Da 6:12 - Sơ̆p Hlabơar Nơ̆r 'Bok Kei-Dei

¹² Lu sư năm tơ pơtao păng roi kơ pơtao, gah tơdrong mă sư đei kĭ boih lăm hla bơar pơkơ̆m noh thoi âu: Ơ pơtao ih đei kĭ boih lăm hla bơar pơkơ̆m noh păng pơkă lăm pêng-jĭt năr, dah đei bu krao khan kơ yang nai dah krao khan kơ bơngai nai 'nguaih kơ ih na gô klơ̆m lê̆ sư tơ lăm war dăm-brang hăm trŏ ưh? Pơtao drơ̆ng trŏ tơpă kiơ̆ tơdrong juăt lu bơngai Mêđi păng bơngai Pherơsơ, ưh pă tơplih boih.

Da 6:12 ပူးပေါင်းရင်းမြစ်များ

Esther 1:19

Tơdah pơtao lăp đon, lei tơjur bĕ nơ̆r pơtao pơkă, na chih lăm sơ̆p hla bơar tơdrong juăt dêh char Phersia păng char Mêdi wă ưh kơ đei bu gơh tơplih, wă kơ yă pơtao Wathi âu ưh pă gơh mơ̆t 'bơ̆t anăp pơtao Asêrus. Pơtao athei rơih chă yă pơtao plơ̆ng 'lơ̆ng hloh tơplih kơ yă Wathi.

Da 6:15

Mă-lei lu đe noh năm khan kơ pơtao thoi âu: Ơ pơtao, apinh ih 'blŏk kiơ̆ kơ tơdrong juăt bơngai Mêđi păng bơngai Pherơsơ, tơdrong pơkơ̆m dah tơdrong juăt ayơ đei pơjing boih, ưh pă gơh tơplih dơ̆ng.

Da 6:8

Dang ei, ơ pơtao, chih pơkăm tơbăt bĕ păng kĭ hloi măt ih lăm noh, wă kơ kĭ huay kơ tơplih, kiơ̆ thoi tơdrong juăt bơngai Mêđi păng bơngai Pherơsơ, ưh pă gơh tơplih boih.

Jang 16:19

Thoi noh yŏng sư 'bôh ưh pă yua đơ̆ng sư boih, na jên lu sư kư̆m ưh pă lơ boih, lu sư rôp hloi bre Pôl păng Silas, anhăk ba bre sư tơ kră pơlei tơ tŏk-bŏk kơchơ.

Jang 16:24

Kơtơ̆ng thoi noh na kră wei-lăng hnam phak ei tah bre sư tơ lăm tŏk-bŏk hnam phak păng dơlŏng jơ̆ng bre sư mơ̆n.