Da 2:45 - Sơ̆p Hlabơar Nơ̆r 'Bok Kei-Dei

⁴⁵ Kŭm thoi ih đei 'bôh tơmo tơphĕ đơ̆ng kông, ưh kơ đei ti bu klơ̆m, hơtŭt pơchah kơ bơsei, kong, teh lơ̆n, hu păng maih. Kră Yang 'Bok Kei-Dei đei ăn boih kơ ih đei 'bôh tơdrong gô truh tơ anăp âu kơnh. Tơdrong apo âu sĭt păng nơ̆r tơblang âu 'blep trŏ tơpă.

Da 2:45 ပူးပေါင်းရင်းမြစ်များ

Bl 41:26

Tơpơh tŏ rơmo bek 'lơ̆ng noh, wă khan tơpơh sơnăm; tơpơh 'ba bo noh wă khan tơpơh sơnăm; tơdrong apo 'bôh noh sư wă tơbăt kơ minh đĕch.

Bl 41:28

Noh mă inh đei roi kơ 'bok pơtao boih; Kră Yang 'Bok Kei-Dei roi tơbăt kơ 'bok pơtao, Sư gô pơm.

Bl 41:32

'Bar wơ̆t pơtao apo, 'noh Kră Yang 'Bok Kei-Dei wă pơsĭt Sư gô pơm tơpă păng Sư kư̆m wă ăn jah truh ngei.

II Sam 7:22

Ơ Kră Yang, Kră Yang inh, Ih boih Kră Yang Tih Hloh ưh kơ đei bu hơtŏ kơ Ih, păng ưh kơ đei Kră Yang 'Bok Kei-Dei nai hloh kơ Ih, thoi kơ đon nhôn đei kơtơ̆ng boih.

I Ho 16:25

Yua kơ Kră Yang tih krưp tơpă, trŏ kơkuh bơnê. Trŏ kơ hli pơyom hloh kơ đĭ-đăng lu yang.

Ne 4:14

Inh iung chă lăng păng pơma dơnuh hăm lu bơngai mơdrŏng, lu bơngai pơm kuan tih păng lu kon pơlei thoi âu: 'Nĕ kơ hli kơ lu sư; athei 'blŏk kơ Kră Yang Tih Hloh păng trŏ kơ pơyom kơkuh, adrin tơblah dŏng lu 'nhŏng oh, dŏng kon tơdăm kon adruh lu bơ̆n, dŏng akăn păng hnam dơnŏ lu bơ̆n.

Ne 9:32

Yua kơ thoi noh na dang ei. Ơ Kră Yang 'Bok Kei-Dei lu nhôn Ih boih Kră Yang 'Bok Kei-Dei tih hloh mơsêh mơyang trŏ kơ hli yom, bơwei tơdrong pơgơ̆p păng tơdrong pơm 'lơ̆ng, 'nĕ lăng tơdrong âu thoi iĕ đĕch 'bơ̆t anăp Ih dôm lu tơdrong jĭ jăn pơmat-tat đei truh boih kơ lu nhôn, tơ lu pơtao păng lu kră pơgơ̆r, tơ lu 'bok soi păng lu 'bok khan lê̆ adrol, kơ 'bok yă lu nhôn păng tơ kon pơlei Kră Yang, đơ̆ng chăl lu pơtao Asiri truh tơ dang ei.

Jop 36:26

Trŏ tơpă, Kră Yang 'Bok Kei-Dei Tih-Tin dêh, hloh kơ bơ̆n băt hlôh; Sơnăm Sư arih sot dang yơ, ưh kơ đei bu gơh pơtŏ;

Horiso 135:5

Inh băt Kră Yang tih tơpă. Kră Yang lu bơ̆n tih hloh kơ đĭ-đăng lu yang.

Horiso 145:3

Kră Yang tih mơng, trŏ kơ bơnê ư-ang tơpă; Tơdrong tih Sư kon bơngai ưh kơ đei gơh pơtŏ pơting.

Horiso 2:9

Ih gô Pơgơ̆r lu sư hăm 'long jra mam; Ih gô teh pơchah lê̆ lu sư thoi gŏ teh.”

Horiso 48:1

Kră Yang jơ̆ Yŏng mơng, trŏ kơ kơkuh. Lăm pơlei 'lơ̆ng Kră Yang 'Bok Kei-Dei bơ̆n, tơ kơpal kông Rơgoh Sư.

Horiso 96:4

Yua kơ Kră Yang Tih Hloh, trŏ kơkuh bơnê; Sư noh trŏ kơ hli yom hloh kơ đĭ-đăng yang,

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.

Da 2:24

Thoi noh na Đaniel năm tơ hnam Ariok bơngai mă pơtao athei sư năm pơlôch lu bơngai hơgei lăm Babilôn; păng kư̆m khan kơ sư thoi âu: 'Nĕ pơlôch lu bơngai hơgei Babilôn mă-lei apinh ih năm ba inh 'bơ̆t anăp pơtao na inh gô tơblang ăn tơdrong pơtao apo noh.

Da 2:28

Mă-lei minh 'nu Kră Yang 'Bok Kei-Dei oei tơ kơpal plĕnh gô tơbăt ăn tơdrong hlơp; păng tơbăt hloi kơ pơtao Nebukatnessar băt tơdrong wă truh tơ anăp âu kơnh, lăm năr wă tôch thoi âu: Tơdrong ih apo păng đei 'bôh kơplah ih 'bĭch kơpal giơng noh.

Da 2:29

Ơ pơtao kơplah ih 'bĭch kơpal giơng đei tơdrong ih tơchĕng ning-mônh gô đei tơdrong truh, thoi noh yang mă đei tơbăt tơdrong hlơp kơ pơtao 'bôh noh gô truh.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Da 8:25

Sư đei tơdrong gơh pơm hơlĕnh pơdăr sư đei jơnei tih. Lăm jơhngơ̆m sư kơdih pơm kơ sư jing tih păng kơplah lu kon pơlei oei hiôk-hian, sư gô pơlôch lơ bơngai; sư iung blah lu pơtao kơ lu pơtao, mă-lei đe gô pơrăm lê̆ sư ưh kơ trŏ đơ̆ng ti kon bơngai pơrăm.

Hagai 2:22

Inh gô blơ̆ lê̆ tang-dŏ pơtao lu dêh char, Inh pơrăm lê̆ tơdrong noh pơgơ̆r lu sư; Inh gô teh tơblơ̆ lê̆ gre păng lu bơngai hao lăm gre noh lu sư gô pơ̆k răm đơ̆ng đao sư kơdih.’ ”

Sa 12:3

Kŭm gô đei tơdrong truh hloi lăm năr noh Inh gô pơm ăn kơ Jêrusalem thoi tơmo, trăp kơ rim adrĕch adrung kon bơngai. Na dôm lu bơngai mă tung sư đei tơdrong jĭ dêh; păng đĭ dôm lu dêh char kơpal teh âu gô blah sư.”

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Mathiơ 21:24

Na Yêsu khan kơ lu sư: “Lei Inh kư̆m wă jet iĕm minh tơdrong mơ̆n. Dah iĕm tơl Inh, lei Inh kư̆m tơl tơwih kơ iĕm băt bu ăn kơ Inh pơpuh đe păng bơtho đe tơ lăm hnam akŭm.

Mathiơ 24:35

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Luka 17:20

Lu bơngai Pharisi jet Yêsu: “Layơ 'Bok Kei-Dei wă pơgơ̆r teh đak?” Yêsu tơl: “'Bok Kei-Dei pơgơ̆r bơ̆n ưh kơ 'bôh păng măt ôh.

Both 10:17

Yua kơ Kră Yang 'Bok Kei-Dei lu iĕm jơ̆ Kră Yang 'Bok Kei-Dei kơ lu yang păng yŏng kơ đĭ-đăng lu yŏng, wă khan Kră Yang 'Bok Kei-Dei Tih Hloh, mơsêh mơyang păng trŏ kơ hli yom. Sư ưh kơ pơdê bơngai bu, kư̆m ưh kơ đei pơgâm sa bu.

Tơdrông Tơ'bôh 1:19

Thoi noh na dang ei Inh wă kơ ih chih dôm tơdrong mă ih 'bôh dang ei, dôm tơdrong chăl arih dang ei păng dôm tơdrong mă Inh gô tơ'bôh kơ chăl arih ning-mônh.

Tơdrông Tơ'bôh 19:17

Đơ̆ng noh inh 'bôh minh 'nu linh jang 'lơ̆ng, sư dơ̆ng tơ măt 'năr krao 'bơ̆r re lu sem păr tơ tŏk-bŏk rơwơ̆ng thoi âu: “Tơ âu bĕ akŭm băl. Pă 'biơ̆ iĕm năm et sa tih tơmam 'Bok Kei-Dei ăn kơ iĕm.

Tơdrông Tơ'bôh 4:1

Đơ̆ng noh inh ngơk lăng tơ plĕnh, inh 'bôh plĕnh tơpơih thoi 'măng. Păng inh kơtơ̆ng dơ̆ng 'bơ̆r 'Bok mă pơma re jơwa dang đe hlôm keng noh hei, Sư pơma dơ̆ng kơ inh dang ei khan: “Apinh ih tŏk tơ âu, Inh wă tơ'bôh kơ ih dôm tơdrong mă gô đei păng gô 'bôh ning-mônh.”