Da 3:13 - Sơ̆p Hlabơar Nơ̆r 'Bok Kei-Dei

¹³ Thoi noh pơtao Nebukatnessar 'brik blĕk hil, athei đe chông Sadrak, Mêsak, Abetnigo năm tơ sư, na đe năm ba lu đe ei truh 'bơ̆t anăp pơtao.

Da 3:13 ပူးပေါင်းရင်းမြစ်များ

Bl 4:5

Mă-lei ưh kơ đei lăng Kain păng kư̆m ưh kơ iŏk tơmam soi sư, na Kain blĕk dêh mah 'bri 'bra muh măt sư.

Tơdrông Pơđơk 17:12

Kơtrơ̆m tơ'bơ̆p chơgơu yŏng đe tơgar iŏk kon sư. Hloh kơ tơ'bơ̆p bơngai kơwao kơplah sư hil hơwĕng.

Tơdrông Pơđơk 27:3

Tơmo trăp, chuơh kư̆m trăp, Mă-lei đei pơdrŭt lu bơngai kơtul kơwao noh trăp hloh kơ 'bar noh.

Tơdrông Pơđơk 29:22

Bơngai juăt kơ hil khĕnh tĕnh kơ pơjah; Bơngai jơhngơ̆m tơtŏ pơm ưh kơ trŏ lơ hloh.

Da 1:7

Bơngai yŏng pơgơ̆r linh krĕo krao ming anăn lu sư; Đaniel sư krao Beltơsatsar, Hanania sư krao Sadrak; Mêsael sư krao Mêsak; păng Asaria krao sư Abetnigo.

Da 2:12

Thoi noh na pơtao blĕk hil dêh, na athei đe rôp pơlôch đĭ lu bơngai hơgei lăm char Babilôn.

Da 3:19

Đơ̆ng noh pơtao Nebukatnessar rai blĕk muh măt sư đum rak hil kơ Sadrak, Mêsak, Abetnigo păng krao đe rŭk ŭnh mă dêh tŏ hloh dang tơpơh wơ̆t kơ adrol hei.

Mathiơ 10:18

Păng đe gô jao iĕm kơ lu 'bok tih păng 'bok pơtao yua kơ iĕm jang tơdrong Inh. Iĕm kư̆m gơh ră roi kơ lu sư păng roi kơ lu bơngai dêh đe tơdrong 'nao 'lơ̆ng Inh.

Markôs 13:9

“Păng iĕm athei kơchăng kơdih yua kơ đe gô rôp iĕm jao kơ lu kră sek tơlang. Đe gô tôn teh iĕm tơ lăm hnam akŭm đe Juđê. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh, na iĕm kư̆m gơh ră roi kơ lu sư băt kơ inh.

Luka 21:12

“Hơdrol kơ iĕm wă 'bôh dôm tơdrong noh ning-mônh na đe gô rôp iĕm păng pơm kơnê̆ kơ iĕm. Đe gô jao iĕm ăn kơ đe kră sek tơlang tơ lăm hnam akŭm đe Juđê, na tah iĕm lăm hnam phak. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh.

Luka 6:11

Na lu 'bok thây păng lu bơngai Pharisi ei areh tơpă kơ Yêsu păng pơđâu chă tơdrong wă pơm kơ Yêsu.

Jang 24:24

Đunh 'biơ̆ dang 'bar pêng năr đơ̆ng noh 'bok kuan tih Phêlik năm tơ ei dơ̆ng. Akăn sư kư̆m năm hơdai hăm sư mơ̆n. Anăn sư Drusil. Sư bơngai Juđê. Phêlik krao Pôl năm tơ sư. Na bre sư mơ̆ng Pôl bơtho gah tơdrong lui kơ Kră Yang Yêsu Krist.