Da 8:13 - Sơ̆p Hlabơar Nơ̆r 'Bok Kei-Dei

¹³ Đơ̆ng noh inh kơtơ̆ng đei minh 'nu Yang rơgoh oei pơma păng minh 'nu Yang rơgoh nai dơ̆ng pơma dơnuh hăm Yang rơgoh mă oei pơma noh, thoi âu: Tơdrong tơ'bôh âu gah tơmam soi juăt kơ pơyơ̆r âu dang yơ gơh pơyơ̆r dơ̆ng păng gah tơdrong yoch mă đei tơdrong pơrăm, wă jao lu linh păng anih rơgoh wă pơjuă gơhlơ̆r hăm jơ̆ng, dĭng dang yơ đĭ?

Da 8:13 ပူးပေါင်းရင်းမြစ်များ

Horiso 74:10

Ơ Kră Yang 'Bok Kei-Dei, lu ayăt gô pơjăm pơjuă Ih dĭng truh dang yơ? Wă lê̆ lu ayăt pơma kơnê̆ kơ anăn Ih ling-lang đĕch hă?

Horiso 74:9

Lu nhôn pă đei 'bôh tơdra hlĭch. Ưh pă đei bơngai khan lê̆ adrol tơ lăm lu nhôn kư̆m ưh pă đei bu băt tơdrong âu dĭng truh tơ dang yơ.

Horiso 79:5

Ơ Kră Yang! Dĭng truh dang yơ? Ih wă hil khŏm khŏm hloi ah? Ih wă hil gar oei sa thoi ŭnh ah?

Êsai 28:18

Kơplah noh tơdrong pơgơ̆p lu iĕm hăm tơdrong lôch gô ưh pă đei, tơdrong lu iĕm pơgơ̆p hăm dêh atâu gô ưh pă đei, tơdah tơdrong anat anot truh 'bĕnh-'bang sư pơrăm lu iĕm, lu iĕm răm đĭ.

Êsai 6:11

Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;

Êsai 63:18

Kon pơlei 'lơ̆ng rơgoh Kră Yang 'nao đei anih 'nâu ưh tăm mă đunh; mă-lei bơngai ayăt kơ nhôn pơjuă lê̆ bơih anih 'lơ̆ng rơgoh Ih.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Je 12:10

Lu bơngai wei triu pơrăm boih mir hơmu Inh; Pơjuă gơhlơ̆r teh Inh jang sa; lu sư pơm kơ teh 'lơ̆ng Inh jing bri juơ.

Da 11:31

Lu linh mă sư lăp đon, gô iung pơm 'mê̆-'mach kơ anih kơđông rơgoh, iŏk lê̆ tơmam soi 'buh mă juăt kơ pơyơ̆r păng pơm tơdrong kơnê̆, pơm kơ anih noh jing juơ.

Da 12:11

Đơ̆ng chăl mă lê̆ boih dôm tơdrong soi, tơmam soi 'buh mă juăt kơ pơyơ̆r păng tơdrong kơnê̆ 'mê̆ brư̆ jing juơ juŏ gô pơjing ming plơ̆ng dơ̆ng, gô đei minh-rơbâu 'bar-hrĕng tơsĭn-jĭt năr.

Da 12:8

Inh, Đaniel, kơtơ̆ng dôm lu tơdrong noh, mă-lei inh ưh kơ hlôh. Păng inh khan thoi âu: Ơ! Kră Yang 'Bok Kei-Dei inh, tuch-luch kơ lu tơdrong 'nâu gô jing thoi yơ?

Da 4:10

'Nâu mă dôm tơdrong inh đei 'bôh tơ lăm kơ̆l inh kơplah inh oei 'bĭch kơpal giơng. Inh pơglăn lăng na 'nâu, tơ lăm teh âu đei tơm 'long tih hlĭch tơpă.

Da 4:13

Inh lăng lu tơdrong lăm kơ̆l 'ngok inh 'bôh, kơplah inh oei 'bĭch kơpal giơng păng âu, inh đei 'bôh minh 'nu yang 'lơ̆ng rơgoh wei-lăng tơnơm 'long noh sư jur đơ̆ng plĕnh.

Da 4:23

Gah tơdrong mă ih đei 'bôh minh 'nu Yang 'lơ̆ng rơgoh jur đơ̆ng plĕnh bơwei păng khan: Kăl păng chơ̆ng pơrăm lê̆ bĕ! Mă-lei athei 'măn lê̆ rơh păng tơm sư tơ lăm teh, dơng noh chô̆ bĕ sư hăm glang bơsei păng glang kong, tơ lăm tơmăn glă mir chŭn, lê̆ sư hngôm hơiuh kơ đak ngom jur đơ̆ng plĕnh; păng ăn kơ sư oei hơdai lu sem bri tơ tơmăn dĭng truh tơ tơpơh sơnăm.

Da 7:16

Inh năm dơ̆ng tơ jê̆ minh 'nu bơngai mă oei dơ̆ng tơ noh păng inh apinh Sư gah tơdrong 'nâu tơpă thoi yơ. Sư hloi khan kơ inh păng tơblang ăn kơ inh dôm tơdrong noh thoi âu:

Da 7:23

Thoi ei na sư khan kơ inh: Sem brem mă puăn Sư gô pơjing dêh char mă puăn tơ kơpal teh, dêh char sư phara kơ Dêh char nai, yua kơ sư gô luăn pơđĭ teh đak, pơjuă păng pơrăm đĭ.

Da 9:27

Sư pơjing tơdrong kơjăp hăm lơ bơngai lăm minh 'măng giĕng păng truh lăm tŏk-bŏk 'măng giĕng noh, Sư kư̆m ăn kơ tơmam soi 'buh pơyơ̆r kư̆m pơdơh. Lu bơngai nai mă pơrăm gô truh hao pơnăr sem krưp dêh păng gô đei tơdrong hil krưp dêh tuh tơ anih juơ dĭng truh tơ sơnăm tôch, mă sơnăm đei pơkă lê̆ boih.

Sa 1:19

Inh khan hloi kơ linh jang mă oei pơma hăm inh thoi âu: “Lu tơmam noh tơmam kiơ?” Sư tơl inh thoi âu: “Noh boih lu hơke mă đei pơm kơ char Juđa, Isơrael păng Jêrusalem pơchah đĭ.”

Sa 14:5

Lu iĕm gô kơdâu ôn tơ lăm sơlŭng trôm kông, yua kơ sơlŭng noh să truh tơ Atsan, lu iĕm gô kơdâu ôn thoi đe kơdâu đơ̆ng teh tơdrŏ chăl Ôsia, pơtao đe Juđa. Dang ei Kră Yang 'Bok Kei-Dei inh gô truh, đĭ-đăng lu bơngai 'lơ̆ng rơgoh gô truh hơdai ih.

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Mathiơ 24:15

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Đaniel bơngai pơtruh nơ̆r 'Bok Kei-Dei sơ̆ sư kư̆m roi tơdrong noh mơ̆n. Na bu đŏk lăng hla bơar âu đon sư athei pơwao kơdih.

Markôs 13:14

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Na bu đŏk lăng hla bơar âu đon sư athei pơwao kơdih. Lu iĕm bơngai mă oei tơ dêh Juđê 'bôh thoi noh iĕm athei jăk tơ kông ataih đơ̆ng lu sư hloi.

Luka 10:22

“'Bă Inh jao ăn kơ Inh tôm tĕch tơdrong, minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na dôm lu bơngai mă Inh tơbăt ăn kơ lu sư, băt kơ 'Bă.”

Luka 21:20

Yêsu oei bơtho lu sư thoi âu: “Lăp iĕm 'bôh linh lơ tơpă oei tăp dăr kơ Pơlei Jêrusalem, lei iĕm băt kơ lu sư wă jê̆ mơ̆t blah lăm pơlei iĕm pơchah pơchek đĭ.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

Both 33:2

Sư khan: Kră Yang truh đơ̆ng kông Sinai. Pơchrang hơdah kơpal lu bơ̆n đơ̆ng Seirơ, păng rang mơnhal đơ̆ng Kông Paran; Sư truh hăm lơ rơbâu hơngan linh jang, Rang hơdah kơmlat lĕch đơ̆ng ti 'ma Sư.

I Tes 3:13

Thoi noh boih na jơhngơ̆m iĕm jing pran kơtang, na lăp Kră Yang bơ̆n Yêsu Krist jur đơ̆ng plĕnh hơdai păng lu bơngai lui kơ Sư ning-mônh, na 'Bă tơm bơ̆n 'Bok Kei-Dei 'bôh iĕm bơngai 'lơ̆ng tơpăt huay kơ đei tơdrong yoch.

Hêbrơ 10:29

Tơpă, iĕm tơchĕng lăng tơdrong lu bơngai mă pơjuă kơtĭt Kon pôm 'Bok Kei-Dei păng lăng pham Kon Sư đêl pơm kơ sư rơgoh, mă sư pơm pơhơi thoi ưh kơ yua. Păng Yang Bơhngol 'Lơ̆ng bơtho tơgŭm bơ̆n tôm tơdrong 'lơ̆ng mă sư pơjăm ngôi. Iĕm tơchĕng lăng bơngai noh hăm trŏ kơ phak? Phak tih tơpă ưh kơ băt tih dang yơ.

I Pet 1:12

'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.

Ju 1:14

Ênŏk sư kon sâu jơhnơr mă tơpơh, jô̆ đơ̆ng jơhnơr Ađam. Sư đei pơma khan lê̆ hơdrol gah lu bơngai noh sơ̆ thoi âu: “Kră Yang wă jur hăm dôm rơbâu rơngan 'nu lu linh jang 'lơ̆ng Sư,

Tơdrông Tơ'bôh 11:2

Gah tơ 'ngoaih hnam tơ cham ih lê̆ kơ pơtŏ kư̆m bưh, yua kơ cham noh đe pơjao ăn kơ lu bơngai oei tơ teh âu juă lăm pơlei 'lơ̆ng wă khan Pơlei Jêrusalem kơplah lăm puăn-jĭt 'bar khei.

Tơdrông Tơ'bôh 6:10

Đĭ dôm lu sư pơma pơret khan: “Ơ 'Bok Kei-Dei, Ih Kră Yang 'lơ̆ng tơpăt. Layơ Ih wă sek tơlang phak lu bơngai mă oei tơ ala teh pơlôch nhôn sơ̆?”

Lu 13:18

Linh jang 'lơ̆ng Kră Yang khan: Liơ mă ih jet anăn inh, anăn inh jing hlĭch dêh.