Da 3:26 - Sơ̆p Hlabơar Nơ̆r 'Bok Kei-Dei

²⁶ Đơ̆ng noh pơtao Nebukatnessar năm nger tơ jê̆ 'măng ŭnh kơdơ̆r noh, krao: Ơ Sadrak, Mêsak, Abetnigo jơ̆ đĭch đam Kră Yang 'Bok Kei-Dei Tih hloh, lĕch păng năm tơ âu bĕ! Sadrak, Mêsak, Abetnigo lĕch đơ̆ng lăm ŭnh noh.

Da 3:26 ပူးပေါင်းရင်းမြစ်များ

Bl 14:18

Mêlkisêdek pơtao Salem, athei ba 'bĕng păng tơdrô, kơplah noh pơtao âu jơ̆ 'Bok soi kơ Kră Yang 'Bok Kei-Dei mă tih hloh.

I Pot 8:51

Yua kơ lu sư bơngai Isơrael, noh pơlei pơla Ih, tơmam Ih yua. Ih pơklaih lu sư đơ̆ng char Êyiptơ anih noh nhen thoi anih đe 'buh jôr bơsei.

Esơra 5:11

Lu sư tơl nơ̆r thoi âu: Lu nhôn boih đĭch đam Kră Yang 'Bok Kei-Dei, Kră Yang pơgơ̆r đĭ-đăng plĕnh păng teh; lu nhôn oei wă pơm pơjing dơ̆ng hnam akŭm, đunh sơnăm boih adrol kơ âu đei minh 'nu pơtao mơdrŏng đe pơyua lăm Isơrael đei pơjing păng pơm.

Horiso 66:12

Ih ăn kơ đe hao tơ kơpal kơ̆l lu nhôn; Lu nhôn năm hlôi kơ đak, yak mơ̆t hlôi kơ ŭnh Mă-lei Ih ăn kơ lu nhôn lĕch năm tơ anih đei tơmam sa rơkah rơkai.

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.

Êsai 52:12

Lu iĕm weh lĕch ưh kơ mah hăt hot, kư̆m ưh kơ mah kơdâu klĕnh; Kră Yang gô năm adrol kơ lu iĕm păng Kră Yang 'Bok Kei-Dei Isơrael năm đơ̆ng rŏng wei-lăng iĕm.

Je 11:4

Inh đei tơtă boih hăm lu 'bok yă iĕm kơplah Inh chông tơlĕch lu sư đơ̆ng char Êyiptơ, lĕch đơ̆ng tơnuh kơdơ̆r đe rơ̆ mam.’ Inh khan: ‘Mơ̆ng bĕ nơ̆r Inh tơtă kơ lu iĕm păng pơm kiơ̆ bĕ dôm nơ̆r Inh đei bơtho tơtă, lei na lu iĕm jing kon pơlei pơla Inh, na Inh jing Kră Yang 'Bok Kei-Dei lu iĕm.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Da 3:17

'Nâu ơ pơtao! Kră Yang 'Bok Kei-Dei mă lu nhôn oei bơ̆jang, Sư gô dŏng pơklaih lu nhôn klaih đơ̆ng ŭnh kơdơ̆r noh. Păng sĭt gô pơklaih lu nhôn đơ̆ng ti ih.

Da 4:2

Tơdrong hiôk inh na inh wă roi tơbăt ăn kơ lu iĕm, dôm tơdra hlĭch păng tơdrong chrơp mă Kră Yang 'Bok Kei-Dei Tih hloh đei pơm ăn kơ inh.

Da 6:20

Pơtao năm 'nao wă jê̆ sơlŭng dăm-brang, sư krao Đaniel hăm nơ̆r sơ'ngon pơtao pơma hăm Đaniel thoi âu: Ơ Đaniel, đĭch đam Kră Yang 'Bok Kei-Dei mă arih ling-lang! Kră Yang 'Bok Kei-Dei ih, mă ih oei bơ̆jang Sư hăm pơklaih ih đơ̆ng 'bơ̆r dăm-brang ưh?

Da 6:21

Na Đaniel khan kơ pơtao: Ơ pơtao hơpơi kơ ih arih ling-lang!

Da 7:25

Pơtao noh sư gô blah pơma kơnê̆ kơ Kră Yang 'Bok Kei-Dei Tih hloh, pơm kơ lu bơngai 'lơ̆ng rơgoh Kră Yang Tih Hloh rơdu rơmơ̆n păng sư pơkă wă tơplih khôi juăt, tơplih tơdrong pơgơ̆r, kơplah noh đe gô pơjao lu bơngai 'lơ̆ng rơgoh lăm ti sư minh sơnăm, 'bar sơnăm, minh puăt sơnăm.

Jang 16:17

Adruh ei năm kiơ̆ nhôn đe Pôl, sư pơma 'bơ̆r re khan: “Lu bơngai âu jang tơdrong 'Bok Kei-Dei Kră Yang tih hloh. Lu sư bơtho ăn kơ iĕm tơdrong 'Bok Kei-Dei wă pơklaih iĕm đơ̆ng tơdrong yoch.”

Jang 16:37

Mă-lei Pôl khan kơ lu yŏng linh thoi âu: “Nhi bơngai Rôm lei-lăi thoi iĕm mơ̆n. Mă-lei lu kră pơlei năr brei sư tam mă sek tơlang tơdrong nhi, athei lu linh pơjĭ nhi hloi, 'bơ̆t anăp kon pơlei pơla tăm. Na đơ̆ng noh sư tah nhi lăm hnam phak. Na dang ei sư tơlĕch nhi ưh kơ đei roi kơ đe. Sư pơm thoi noh ưh kơ trŏ ôh. Na dang ei nhi athei lu kră pơlei năm tơ âu pơma tơdrong tơlĕch nhi âu.”

Jang 27:23

Inh lui kơkuh kơ Kră Yang 'Bok Kei-Dei, Sư kư̆m wei-lăng inh mơ̆n. Măng hei linh jang 'lơ̆ng đơ̆ng 'Bok Kei-Dei năm tơ inh păng khan: ‘Ơ Pôl, ih 'nĕ pă hli. Ning-mônh ih gô dơ̆ng 'bơ̆t anăp pơtao tơm bơngai Rôm tơpă. 'Bok Kei-Dei kư̆m mơnat kơ đĭ-đăng lu bơngai năm hơdai hăm ih mơ̆n na lu sư kư̆m huay kơ lôch.’

Galati 1:10

Inh pơma thoi noh kon bơngai ưh kơ lăp đon ôh. Mă-lei inh wă kơ 'Bok Kei-Dei lăp đon kơ tơdrong jang inh. Dah inh wă kơ kon bơngai lăp đon kơ inh đĕch lei ưh kơ sĭ inh jang tơdrong Yêsu Krist ôh.

Both 4:20

Mă-lei lu iĕm, Kră Yang rơih păng iŏk lu iĕm lĕch đơ̆ng dêh Êyiptơ, thoi ŭnh đei 'buh bơsei ngur lăm ŭnh wă kơ lu iĕm jing kon pơlei pơla Sư kơdih, thoi iĕm năr âu.

Jôsuê 3:17

lu 'bok soi tung Hom Pơgơ̆p Kră Yang lu sư đơ̆ng kơjăp 'bơ̆t trong teh hrĕng lăm đak Krong Jôrđăn, kơplah lu kon pơlei Isơrael kư̆m yak năm rok teh hrĕng, gô dĭng truh đĭ kon pơlei yak hlôi boih kơ đak Krong Jôrđăn.

Jôsuê 4:10

Lu 'bok soi tung Hom Pơgơ̆p dơ̆ng tŏk-bŏk đak Krong Jôrđăn dĭng truh keh tôm tơdrong mă Kră Yang đei athei Jôsuê khan ăn kơ kon pơlei, kiơ̆ thoi Môis đei pơkă kơ Jôsuê, kon pơlei yak hăt hot hlôi kơ đak krong.

Tơdrông Tơ'bôh 19:5

Đơ̆ng noh inh kơtơ̆ng 'bơ̆r pơma lĕch đơ̆ng tang-dŏ 'Bok Kei-Dei khan: “Ơ lu đĭch đam 'Bok Kei-Dei, lu bơngai lui yom kơ Sư, lu bơngai pơm tih pơm iĕ, bĕ bơ̆n kơkuh ư-ang kơ 'Bok Kei-Dei Kră Yang bơ̆n.”