Da 6:28 - Sơ̆p Hlabơar Nơ̆r 'Bok Kei-Dei

²⁸ Đaniel đei tơdrong pŭn hiôk đĭ chăl arih sư kơplah oei pơtao Đarius păng pơtao Sirus bơngai Pherơsơ pơm pơtao.

Da 6:28 ပူးပေါင်းရင်းမြစ်များ

II Ho 36:22

Lăm sơnăm blŭng-a chăl Sirus pơm pơtao Persia, Kră Yang wă pơsĭt nơ̆r Sư mă Jêrêmi đei khan adrol boih, Kră Yang pơm ăn kơ jơhngơ̆m Sirus pơtao Persia, wă kơ sư roi tơbăt tơ jơ̆p-jang teh đak sư, hăm chih hla bơar roi tơbăt khan:

II Ho 36:23

Sirus pơtao Phersia khan: “Kră Yang 'Bok Kei-Dei kơpal plĕnh đei ăn boih kơ inh pơgơ̆r dêh char lăm teh đak âu, Sư athei wă kơ inh man pơjing Hnam Akŭm tih kơ Sư tơ pơlei Jêrusalem lăm char Juđa. Lăm lu iĕm, bu mă kon pơlei pơla Sư, năm bĕ tơ pơlei Jêrusalem; hơpơi apinh Kră Yang 'Bok Kei-Dei oei hơdai sư, ăn kơ sư tŏk năm!” 11-Nov-2014@18:29, Backup Description=

Horiso 77:15

Ih yua kơkŏng ti Ih kơdih pơklaih kon pơlei pơla Ih. Lu kon drŏ-nglo Jakôp păng kon drŏ-nglo Jôsep. Sêla

Êsai 44:28

Kră Yang khan kơ pơtao Sirus: ‘Sư bơngai wei triu Inh, sư gô pơm keh tơdrong inh wă, kư̆m pơma dơ̆ng gah pơlei Jêrusalem khan: “Gô pơjing ming sư dơ̆ng, păng pơma gah hnam akŭm khan: “Jrăng hơnă gô pơdơ̆ng ming.”

Je 32:20

Ih đei pơm boih tơdrong hlĭch chrơp tơ lăm char Êyiptơ sơ̆ mă khơ̆ dang ei lăm lu bơngai Isơrael păng lăm lu bơngai nai, anăn Ih đei ư-ang boih thoi kư̆m đei ư-ang dang ei.

Da 1:21

Thoi ei, Đaniel oei hloi tơ noh dĭng truh tơ sơnăm blŭng-a lăm chăl pơtao Sirus.

Da 10:1

Lăm sơnăm mă pêng lăm chăl Sirus pơm pơtao dêh char Pherơsơ; đei minh tơdrong tơ'bôh ăn kơ Đaniel đe krao sư Beltơsatsar. Tơdrong tơ'bôh noh sĭt tơpă wă khan tơdrong tơblah tih. Đaniel hlôh kơ tơdrong noh păng băt kơ tơdrong tơ'bôh noh wă khan kiơ.

Da 3:29

Thoi noh inh ăn nơ̆r tơtă âu: Mă khan kon pơlei ayơ, dêh char ayơ, nơ̆r pơma kiơ, dah đei bu pơma kơnê̆ kơ Kră Yang 'Bok Kei-Dei Sadrak, Mêsak, Abetnigo gô koh pơhĕch sư, hnam dơnŏ noh kư̆m gô jing mơ̆r kơ teh, yua kơ ưh kơ đei yang kiơ mă gơh dŏng pơklaih thoi 'nâu.

Da 5:28

Parsin wă khan: Dêh char pơtao ih gô klah asong, ăn kơ bơngai Mêdi păng bơngai Pherơsơ.