Da 11:8 - Sơ̆p Hlabơar Nơ̆r 'Bok Kei-Dei

⁸ Sư iŏk pơđĭ lu rup yang anhăk ba tơ dêh char Êyiptơ, hăm iŏk pơđĭ lu rup man păng đĭ lu maih păng đĭ lu pơnhan chhĕr pơm păng hu păng maih hai; dang 'bar pêng sơnăm sư ưh kơ blah pơtao yă-nơ̆m.

Da 11:8 ပူးပေါင်းရင်းမြစ်များ

Bl 31:30

Dang ei, yua kơ jơhngơ̆m ih 'maih brŏk dêh tơ 'bă ih, na mă năm boih 'nâu, mă-lei yua kơ kiơ tơtông ba lu rup yang?

II Sam 5:21

Bơngai Philistin kơdâu achăng lê̆ lu rup yang lu sư kơtă doh; Đawit hăm lu bơngai kiơ̆ sư iŏk chĕp ba lu rup yang noh.

Le 12:12

Lăm măng noh inh gô năm tơ jơ̆p-jang dêh Êyiptơ, pơrăm rim kon kơdră drŏ-nglo đơ̆ng kon bơngai truh tơ kon sem dơrong; păng Inh gô sek phak lu rup yang lăm dêh Êyiptơ; Inh boih Kră Yang.

Êsai 2:16

Gô pơm kơ lu duk đe Tarsis păng dôm lu duk 'lơ̆ng rŏ.

Êsai 37:19

Klơ̆m lê̆ rup yang lăm ŭnh. Noh ưh kơ yang tơpă ôh, noh đơ̆ng ti kon bơngai pơm păng 'long păng tơmo, na lu sư gơh pơrăm lu yang noh.

Je 46:25

Kră Yang Tih Hloh, 'Bok Kei-Dei Isơrael khan: “'Nâu Inh gô phak yang Ammôn, tơ pơlei Thêbes, pơtao Pharaôn, dêh char Êyiptơ păng lu rup yang, lu pơtao sư păng lu bơngai mă gơnang kơ Pharaôn.

Da 10:3

Inh ưh kơ sa tơmam 'lơ̆ng păng sik hơmu 'nhĕm kư̆m ưh kơ đei tah lăm 'bơ̆r inh păng inh kư̆m ưh kơ pik đak pơgang 'bâu phu dĭng đĭ pêng 'măng giĕng.

Da 11:9

Pơtao 'nâu gô năm tơ dêh char gah gơal, mă-lei sư hơlơ̆k brŏk tơ dêh char sư kơdih dơ̆ng.

Hôsia 13:15

Mă khan Êphraim đei pơjing rai lơ hloh kơ lu 'nhŏng oh sư, mă-lei kial đơ̆ng gah hơlĕch gô truh, wă khan kial Kră Yang đơ̆ng char glă, gô truh pơhrĕng pơhrơ̆ lê̆ tu đak, păng pơhrơ̆ lê̆ kro lu sơlŭng đak sư, Lu bơngai ayăt gô blah tơgar iŏk lu tơmam gĭt đơ̆ng lăm hnam mong tơmam sư.

Hôsia 8:6

Rup kon rơmo noh đơ̆ng minh 'nu bơngai Isơrael pơm; noh ưh kơ Kră Yang 'Bok Kei-Dei ôh. Sĭt, rup kon rơmo lu bơngai Samari đe gô teh pơchah đĭ.

Jo 33:4

Bơngai Êyiptơ oei 'bŭ kon lu sư mă đơ̆ng Kră Yang pơlôch, đĭ-đăng kon kơdră: Kră Yang phak lu yang lu sư.

Both 12:3

Lu iĕm athei pơrăm chơnang soi teh pơchah lu rup yang tơmo păng soh lu jrăng Asêrim lu sư lăm ŭnh păng teh pơhĕch lu rup man yang lu sư păng sŭt lê̆ đĭ anăn lu rup yang noh lăm anih noh.

Lu 18:24

Mika tơl: Lu iĕm tơtông iŏk ba đĭ rup yang inh pơm păng chông anhăk hloi 'bok soi inh? Liơ mă iĕm oei apinh khan, Ih đei tơdrong kiơ?