Da 8:7 - Sơ̆p Hlabơar Nơ̆r 'Bok Kei-Dei

⁷ Inh 'bôh sư năm truh jê̆ tơ triu tơno noh, hil hơnganh na tơ̆m hloi triu noh, na hơke triu noh tơgơ̆ hloi 'bar pah; triu tơno noh ưh kơ kĕ kơ pơjăng, bơbe bram noh tơ̆m hơtơ̆k hloi triu tơno noh pơ̆k hloi tơ teh, bơbe bram noh hao pơjuă hloi păng ưh kơ bu kĕ pơ̆n kĕ dŏng pơklaih triu noh đơ̆ng tơdrong pran kơtang sư.

Da 8:7 ပူးပေါင်းရင်းမြစ်များ

Da 11:11

Na pơtao gah gơal blĕk dêh sư năm blah hloi pơtao gah yă-nơ̆m, sư hơmet lu linh gre aseh lơlap lơlang lu linh pơtao gah yă-nơ̆m noh sư gô rôp pơđĭ.

Da 7:12

Gah lu sem brem nai pă đei gơh pơgơ̆r boih Mă-lei ăn arih sot 'biơ̆ minh bơyan minh kơchon.

Da 7:7

Đơ̆ng rŏng inh lăng dơ̆ng mă tơdrong tơ'bôh kơ inh tơ kơmăng noh, 'nâu đei sem brem mă puăn, krưp dêh, kơtang tơpă păng đei jơhngơ̆m pran dêh tơpă. Sem brem noh đei grĕng bơsei tih tih; sư kơkă hĕch đĭ, luăn sa păng sư pơjuă lê̆ đĭ lu tơmam sa hăm jơ̆ng, sư pha kơ lu kon sem brem truh adrol noh păng đei mơjĭt tŏ hơke.

Da 8:10

Sư rai tih kơjung truh tơ khŭl linh tơ plĕnh; sư tơhuŏng linh tơ teh mơ'nah khŭl linh đơ̆ng sơnglŏng đơ̆ng noh sư pơjuă lê̆.

Da 8:6

Sư năm truh tơ triu đei 'bar tŏ hơke, mă inh đei 'bôh sư dơ̆ng cheng glung; sư hơnganh hil dêh na kơdâu hloi tơ triu tơno noh na tơtơ̆m băl hloi hăm triu tơno noh.

Da 8:8

Bơbe bram pơm kơ akâu sư rai tih; mă-lei lăp sư pran dêh boih, hơke sư mă tih noh tơgơ̆ păng tơ đêl anih hơke tơgơ̆ noh chăt dơ̆ng puăn tŏ hơke plơ̆ng, puăn tŏ hơke noh chăt pơdơ̆ng tơklă tơ puăn trong kial tơ plĕnh.

Lêwi 26:37

Bơngai âu pơ̆k kơpal bơngai to, thoi kơdâu kơ đao hơlă, pơ̆k mă ưh kơ đei bu druh 'moi lu sư păng lu iĕm ưh kơ kĕ ôh wă dơ̆ng 'bơ̆t anăp lu bơngai ayăt kơ lu iĕm.

Jôsuê 8:20

Lu bơngai drŏ-nglo pơlei Ahi wih lăng tơ rŏng 'bôh đei 'nhui ŭnh đe soh pơlei đông tơ kơpal plĕnh. Mă-lei lu sư đĭ pă gơh kơdâu gah yơ, yua kơ lu linh Isơrael mă kơdâu boih tơ lăm thŭng wih tơ rŏng blah lu bơngai mă druh lu sư.