Da 2:38 - Sơ̆p Hlabơar Nơ̆r 'Bok Kei-Dei

³⁸ Kră Yang 'Bok Kei-Dei đei ăn boih tơ lăm ti pơtao dôm lu adrĕch kon bơngai, lu kon sem brem, lu sem păr, tơ jơ̆p-jang anih mă khan lu sư oei tơ yơ, Sư kư̆m đei ăn pơtao pơgơ̆r đĭ-đăng; thoi noh kơ̆l pơm hăm maih noh ih boih.

Da 2:38 ပူးပေါင်းရင်းမြစ်များ

Je 34:1

'Nâu nơ̆r Kră Yang khan kơ Jêrêmi, kơplah Nebukatnessar pơtao Babilôn, hăm đĭ-đăng lu linh sư, đĭ-đăng kơ lu teh đak chu kơ nơ̆r sư oei wang blah pơlei tih Jêrusalem păng lu pơlei nai tăp dăr.

Da 1:2

Kră Yang 'Bok Kei-Dei jao Jêhôiakim, pơtao đe Juđa păng đei tơmam đơ̆ng hnam Kră Yang 'Bok Kei-Dei lăm ti Nebukatnessar. Sư anhăk ba tơmam noh brŏk tơ dêh Babilôn, tơmơ̆t lăm rông yang sư păng 'măn lê̆ tơ lăm hnam mong tơmam ăn kơ yang sư kơdih.

Da 2:32

Kơ̆l rup âu man hăm maih rơgoh, kơtơh hăm ti sư man hăm hu; klak hăm blu sư man păng kong;

Da 2:39

Mă-lei đơ̆ng rŏng kơ ih, gô đei minh pôm char nai, iung blah tơrăn 'biơ̆ kơ dêh char pơtao ih; đơ̆ng noh đei dơ̆ng dêh char mă pêng, wă khan kong gô pơgơ̆r jơ̆p kơ teh đak.

Da 4:18

Inh âu pơtao Nebukatnessar, đei apo 'bôh boih tơdrong noh. Thoi noh, Beltơsatsar, ih athei tơblang kơ inh, yua kơ đĭ-đăng bơngai hơgei lăm dêh char bơ̆n ưh kơ đei bơngai bu gơh tơblang ăn kơ inh; mă-lei ih gơh tơblang, yua kơ Yang 'lơ̆ng rơgoh oei tơ lăm ih.

Da 5:18

Ơ pơtao, Kră Yang 'Bok Kei-Dei Tih hloh đei ăn boih tang-dŏ pơtao păng tơdrong pơgơ̆r tih, tơdrong pơyom, tơdrong ư-ang kơ pơtao Nebukatnessar 'bă ih.

Da 7:4

Sem brem mă adrol noh hơbŏ thoi dăm-brang păng đei pơnăr sem kring; inh lăng pơnhen dĭng truh tơ pơnăr sư tơbuch, na đe dui hơtŏk sư đơ̆ng teh, sư iung dang dơ̆ng năm 'bar pah jơ̆ng thoi kon bơngai bơ̆n păng kư̆m ăn kơ sư đei jơhngơ̆m kon bơngai.