Da 6:24 - Sơ̆p Hlabơar Nơ̆r 'Bok Kei-Dei

²⁴ Kiơ̆ thoi pơtao đei athei, dôm lu bơngai đêl kêng Đaniel noh hăm lu kon akăn sư, athei đe klơ̆m lê̆ tơ lăm sơlŭng dăm-brang noh. Lu sư tam mă truh tơ kơđĕl sơlŭng ră mă-lei kơplah noh lu dăm-brang plŏng rôp hek hok kơting đĭ hloi.

Da 6:24 ပူးပေါင်းရင်းမြစ်များ

II Pot 14:6

Mă-lei sư ưh kơ pơlôch ôh lu kon, bơngai pơlôch đe noh, kiơ̆ thoi nơ̆r mă đe đei chih bơih tơ lăm sơ̆p hla bơar tơdrong juăt Môis: “Lăm tơdrong Kră Yang đei tơtă bơih, đe ưh kơ pơlôch mĕ 'bă yua kơ kon yoch, kư̆m ưh kơ pơlôch kon yua kơ mĕ 'bă pơm yoch; rim 'nu đe gô pơlôch yua kơ tơdrong yoch sư kơdih.

Esther 7:10

Thoi noh na đe hrek atol Haman tơ 'long gơ̆ng mă sư đei pơdơ̆ng wă hrek atol Morđêkai. Đơ̆ng noh tơdrong pơtao blĕk ưh pă đei boih.

Esther 9:10

Wă khan mơjĭt 'nu kon drŏ-nglo Haman, sâu drŏ-nglo Hamadatha bơngai mă ayăt pơm kơnê̆ kơ adrĕch Juđa. Mă-lei lu sư ưh kơ blah iŏk mŭk tơmam ôh.

Esther 9:25

Mă-lei kơplah yă Esther năm 'bơ̆t anăp pơtao wă roi tơdrong noh, na pơtao tơjur nơ̆r chih thoi âu: Tơdrong kơnê̆ Haman chă đon wă pơrăm adrĕch Juđa noh thoi tuh plơ̆ tơ kơ̆l sư kơdih, đơ̆ng noh đe hrek atol sư păng lu kon drŏ-nglo sư tơ kơpal 'long gơ̆ng.

Horiso 54:5

Sư gô pơm tơwihc kơ lu bơngai ayăt kơ inh; Apinh pơlôch bĕ lu sư, kiơ̆ thoi tơdrong 'lơ̆ng tơpăt Ih.

Tơdrông Pơđơk 11:8

Bơngai tơpăt gô đei dŏng pơklaih đơ̆ng tơdrong pơmat-tat; Mă-lei gô đei tơdrong pơmat-tat truh tơ lu bơngai pơm kơnê̆.

Tơdrông Pơđơk 19:9

Bu pơm kơdranh hơlĕnh ưh kơ klĕnh hlôi ôh đơ̆ng phak. Bu pơma hơlĕnh gô hiong răm.

Êsai 38:13

Inh ôr tơngưih truh pơgê, nhen thoi dăm-brang Sư teh pơchah tơgơ̆ đĭ kơting inh, Kră Yang gô pơtôch lê̆ tơdrong arih inh kơ năr păng kơmăng!

Je 34:17

Thoi noh, Kră Yang khan: “Lu iĕm ưh kơ wă mơ̆ng nơ̆r Inh, lu iĕm ưh kơ roi ăn kơ rim 'nu athei ăn kơ lu 'nhŏng oh, lu rông 'bôt iĕm gơh rơngei. Kră Yang khan: 'Nâu Inh ăn kơ iĕm rơngei, năm tơ đao gưm, jĭ hơbuh pơngot rơwĕt, Inh gô pơm ăn kơ iĕm jing bơngai đe lăng 'mê̆ krưp lăm jơ̆p kơ dêh char lăm teh âu.

Da 3:22

Đơ̆ng noh pơtao athei gơnhĕk dêh, mă ŭnh noh kư̆m tŏ hloh tơpă, na lu bơngai klơ̆m Sadrak, Mêsak, Abetnigo, noh ŭnh dơhlông sa lu sư kư̆m lôch đĭ.

Both 24:16

'Nĕ kơ pơlôch 'bă yua kơ đơ̆ng tơdrong yoch kon, kư̆m 'nĕ kơ pơlôch lu kon yua kơ đơ̆ng tơdrong yoch 'bă, bơngai bu pơm yoch na pơlôch bơngai noh.