Da 9:17 - Sơ̆p Hlabơar Nơ̆r 'Bok Kei-Dei

¹⁷ Thoi noh dang ei ơ Kră Yang 'Bok Kei-Dei lu nhôn, apinh mơ̆ng bĕ, nơ̆r lu đĭch đam Ih krao apinh, yua kơ Ih, apinh pơdah bĕ muh măt Ih tơ anih rơgoh mă Ih đĭ juơ boih.

Da 9:17 ပူးပေါင်းရင်းမြစ်များ

I Pot 8:28

Mă đơ̆ng thoi noh ră, ơ 'Bok Kei-Dei apinh Ih pơđêng đon mơ̆ng nơ̆r đĭch đam Ih krao apinh 'bơ̆t anăp Ih năr âu:

Ne 1:6

Inh apinh Ih lăng păng đon Ih mơ̆ng nơ̆r krao khan inh bơngai đĭch đam Ih, dang ei inh oei krao khan rim năr rim măng yua kơ adrĕch Isơrael, lu đĭch đam Ih, oei 'bơ̆t anăp Ih păng roi tơbral dôm tơdrong yoch kon pơlei Isơrael mă lu nhôn pơm glăi boih hăm Ih, inh păng hnam dơnŏ 'bok inh kư̆m pơm yoch.

Horiso 119:135

Apinh Ih pơchrang bĕ muh măt Ih kơ lu đĭch đam Ih, Păng bơtho inh tơdrong juăt Ih.

Horiso 4:6

Đei lơ bơngai apinh: “Bu gơh tơ'bôh ăn kơ bơ̆n tơdrong pŭn hiôk” Ơ Kră Yang, pơchrang bĕ tơdrong hơdah đơ̆ng muh măt Ih, tơ lu nhôn.

Horiso 67:1

Hơpơi apinh Kră Yang 'Bok Kei-Dei 'mêm mơnat păng ăn tơdrong pŭn hiôk kơ lu nhôn. Pơdah muh măt Ih tơ lu nhôn. Sêla

Horiso 67:2

Wă kơ trong Ih đe gơh băt tơ kơpal teh. Păng tơdrong dŏng pơklaih Ih gơh băt tơ jơ̆p lăm lu dêh char.

Horiso 74:3

Apinh Ih yak bĕ tơ anih mă pơrăm noh. Lu ayăt pơrăm lê̆ đĭ boih anih 'lơ̆ng rơgoh.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Horiso 80:19

Ơ Kră Yang, 'Bok Kei-Dei Tih Hloh, apinh Ih tơiung lu nhôn dơ̆ng. Păng pơdah bĕ muh măt Ih wă kơ lu nhôn gơh klaih.

Horiso 80:3

Ơ Kră Yang 'Bok Kei-Dei, apinh Ih tơiung lu nhôn dơ̆ng. Pơdah bĕ muh măt Ih wă kơ lu nhôn gơh klaih.

Horiso 80:4

Ơ Kră Yang, 'Bok Kei-Dei Tih Hloh. Ih hil mĭl dêh ưh kơ wă mơ̆ng nơ̆r kon pơlei pơla Ih krao khan dĭng dang yơ?

Horiso 80:7

Ơ Kră Yang 'Bok Kei-Dei Tih Hloh, apinh Ih tơiung lu nhôn dơ̆ng, pơdah bĕ muh măt Ih wă kơ lu nhôn gơh klaih.

Êsai 48:11

Noh yua kơ Inh, yua kơ kơdih Inh na Inh pơm tơdrong 'nâu, yua kơ kiơ Inh lê̆ anăn Inh đe pơjăm pơjuă ngôi? Inh gô ưh kơ ăn tơdrong ư-ang Inh kơ bu nai ôh.

Nhom 3:56

Ih kơtơ̆ng boih nơ̆r inh, 'nĕ kơ chĭt đon Ih kơ nơ̆r inh krao apinh Ih.

Nhom 5:18

Yua kơ kông Siôn jing juơ rơhiăng, Kŏ bri yak rok noh.

Da 9:19

Ơ Kră Yang 'Bok Kei-Dei mơ̆ng mă tôm bĕ; ơ Kră Yang 'Bok Kei-Dei mơnat ăn bĕ! Ơ Kră Yang 'Bok Kei-Dei! 'Blŏk bĕ păng pơm bĕ. Ơ Kră Yang 'Bok Kei-Dei inh! Yua kơ Ih boih apinh 'nĕ pă gô dơ̆ng; yua kơ pơlei tih Ih păng kon pơlei Ih, mă đei krao păng anăn Ih!

Yo 16:24

Iĕm athei apinh 'Bă Inh, thoi âu: Yua kơ nhôn lui kơ Kon Ih Yêsu na nhôn apinh Ih wă kơ Ih ăn kơ nhôn tơdrong noh. Iĕm apinh Sư thoi noh, gô đei kơ iĕm tơpă. Thoi noh na iĕm chơt hiôk chhơp kơ jơhngơ̆m iĕm tơpă. Mă-lei đơ̆ng sơ̆ khơ̆ dang ei iĕm tam mă krao khan apinh Sư thoi noh 'mơ̆i.

II Kor 1:20

Dôm tơdrong 'Bok Kei-Dei pơkă wă tơgŭm, Yêsu Krist năm hloi. Thoi noh na dôm tơdrong bơ̆n krao khan bơ̆n pơma A-men, noh wă khan bơnê kơ 'Bok Kei-Dei tơpăt ling-lang ăn Yêsu Krist jur tơgŭm tơpă.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.