Da 12:12 - Sơ̆p Hlabơar Nơ̆r 'Bok Kei-Dei

¹² Pŭn hiôk dêh kơ lu bơngai bu chang gô, truh tơ minh-rơbâu pêng-hrĕng pêng-jĭt pơđăm năr!

Da 12:12 ပူးပေါင်းရင်းမြစ်များ

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Êsêkiên 4:6

Mưh lăm năr noh đĭ hlôi boih ih 'bĭch cheng gah 'ma păng pŭ iŏk tơdrong yoch bơngai Juđa, lăm puăn-jĭt năr, Inh hơgăt kơ ih minh năr thoi lăm minh sơnăm.

Da 8:14

Inh kơtơ̆ng bơngai noh tơl inh thoi âu: Dĭng truh tơ 'bar-rơbâu pêng-hrĕng kơsơ̆ păng pơgê; đơ̆ng rŏng kơ noh anih rơgoh gô rơgoh đĭ.

Rom 11:15

'Bok Kei-Dei ưh kơ iŏk lu bơngai Isơrael dang ei yua kơ lu sư ưh kơ lui kơ Yêsu; noh na Sư ăn kơ iĕm lui hơdrol kơ lu sư, na dang ei iĕm hiôk hăm 'Bok Kei-Dei boih. Ning-mônh lu bơngai Isơrael kư̆m lui kơ Yêsu, 'Bok Kei-Dei kư̆m iŏk lu sư mơ̆n, lu sư gô hiôk dang kơ bơngai iung arih đơ̆ng lôch boih.

Tơdrông Tơ'bôh 11:2

Gah tơ 'ngoaih hnam tơ cham ih lê̆ kơ pơtŏ kư̆m bưh, yua kơ cham noh đe pơjao ăn kơ lu bơngai oei tơ teh âu juă lăm pơlei 'lơ̆ng wă khan Pơlei Jêrusalem kơplah lăm puăn-jĭt 'bar khei.

Tơdrông Tơ'bôh 12:6

Na bơngai drŏ-kăn ei kơdâu ôn hloi akâu sư tơ anih kueng chơngue, tơ anih mă 'Bok Kei-Dei hơmet lê̆ kơ sư boih. 'Bok Kei-Dei hiĕm 'me sư tơ noh kơplah minh-rơbâu 'bar-hrĕng tơdrâu-jĭt năr.

Tơdrông Tơ'bôh 13:5

Na yă-grai ei ăn kơ sem 'noh pơma pơang akâu kơdih păng pơma blông kơ 'Bok Kei-Dei. Sư gơh pơgơ̆r kơplah puăn-jĭt 'bar khei đĕch.

Tơdrông Tơ'bôh 20:4

Đơ̆ng noh inh 'bôh lơ tang-dŏ, rŏ kơ tang-dŏ 'bok pơtao. 'Bok Kei-Dei ăn kơ lu bơngai oei tơ tang-dŏ ei tă lu bơngai gơh sek tơlang kơ đe. Păng inh 'bôh bơhngol lu bơngai mă đe chơ̆ng ako sư yua kơ sư ră roi tơdrong Yêsu păng bơtho tơdrong 'Bok Kei-Dei, lu sư ưh kơ chu kơkuh kơ rup sem păng akâu sem mă kơnê̆ ei păng ưh kơ ăn sem ei chơ̆m đŏng yâu tơ klĕng lu sư dah tơ ti lu sư. Lu sư gô iung arih đơ̆ng lôch pơgơ̆r hơdai hăm 'Bok Krist kơplah lăm minh-rơbâu sơnăm.