Da 4:37 - Sơ̆p Hlabơar Nơ̆r 'Bok Kei-Dei

³⁷ Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Da 4:37 ပူးပေါင်းရင်းမြစ်များ

II Ho 33:19

Nơ̆r sư krao apinh Kră Yang 'Bok Kei-Dei đei tơl tơwih ăn kơ sư thoi yơ, dôm lu tơdrong yoch kơnê̆ mă sư đei pơm, lu anih kơjung mă sư đei pơm, man rup yang Asêria păng traih rup yang adrol kơ sư tam mă tơbral tơjur akâu sư, âu đei chih răk đĭ tơ lăm sơ̆p hla bơar Hôsai.

Esther 6:10

Pơtao khan kơ Haman, năm tĕnh tĕnh bĕ! Iŏk ao păng aseh thoi ih đei khan, na pơhrŭk ăn kơ Morđêkai, bơngai Juđa, mă oei ngôi 'bơ̆t 'măng jang hnam pơtao. Ih 'nĕ kơ hŭt minh tơdrong kiơ lăm dôm nơ̆r ih đei pơma noh.

Horiso 119:75

Ơ Kră Yang, inh băt tơdrong Ih sek tơlang tơpăt. Noh đơ̆ng tơdrong Ih tơpăt. Na Ih pơm kơ inh pơmat-tat.

Horiso 99:4

Pơtao mơsêh mơyang, Sư 'mêm kơ tơdrong tơpăt; Ih pơjing kơjăp tơdrong hơtŏ hơnơ̆ng. Ih sek tơlang hăm tơdrong tơpăt trŏ lăm Jakôp

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

Le 8:4

Kit ei gô mơmŏ tŏk tơ akâu ih, akâu kon pơlei păng rim 'nu kơ đĭch đam ih.

Êsai 23:9

Kră Yang Tih Hloh bơih pơkă pơm tơdrong âu, tơjur tơdrong pơang kơ đĭ-đăng tơdrong 'lơ̆ng rŏ păng pơm kơ lu bơngai đe pơyom lăm teh đak âu mơlâu.

Êsai 5:16

Mă-lei Kră Yang Tih Hloh, gô pôk hơtŏk tơ kơpal hloh hăm tơdrong sek tơlang tơpăt hơnơ̆ng, păng Kră Yang 'Bok Kei-Dei 'lơ̆ng Rơgoh gô pơdah Sư 'lơ̆ng rơgoh lăm tơdrong 'lơ̆ng tơpăt.

Je 50:29

Krao bĕ lu bơngai chĕp hră, Blah prah pơlei Babilôn; Wang tăp dăr kơ pơlei; 'nĕ ăn kơ minh 'nu klaih! Pơm bĕ kơ sư thoi sư đei pơm kơ đe, pơm 'mong tơwih kơ sư thoi sư đei pơm boih; Yua kơ sư pơang blah plơ̆ Kră Yang, Tơ'ngla 'Lơ̆ng Rơgoh Isơrael.

Êsêkiên 16:56

'Bơ̆r ih ưh pă pơma 'bơm boih gah mŏ oh ih Sôđôm kơplah ih oei đei tơdrong pơang,

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Da 4:26

Bê̆ tơdrong đei khan boih 'măn lê̆ tơm hăm rơh 'long 'noh, wă khan dang yơ ih băt kơ Kră Yang 'Bok Kei-Dei Tih hloh pơgơ̆r teh đak kon bơngai kơplah noh tơdrong pơgơ̆r gô tơwih kơ ih.

Da 4:3

Ô! Dôm tơdrong mơsêh Sư tơdrong hlĭch chrơp Sư tih dêh tơpă, dêh char Sư jơ̆ dêh char oei oei ling-lang, tơdrong Sư pơgơ̆r oei oei rim jơhnơr.

Da 4:34

Dĭng truh tôch kơ năr đêl pơkă, inh âu, Nebukatnessar inh ngoi muh măt tơ plĕnh, tơdrong hơgei đei dơ̆ng tơ inh păng inh pơư pơang anăn Kră Yang 'Bok Kei-Dei Tih hloh. Inh gô pơư pơang anăn Kră Yang 'Bok Kei-Dei mă arih ling-lang, dêh char Sư oei đei đơ̆ng chăl âu truh tơ chăl nai.

Da 5:4

Thoi noh lu sư huch tơdrô păng drap kơkuh bơnê kơ rup yang đe man păng maih păng hu păng kong păng 'long păng bơsei păng tơmo.

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Jang 17:24

'Bok Kei-Dei pơjing plĕnh teh păng đĭ-đăng sem tơmam oei lăm teh đak. Sư pơgơ̆r plĕnh teh, na Sư ưh kơ oei lăm hnam bơngai pơm ôh.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.

Tơdrông Tơ'bôh 16:7

Na inh kơtơ̆ng 'bơ̆r pơma đơ̆ng chơnang soi, sư khan thoi âu: “Ơ 'Bok Kei-Dei Kră Yang Tih Hloh, trŏ tơpă mă Ih phak thoi noh.”

I Sam 2:3

Thôi, 'nĕ pă pơma pơang dêh. 'Nĕ pă ăn tơdrong pơang lĕch đơ̆ng 'bơ̆r ih; Yua kơ Kră Yang bơih 'Bok Kei-Dei băt đi; Sư boih kŏng pơtŏ lăng đĭ tơdrong bơ̆n jang.