Da 2:39 - Sơ̆p Hlabơar Nơ̆r 'Bok Kei-Dei

³⁹ Mă-lei đơ̆ng rŏng kơ ih, gô đei minh pôm char nai, iung blah tơrăn 'biơ̆ kơ dêh char pơtao ih; đơ̆ng noh đei dơ̆ng dêh char mă pêng, wă khan kong gô pơgơ̆r jơ̆p kơ teh đak.

Da 2:39 ပူးပေါင်းရင်းမြစ်များ

Êsai 44:28

Kră Yang khan kơ pơtao Sirus: ‘Sư bơngai wei triu Inh, sư gô pơm keh tơdrong inh wă, kư̆m pơma dơ̆ng gah pơlei Jêrusalem khan: “Gô pơjing ming sư dơ̆ng, păng pơma gah hnam akŭm khan: “Jrăng hơnă gô pơdơ̆ng ming.”

Da 10:20

Sư khan kơ inh thoi âu: Ih hăm băt yua kơ kiơ inh năm tơ ih? Pă 'biơ̆ inh brŏk wă tơblah hăm pơtao Pherơsơ păng kơplah inh năm, to pơtao Grĕk gô truh.

Da 2:32

Kơ̆l rup âu man hăm maih rơgoh, kơtơh hăm ti sư man hăm hu; klak hăm blu sư man păng kong;

Da 2:38

Kră Yang 'Bok Kei-Dei đei ăn boih tơ lăm ti pơtao dôm lu adrĕch kon bơngai, lu kon sem brem, lu sem păr, tơ jơ̆p-jang anih mă khan lu sư oei tơ yơ, Sư kư̆m đei ăn pơtao pơgơ̆r đĭ-đăng; thoi noh kơ̆l pơm hăm maih noh ih boih.

Da 2:40

Đei dơ̆ng dêh char mă puăn pran thoi bơsei yua kơ bơsei gô pơm pơchah kơ dôm tơmam, thoi noh dêh noh gô pơm kơ đe pơchah đĭ hĕch hoch thoi bơsei pơm kơ tơmam noh.

Da 7:23

Thoi ei na sư khan kơ inh: Sem brem mă puăn Sư gô pơjing dêh char mă puăn tơ kơpal teh, dêh char sư phara kơ Dêh char nai, yua kơ sư gô luăn pơđĭ teh đak, pơjuă păng pơrăm đĭ.

Da 8:20

Triu tơno mă ih đei 'bôh, đei 'bar tŏ hơke, noh bre pơtao Mêdi păng pơtao Pherơsơ.

Da 8:21

Bơbe bram, noh pơtao dêh char Grĕk păng đei hơke chăt tŏk-bŏk sơlam măt wă khan pơtao blŭng-a.

Sa 6:3

Gre aseh mă pêng noh aseh kok, đơ̆ng noh gre aseh mă puăn noh aseh brông drơ̆k-drơ̆l.*

Sa 6:6

Gre mă đei aseh găm sư dui gre năm tơ gah yă-nơ̆m, gre mă aseh kok năm tơpăt tơ gah bơmơ̆t, đơ̆ng noh aseh brông drơ̆k-drơ̆l năm tơklă tơ gah gơal.”