Da 2:48 - Sơ̆p Hlabơar Nơ̆r 'Bok Kei-Dei

⁴⁸ Pơtao pôk ăn Đaniel pơm tih păng pơjao ăn kơ sư tơmam mă gĭt dêh. Pơtao ăn kơ sư pơgơ̆r đĭ lăm char Babilôn.

Da 2:48 ပူးပေါင်းရင်းမြစ်များ

II Sam 19:32

Barsilai kră dêh boih, sư đei tơhngam-jĭt sơnăm. Sư boih bơngai ăn kơ pơtao tơmam sa kơplah pơtao oei lăm pơlei Mahanaim, yua kơ sư mơdrŏng dêh.

II Pot 5:1

Naaman 'bok yŏng pơgơ̆r linh pơtao đe Aram, sư noh jơ̆ minh 'nu bơngai đei tơdrong gơh kĕ 'bơ̆t anăp yŏng tơ'ngla sư; đe kư̆m pơyom kơ sư dêh yua kơ Kră Yang yua sư tơblah ăn kơ lu kon Pơlei Aram kĕ jei, bơngai 'nâu sư nuih, pran kơtang, mă-lei sư 'bơm chin.

Jop 1:3

Jop đei tơpơh-rơbâu tŏ triu, pêng-rơbâu tŏ aseh lăk-đa, pơđăm-hrĕng hơgrop rơmo choh, pơđăm-hrĕng tŏ aseh iĕ akăn păng đei đĭch đam lơ; sư mơdrŏng hloh kơ đĭ-đăng bơngai lăm dêh char gah Hơlĕch.

Je 5:5

'Nâu Inh gô năm tơ lu yŏng pơgơ̆r, roi ăn kơ lu sư băt hơđăl. Tơpă lu sư băt trong gơlong Kră Yang, khôi juăt Kră Yang 'Bok Kei-Dei lu sư. Mă-lei lu sư 'nâu gơ̆ lê̆ 'long ăt păng wă hrĕch lê̆ tơlei boih!

Da 2:6

Mă-lei tơdah iĕm gơh tơblang tơdrong apo noh kơ inh, lei iĕm gô đei tơmam apah tih păng gô pôk pơang iĕm lăm anih ư-ang inh, lu iĕm athei tơblang ăn kơ inh tơdrong apo noh păng wă khan liơ.

Da 3:1

Pơtao Nebukatnessar man minh pôm rup hăm maih, kơjung tơdrâu-jĭt hơgăt păng tih sư tơdrâu hơgăt; man pơdơ̆ng tơ lăm thŭng glă Dura, lăm char Babilôn.

Da 3:12

Na tơ âu đei lu bơngai Juđa mă 'bok pơtao đei pôk ăn kơ lu sư pơm tih pơgơ̆r tơring Babilôn, noh jơ̆ Sadrak, Mêsak, Abetnigo; ơ pơtao lu đe noh ưh kơ hli yom kơ ih tŏ sĕt hloi. Lu sư ưh kơ wă kơkuh kơ yang ih ôh, lu sư kư̆m ưh kơ wă kơkuh kơ rup man hăm maih mă đơ̆ng ih man noh mơ̆n.

Da 3:30

Pơtao pôk ăn kơ Sadrak, Mêsak, Abetnigo pơm yŏng pơgơ̆r lăm tơring Babilôn

Da 4:6

Thoi noh inh chih roi tơbăt, athei ba đĭ-đăng lu bơngai hơgei lăm char Babilôn năm truh tơ inh, wă kơ lu sư tơblang tơdrong inh apo 'bôh.

Da 4:9

Ơ Beltơsatsar, ih pơm yŏng đĭ kơ lu bơngai hơgei, inh băt đei yang 'lơ̆ng oei lăm ih păng ưh kơ đei tơdrong kiơ mă hlơp mă tơnat kơ ih, thoi ei boih na apinh ih tơblang ăn kơ inh tơdrong inh apo 'bôh păng tơblang kơ inh bĕ.

Da 5:11

Tơ lăm dêh char đei minh 'nu bơngai, đei Yang Bơhngol 'Lơ̆ng oei, lăm chăl 'bă ih đe đei 'bôh tơ lăm sư đei tơdrong hơdah, đei tơdrong hơgei, đei đon hlôh wao, tơdrong gơh hơgei nhen thoi Yang. Thoi noh pơtao Nebukatnessar, 'bă ih, kơdih akâu 'bă ih đei pôk boih sư noh pơm yŏng jing kơ̆l kơ đĭ-đăng lu bơngai hơgei păng lu bơngai pơjâu, lu bơngai hơgei gơh tơwir lăm adrĕch Kalđê.

Da 5:16

Inh đei kơtơ̆ng đe khan ih gơh tơblang păng pơm ăn kơ dôm tơdrong hơwơ̆l hơwang hiong đĭ. Thoi âu tơdah ih gơh đŏk lu chư âu păng tơblang ăn kơ inh, lei ih gô hrŭk ao pơtao, 'băk kon kiơng maih păng gô pơm kuan yŏng mă pêng lăm dêh char âu.

Da 5:29

Kiơ̆ thoi nơ̆r pơtao Belsatsar, đe iŏk ao pơtao pơhrŭk hloi kơ Đaniel; tơ'băk ăn kơ sư kon kiơng maih păng tơbăt hloi pôk sư pơm tih mă pêng lăm lu 'bok pơgơ̆r dêh char sư.

Da 5:7

Pơtao krao ôr athei đe krao lu bơngai hơgei, lu bơngai gơh tơwir lu pơjâu bơngai Kalđê truh. Đơ̆ng noh, pơtao khan kơ bơngai hơgei, lu bơngai pơjâu bơngai Kalđê lăm Babilôn thoi âu: Bu gơh đŏk chư 'nâu? Păng gơh tơblang ăn kơ inh băt, lei sư noh inh gô pơhrŭk ăn kơ sư ao pơtao, gơh đei 'băk kon kiơng maih tơ hơko sư păng jing bơngai pơm tih mă pêng lăm lu kuan pơgơ̆r teh đak.

Da 8:27

Đơ̆ng noh, inh, Đaniel lap dêh na jĭ jăn lăm akâu jing bơlŏ lăm dôm năr hloi; đơ̆ng noh inh iung bơ̆jang kơ pơtao. Inh 'bôh thoi noh hlĭch tơpă gah tơdrong mă đei tơ'bôh kơ inh noh, mă-lei ưh kơ đei bu băt tơdrong noh wă khan kiơ.

Jo 24:11

Yua kơ thoi noh, dang ei kơdâu wih bĕ tơ tơring ih kơdih! Inh khan boih, inh gô pôk apah kơ ih tơpă, mă-lei dang ei Kră Yang găn ih ưh kơ wă ih đei iŏk.

I Sam 17:25

Lu Sư khan tơduă: Lu iĕm hăm 'bôh bơngai noh to sư lĕch năm? Sư wă pơjăm che bơle kơ bơngai Isơrael, tơdah bơngai bu kĕ pơlôch sư, na pơtao gô apah mŭk tơmam lơ, rôp ăn kon adruh sư ăn kơ bơngai noh oei păng ưh kơ đei iŏk thuê̆ ăn rơngei kơ hnam 'bă.

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.

I Sam 25:2

Na, đei minh 'nu bơngai oei tơ pơlei Maôn, mă-lei teh jang sa tơ pơlei Karmel, sư bơngai mơdrŏng, đei pêng-rơbâu triu păng minh-rơbâu bơbe; sư oei tơ Karmel oei yuă sŏk triu sư.