Da 9:21 - Sơ̆p Hlabơar Nơ̆r 'Bok Kei-Dei

²¹ thoi ei inh oei pơma lăm tơdrong krao khan âu, Gabrel, bơngai mă inh đei 'bôh lăm tơdrong tơ'bôh kơ inh blŭng-a, đei wơh păr hrĕnh năm hơtŭt kơ inh 'bơ̆t jơ đe pơyơ̆r tơmam soi 'buh kơsơ̆.

Da 9:21 ပူးပေါင်းရင်းမြစ်များ

I Pot 18:29

Lăp 'năr kơsơ̆ glơh bơih lu sư krao ôr 'bơ̆r re păng truh jơ pơyơ̆r tơmam soi phe 'ba ăn kơ yang Baal 'bơ̆t jơ kơsơ̆ ei bơih, mă-lei ưh kơ kơtơ̆ng nơ̆r kiơ, kư̆m ưh kơ đei bu tơl păng ưh kơ đei bu mă hiơ̆k ăn.

I Pot 18:36

Gah kơsơ̆, truh jơ pơyơ̆r tơmam soi, Êli bơngai khan lê̆ adrol năm dơ̆ng jê̆ chơnang soi 'noh păng krao khan: “Ơ Kră Yang, 'Bok Kei-Dei Abraham, Isăk păng Isơrael, năr 'nâu apinh ih ăn kơ đe băt Ih boih Kră Yang 'Bok Kei-Dei lăm khŭl bơngai Isơrael. Inh đĭch đam Ih, chu nơ̆r Ih pơm kiơ̆ tôm tơdrong Ih bơtho akhan.

Horiso 103:20

Hơri bơnê kơ Kră Yang: Ơ lu linh jang Kră Yang, lu yang mă đei jơhngơ̆m pran kơtang pơm kiơ̆ nơ̆r tơtă Sư; mơ̆ng kiơ̆ nơ̆r Sư khan.

Horiso 104:4

Sư yua kial pơm bơngai pơtruh nơ̆r Sư. Pla ŭnh pơm đĭch đam Sư.

Horiso 141:2

Ăn kơ nơ̆r inh krao khan thoi tơmam 'bâu phu 'bơ̆t anăp Ih. Ăn kơ tơdrong inh yơ̆r ti thoi tơmam soi drơ̆m kơsơ̆!

Le 29:39

Rim pơgê ih athei pơyơ̆r minh pôm, minh pôm ih athei pơyơ̆r til kơsơ̆ kơmăng.

Êsai 6:2

Tơ kơpal Kră Yang; đei lu Seraphim rim Sêraphim đei tơdrâu hlak pơnăr, 'bar pah pơnăr sư pĕng muh măt, 'bar pah pơnăr pĕng jơ̆ng păng 'bar pah pơnăr dơ̆ng yua wă păr.

Êsêkiên 1:11

Muh măt lu sư thoi noh. Pơnăr tưk kơjung rim lu sư đei 'bar 'bar hlak pơnăr lu sư bơyar tơ'bưh băl păng 'bar hlak pơnăr to pĕng akâu.

Êsêkiên 1:14

Lu kon sem arih noh năm wơ̆t wih rŏng anăp thoi kơmlat.

Êsêkiên 14:14

Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.

Da 10:10

Đơ̆ng noh đei tơpang ti pel inh, na inh iung hơtơ̆p kŭl-tăng, tơjră ti tơ teh.

Da 10:16

'Nâu, đei minh 'nu hơbŏ sư thoi tơdăm kon bơngai năm pel 'bơ̆r inh. Na 'bơ̆r inh ha pơma hăm yang mă dơ̆ng 'bơ̆t anăp inh thoi âu: Ơ yŏng inh, tơdrong truh dơ̆ng kơ inh yua kơ tơdrong tơ'bôh âu, na inh ưh pă đei jơhngơ̆m boih.

Da 10:18

Dang ei inh đei 'bôh dơ̆ng bơngai mă hơbŏ thoi bơngai drŏ-nglo tơdăm năm tơ inh păng pơm kơ inh đei jơhngơ̆m pran dơ̆ng.

Da 8:16

Inh kơtơ̆ng nơ̆r đơ̆ng bơngai drŏ-nglo noh dơ̆ng tŏk-bŏk glung Ulai, krao păng khan: Gabrel, roi tơbăt kơ bơngai âu mă đêl tơ'bôh kơ sư noh.

Da 8:18

Kơplah Sư oei pơma hăm inh, inh tep hơlơ̆m hloi oei kơmŭ brum; mă-lei Sư hơtŭt kơ inh pơm kơ inh hơđơ̆r na iung.

Mathiơ 27:46

Lăp pêng jơ kơsơ̆ Yêsu pơma 'bơ̆r re khan: “Êli, Êli, lamma sabatthani,” wă khan: “Ơ 'Bok Kei-Dei, ơ 'Bok Kei-Dei, yua kơ kiơ Ih achăng lê̆ Inh?”

Luka 1:19

Linh jang 'lơ̆ng ei khan: “Inh âu boih Gabrel. Inh ling-lang oei hơdai 'Bok Kei-Dei. Sư wơh inh jur pơtruh ăn kơ ih tơdrong noh,

Luka 1:26

Lăp Êlisabet akâu kơhioh tơdrâu khei boih na 'Bok Kei-Dei wơh linh jang 'lơ̆ng Sư, anăn sư Gabrel, jur tơ Pơlei Nasaret lăm dêh Galilê.

Jang 10:3

Minh năr ei dang pêng jơ kơsơ̆, 'bok Kôrnei 'bôh linh jang 'lơ̆ng đơ̆ng 'Bok Kei-Dei năm mơ̆t tơ hnam sư. Linh jang 'lơ̆ng khan kơ sư: “Ơ Kôrnei.”

Jang 10:9

Năr dơning dơ̆ng lu sư năm wă jê̆ truh tơ Pơlei Japa. Lăp truh 'năr dơ̆ng, Pêtrôs tŏk tơ anih hnam mă kơpal sư wă krao khan kơ 'Bok Kei-Dei.

Jang 12:7

Mă-lei lăm hnam ei đei hloi ŭnh hơdah, linh jang 'lơ̆ng 'Bok Kei-Dei năm wă tơlĕch Pêtrôs. Linh jang 'lơ̆ng 'Bok Kei-Dei pel 'bơ̆t sơngiĕng păng râu Pêtrôs, khan hloi: “Iung mă kuăng wăi.” Na tơlei glang đêl đe chô̆ ti Pêtrôs ei tơyaih hloi.

Jang 3:1

Pêtrôs păng Yôhan năm tơ hnam akŭm 'Bok Kei-Dei tơm. Sư pơtơm dih băl đơ̆ng pêng jơ kơsơ̆ wă akŭm krao khan păng đe.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Hêbrơ 1:7

Na Sư khan dơ̆ng gah lu linh jang Sư khan: “Inh ăn kơ lu linh jang mă pơm đam Inh, jang hơbĕch dang kial hơbal dang pla ŭnh.”

Tơdrông Tơ'bôh 9:17

Lăm tơdrong mă tơ'bôh kơ inh noh, inh đei 'bôh lu linh hao aseh ei tă hrŭk ao mam 'brê thoi pla ŭnh, 'nhui ŭnh, tơmo ŭnh dreng. Kơ̆l aseh ei thoi kơ̆l dăm-brang; sư đei pla ŭnh, 'nhui ŭnh păng tơmo ŭnh dreng lĕch 'nhui 'bâu chhok hơ̆-hang, kon bơngai hơ'nơ̆k lôch yua kơ sư pruih tơlĕch đơ̆ng 'bơ̆r sư.