Da 3:7 - Sơ̆p Hlabơar Nơ̆r 'Bok Kei-Dei

⁷ Thoi noh, na mưh lu kon tơring kơtơ̆ng keng, brŏ, tơgiĕp, 'lal re, đĭ-đăng teh đak, rim kơ nơ̆r pơma, drap đĭ wă kơkuh kơ rup man mă pơtao Nebukatnessar đei pơm noh.

Da 3:7 ပူးပေါင်းရင်းမြစ်များ

Je 51:7

Babilôn jơ̆ minh kơchŏk maih lăm ti Kră Yang, Pơm ăn jơ̆p kơ teh đak suai; Lu dêh char huch sik hơmu Babilôn, thoi noh lu sư jing wơnh.

Da 2:46

Đơ̆ng noh pơtao Nebukatnessar drap, kơkuh kơ Đaniel păng athei pơyơ̆r ăn tơmam apah păng pơgang 'bâu phu ăn kơ Đaniel.

Da 3:10

Ơ pơtao ih boih pơkă, bơngai bu kơtơ̆ng keng, brŏ, 'lal re, athei đĭ-đăng kon bơngai drap kơkuh kơ rup man păng maih noh.

Da 3:4

'Bơ̆t ei na đei minh 'nu bơngai bơ̆jang pơih pơma, pơma 'bơ̆r re roi tơbăt khan: Đĭ kon pơlei đĭ dêh char, đĭ nơ̆r pơma 'nâu nơ̆r pơkă athei iĕm.

Da 3:5

Tơdah iĕm kơtơ̆ng keng, brŏ, tơgiĕp, 'lal, lillul đe hlôm re, lei lu iĕm athei drap bon kơkuh kơ rup man mă pơtao pơdơ̆ng âu:

Da 3:6

Lu đe bu mă ưh kơ drap kơkuh, đe gô klơ̆m lê̆ sư tơ lăm ŭnh kơdơ̆r to.

Da 3:8

Kơplah noh dôm lu bơngai hơgeia năm jê̆ răp lăng wă kêng lu bơngai Juđa.

Jang 14:16

Đơ̆ng sơ̆ 'Bok Kei-Dei ăn kơ đĭ-đăng khŭl bơngai pơm kiơ̆ kơ lu sư wă.

I Yo 5:19

Păng bơ̆n kư̆m băt bơ̆n kon 'Bok Kei-Dei boih păng bơ̆n băt đĭ-đăng dôm lu bơngai mă lĕch đơ̆ng ala teh âu mă ưh kơ lui kơ Kon Sư, yang Satan pơgơ̆r lu sư.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 13:14

Sem ei pơm tơ'bôh kơ đe tơdrong hlĭch kiơ̆ sem mă mônh ăn, thoi noh na sư pơhlŭ lu kon pơlei pơla oei tơ ala teh âu pơm minh pôm rup sem mă mônh, sem mă đei rơka đêl đe 'bet mă oei arih.

Tơdrông Tơ'bôh 13:3

Dôm lu kơ̆l sư noh, đei minh pôm kơ̆l lăng sư đei rơka să rŏ kơ đêl lôch, mă-lei tơdrong jĭ sư noh dang ei klaih 'lơ̆ng boih. Na đĭ-đăng kon bơngai jơ̆p kơ teh đak lăng sư hlĭch tơpă ưh kơ băt thoi yơ na kiơ̆ hloi sem noh.

Tơdrông Tơ'bôh 13:8

Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.

Tơdrông Tơ'bôh 17:8

Sem mă ih 'bôh noh hei, sơ̆ sư arih hiôk, mă dang ei sư lôch ưh pă 'bôh boih. Ning-mônh sư arih mơ̆n, mă ưh pă arih hiôk boih, yua kơ ning-mônh sư tŏk đơ̆ng sơlŭng jrŭ năm tơ anih 'Bok Kei-Dei phak pơrăm. Pôm lu bơngai mă Kră Yang Yêsu ưh kơ đei chih anăn sư lăm hla bơar tơdrong arih đĕch ư-ang kơ sư. Dôm lu bơngai lui tơpă Sư chih anăn sư lăm noh đơ̆ng blŭng-a pơjing plĕnh teh sơ̆. Lu bơngai ưh kơ lui ư-ang kơ sem noh yua kơ sơ̆ sư arih hiôk, dang ei lôch ưh pă 'bôh boih, mă-lei ning-mônh gô iung arih dơ̆ng.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.