bok Kei-Dei gô ăn kơ iĕm minh 'nu bơngai đơ̆ng khŭl bơ̆n wă pơtruh nơ̆r Sư kư̆m thoi inh mơ̆n. Iĕm athei chu mơ̆ng dôm nơ̆r Sư pơma kơ iĕm.

Rom 5:10

Kơplah bơ̆n kuă kơ lui kơ 'Bok Kei-Dei, đei Kon Sư Yêsu Krist lôch tang bơ̆n, ăn kơ bơ̆n jing hiôk 'lơ̆ng hăm 'Bok Kei-Dei. Dang ei bơ̆n lui kơ 'Bok Kei-Dei boih na Sư pơklaih lu bơ̆n tơpă, yua kơ Yêsu Krist iung arih đơ̆ng lôch boih.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

Philip 3:9

na jing pôm đon hăm Sư. Kuă boih gơnang kơ akâu inh kiơ̆ tôm tơdrong juăt; inh wă gơnang kơ Yêsu Krist đĕch, na 'Bok Kei-Dei jô̆ inh bơngai tơpăt.

Kôlôsê 1:20

'Bok Kei-Dei ăn kơ Sư lôch tuh pham tơ 'long pơglang wă kơ tôm tơdrong tơ ala teh, tôm tơdrong tơ kơpal plĕnh hiôk hơiă hăm 'Bok Kei-Dei.

Kôlôsê 2:14

Sơ̆ dang bơ̆n đei hla bơar 'Bok Kei-Dei chih ată kơ bơ̆n pơm tơdrong yoch trŏ kơ Sư phak, mă-lei dang ei huay boih, Sư sut đĭ dôm tơdrong yoch Sư chih 'noh hăm pơ̆ng hla bơar 'noh tơ 'long pơglang.

Hêbrơ 10:14

Lu bơngai mă gơnang kơ Sư soi kơ 'Bok Kei-Dei akâu Sư minh 'măng noh gô klaih đơ̆ng tơdrong yoch jing 'lơ̆ng tơpăt hăm 'Bok Kei-Dei. 'Bok Kei-Dei ưh pă layơ jô̆ yo kơ tơdrong yoch lu sư boih.

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

Hêbrơ 9:26

Tơ̆ng Sư soi kơ 'Bok Kei-Dei akâu Sư lơ 'măng, lei Sư lôch pơmat rim sơnăm jô̆ đơ̆ng pơjing plĕnh teh sơ̆ khơ̆ dang ei ưh kơ băt hơdôm 'măng. Mă tơpă Sư jur minh 'măng sơ̆ đĕch, yua kơ trŏ năr hơtuch boih. Sư jur soi kơ 'Bok Kei-Dei akâu Sư, wă pơrăm đĭ dôm tơdrong yoch.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.

I Yo 3:8

Bơngai bu oei pơm yoch khŏm khŏm, bơngai 'noh oei kiơ̆ yang Satan đĕch, kơlih kơ yang Satan pơm yoch đơ̆ng tơm hmơm sơ̆. Kon 'Bok Kei-Dei jur tơ ala teh âu sơ̆ wă pơrăm dôm tơdrong yang Satan pơm.

Tơdrông Tơ'bôh 14:6

Klaih kơ noh inh 'bôh linh jang 'lơ̆ng nai dơ̆ng, sư păr asơ̆ng tŏk-bŏk rơwơ̆ng, ră roi kơ đe tơdrong 'nao 'lơ̆ng wă kơ đe gơh arih ling-lang. Sư ră roi tơdrong noh kơ đĭ-đăng bơngai rim kơ dêh char, rim kơ teh đak, rim kơ adrĕch adrung, rim kơ nơ̆r pơma kon bơngai.

Tơdrông Tơ'bôh 3:7

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Philadêphi thoi âu: “Âu boih 'Bok mă 'lơ̆ng tơpăt, Sư chĕp khuă 'bok pơtao Đawit, Sư gơh pơih 'măng ăn kơ iĕm mơ̆t, ưh kơ đei bu gơh tang chơkăl dơ̆ng, Sư tang 'măng ưh kơ đei bu gơh pơih dơ̆ng, na dang ei Sư wă pơma kơ iĕm thoi âu: