Da 8:11 - Sơ̆p Hlabơar Nơ̆r 'Bok Kei-Dei

¹¹ Sư pơm akâu sư rai tih dĭng truh tơ yŏng pơgơ̆r linh; sư iŏk lê̆ tơmam pơyơ̆r đơ̆ng 'bok noh păng anih rơgoh sư tơhuŏng lê̆ tơ teh.

Da 8:11 ပူးပေါင်းရင်းမြစ်များ

Êsai 37:23

Ih pơjăm 'bơm bu? Ih đei pơma ôr wă blah bu păng ngơk lăng muh măt pơang? Pơ̆n blah Tơ'ngla 'Lơ̆ng Rơgoh Isơrael.

Êsai 37:29

Yua kơ tơdrong ih hil iung wă blah Inh, nơ̆r ih pơma tơan kơnê̆ kơtơ̆ng truh tơ đon Inh bơih, na Inh iŏk gŏp tôt lăm muh ih păng iŏk dam pơhơ̆p 'bơ̆r ih, pơm kơ ih brŏk kiơ̆ đêl trong ih năm.

Je 48:26

Pơhuch bĕ kơ lu sư dĭng suai, yua kơ pôk hơtŏk lu sư kơdih wă blah Kră Yang. Môap gô tơgrŏl lăm hăk lu sư kơdih, đe gô hiĕk ăr kơ lu sư.

Je 48:42

Char Môap đe gô pơrăm, sư ưh pă jing kon pơlei pơla dơ̆ng; yua kơ lu sư pơang pôk hơtŏk lu sư kơdih blah Kră Yang.”

Êsêkiên 46:14

Rim pơgê ih athei pơyơ̆r tơmam soi phe ‘ba hơdai hăm tơmam soi noh, minh lăm tơdrâu êpha hăm minh lăm pêng hin đak rơmă wă bơlŭ hăm tơmam soi phe 'ba, wă pơm tơmam soi pơyơ̆r kơ Kră Yang rim năr noh tơdrong juăt ling-lang hlong hloi.

Da 11:22

Khŭl linh lơlang 'bĕnh-'bang, gô kơdâu sơlah gah thuơ đĭ 'bơ̆t anăp sư, truh tơ yŏng lu bơngai mă Kră Yang đei pơkăm pơkă băl kư̆m lei-lăi.

Da 11:31

Lu linh mă sư lăp đon, gô iung pơm 'mê̆-'mach kơ anih kơđông rơgoh, iŏk lê̆ tơmam soi 'buh mă juăt kơ pơyơ̆r păng pơm tơdrong kơnê̆, pơm kơ anih noh jing juơ.

Da 12:11

Đơ̆ng chăl mă lê̆ boih dôm tơdrong soi, tơmam soi 'buh mă juăt kơ pơyơ̆r păng tơdrong kơnê̆ 'mê̆ brư̆ jing juơ juŏ gô pơjing ming plơ̆ng dơ̆ng, gô đei minh-rơbâu 'bar-hrĕng tơsĭn-jĭt năr.

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Da 7:25

Pơtao noh sư gô blah pơma kơnê̆ kơ Kră Yang 'Bok Kei-Dei Tih hloh, pơm kơ lu bơngai 'lơ̆ng rơgoh Kră Yang Tih Hloh rơdu rơmơ̆n păng sư pơkă wă tơplih khôi juăt, tơplih tơdrong pơgơ̆r, kơplah noh đe gô pơjao lu bơngai 'lơ̆ng rơgoh lăm ti sư minh sơnăm, 'bar sơnăm, minh puăt sơnăm.

Da 8:12

Yua kơ đei tơdrong yoch na lu linh jao pơđĭ kơ sư păng lu tơmam pơyơ̆r pơm tơmam 'buh păng tơjruh lê̆ tơdrong tơpăt tơ teh sư pơm kiơ̆ kơ sư kơdih wă na păng kĕ jei tih.

Da 8:24

Tơdrong pơgơ̆r sư rai tih, mă-lei ưh kơ trŏ kơ đơ̆ng jơhngơ̆m pran sư kơdih. Sư pơm dôm tơdrong pơrăm pơrai hlĭch tơpă; păng đei jing jei thoi sư wă; pơlôch pơrăm dôm lu bơngai pơgơ̆r păng kon pơlei 'lơ̆ng rơgoh.

Da 8:25

Sư đei tơdrong gơh pơm hơlĕnh pơdăr sư đei jơnei tih. Lăm jơhngơ̆m sư kơdih pơm kơ sư jing tih păng kơplah lu kon pơlei oei hiôk-hian, sư gô pơlôch lơ bơngai; sư iung blah lu pơtao kơ lu pơtao, mă-lei đe gô pơrăm lê̆ sư ưh kơ trŏ đơ̆ng ti kon bơngai pơrăm.

Da 9:25

Ih athei băt păng hlôh tơdrong âu đơ̆ng năr mă athei pơjing păng hơmet ming Jêrusalem, dĭng truh Yang mă đei tuh đak rơmă, wă khan pơtao, na đei tơpơh 'măng giĕng păng tơdrâu-jĭt 'bar 'măng giĕng; pơlei tih đei pơdơ̆ng man ming, đei trong pơlei păng bơnang yua kơplah đei tơdrong anat anot.

Jo 28:3

Roi bĕ kơ lu kon pơlei Isơrael thoi âu: 'Nâu tơmam pơyơ̆r soh hăm ŭnh na lu iĕm gô pơyơ̆r kơ Kră Yang: Rim năr 'bar tŏ triu kon iĕ tơno đei minh sơnăm ưh kơ đei jĭ kiơ, jing tơmam pơyơ̆r ling-lang.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

II Tes 2:4

Bơngai kơnê̆ ei, sư pơang akâu sư kơdih khan sư tih hloh kơ 'Bok Kei-Dei, hăm tih hloh kơ đĭ-đăng lu yang nai. Sư mơ̆t lăm hnam akŭm 'Bok Kei-Dei tơm na khan kơ đe: “Inh boih Kră Yang iĕm, na iĕm athei kơkuh kơ inh.”

Hêbrơ 2:10

'Bok Kei-Dei pơjing tôm tơdrong. Tôm tơdrong Sư pơjing, noh Sư wă kơ đe ư-ang kơ Sư. Thoi noh na trŏ kơ Sư ăn kơ Yêsu đei tơdrong pơmat-tat, wă kơ Yêsu iŏk tôm tơdrong thoi kon bơngai bơ̆n wă kơ Sư gơh anhăk ba lơ bơngai klaih đơ̆ng tơdrong yoch. Thoi noh na đĭ-đăng lu kon Sư nai kư̆m hiôk lei-lăi thoi Yêsu.

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”