Da 12:8 - Sơ̆p Hlabơar Nơ̆r 'Bok Kei-Dei

⁸ Inh, Đaniel, kơtơ̆ng dôm lu tơdrong noh, mă-lei inh ưh kơ hlôh. Păng inh khan thoi âu: Ơ! Kră Yang 'Bok Kei-Dei inh, tuch-luch kơ lu tơdrong 'nâu gô jing thoi yơ?

Da 12:8 ပူးပေါင်းရင်းမြစ်များ

Da 10:14

Dang ei inh truh tơ âu wă tơbăt kơ ih hlôh kơ tơdrong wă truh kơ kon pơlei ih lăm năr tôch kơnh; yua kơ tơdrong tơ'bôh 'nâu gô truh oei đunh năr đơ̆ng rŏng kơnh.

Da 12:6

Minh 'nu bơngai apinh bơngai hrŭk ao che brai se oei dơ̆ng kơpal đak glung, thoi âu: Truh năr tôch lu tơdrong hlĭch 'nâu hăm pă đunh?

Da 12:7

Inh kơtơ̆ng nơ̆r pơma bơngai hrŭk ao 'bui kok oei dơ̆ng kơpal đak glung noh, sư yơ̆r 'bar pah ti, 'ma păng ti 'ngiĕo, dơhlâu tơ plĕnh, dơhlâu tơ Kră Yang 'Bok Kei-Dei arih ling-lang păng khan thoi âu: Gô đei lăm minh chăl, lu chăl păng minh puăt chăl păng kơplah lu kon pơlei 'Bok Kei-Dei ưh pă kĕ pơgơ̆r boih, na dôm lu tơdrong âu keh đang.

Da 12:9

Sư tơl thoi âu: Ơ Đaniel, năm bĕ; yua kơ dôm lu nơ̆r âu đei chih lê̆ boih păng đei chơ̆m pơsĭt kơ chăl tuch-luch ei.

Da 8:13

Đơ̆ng noh inh kơtơ̆ng đei minh 'nu Yang rơgoh oei pơma păng minh 'nu Yang rơgoh nai dơ̆ng pơma dơnuh hăm Yang rơgoh mă oei pơma noh, thoi âu: Tơdrong tơ'bôh âu gah tơmam soi juăt kơ pơyơ̆r âu dang yơ gơh pơyơ̆r dơ̆ng păng gah tơdrong yoch mă đei tơdrong pơrăm, wă jao lu linh păng anih rơgoh wă pơjuă gơhlơ̆r hăm jơ̆ng, dĭng dang yơ đĭ?

Luka 18:34

Yêsu pơma tơpăt tơdrong Sư gô lôch tơpă, mă-lei lu bơngai pơhrăm păng Sư ưh kơ hlôh tơdrong Sư pơma noh wă khan kiơ.

Yo 12:16

Hơtai ei lu bơngai pơhrăm păng Sư ưh kơ tơchĕng tơdrong âu pơma roi gah tơdrong Yêsu năm tơ Pơlei Jêrusalem. Mă-lei đơ̆ng rŏng kơ Yêsu lôch iung arih tŏk tơ plĕnh lu sư 'blŏk hơdơ̆r tơdrong đe chih noh. Na lu sư băt boih tơdrong noh roi kơ Sư mơ̆t tơ Pơlei Jêrusalem.

Jang 1:7

Yêsu khan: “Năr 'noh 'Bă Inh pơkă kơdih, Sư ưh kơ ăn iĕm băt ôh.

I Pet 1:11

Yang Bơhngol 'Lơ̆ng Yêsu Krist oei hơdai hăm lu sư, ăn kơ lu sư jing bơngai khan lê̆ hơdrol gah tơdrong 'Bok Krist gô đei tơdrong pơmat, klaih kơ noh Sư gô pơgơ̆r đĭ-đăng. Mă-lei lu sư ưh kơ băt tơdrong noh wă truh layơ, sư thoi yơ, na lu sư adrin pơhrăm wă kơ băt tơdrong noh.