Da 11:35 - Sơ̆p Hlabơar Nơ̆r 'Bok Kei-Dei

³⁵ Kŭm đei lăm lu bơngai hơgei pơ̆k, wă kơ hŏk pơhrăm kơ lu sư, wă pơm ăn kơ lu sư rơgoh păng jing kok, truh tơ năr tôch, yua kơ tơdrong 'nâu gô đei năr pơkă.

Da 11:35 ပူးပေါင်းရင်းမြစ်များ

II Ho 32:31

Kŭm thoi noh đei bơngai mă đơ̆ng pơtao Babilôn wơh athei năm apinh kơ tơdrong hlĭch mă đei truh tơ lăm char sư, kơplah Kră Yang 'Bok Kei-Dei oei achăng wă pơlong lăng sư wă kơ băt dôm tơdrong lăm jơhngơ̆m sư.

Tơdrông Pơđơk 17:3

Gŏ pơtŏ rơ̆ hu, lu tơnuh ŭnh 'buh pơlong maih; Mă-lei đei Kră Yang pơlong lăng jơhngơ̆m.

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Da 11:27

Đei 'bar 'nu pơtao noh, lăm jơhngơ̆m bre sư 'maih chă pơrăm băl, et sa hơ-oei minh pôm gô 'bang mă-lei pơma hơlĕnh băl, mă-lei tơdrong ưh kơ jing ôh, yua kơ gô đei năr tôch trŏ kơ năr đei pơkă boih.

Da 11:29

Dĭng truh kơ năr đêl pơkă sư gô wih dơ̆ng tơ gah gơal; mă-lei sư brŏk đơ̆ng rŏng kơ noh ưh pă thoi sư brŏk adrol ki.

Da 11:33

Lu bơngai hơgei hlôh wao gô bơtho lơ bơngai; mă-lei lu sư gô lôch kơ đao, lôch kơ ŭnh, lôch kơ đe phak lôch kơ đe plah tơgar lăm đunh sơnăm dêh.

Da 11:40

Truh tơnăr đơ̆ng rŏng, pơtao gah gơal gô truh tơblah hăm sư. Pơtao gah yă-nơ̆m gô chĕp ba khŭl linh gre aseh păng duk lơ, na tŏk blah pơtao noh thoi phŭt huơ̆r. Sư gô blah truh tơ lơ dêh char nai.

Da 12:3

Lu bơngai hơgei gô thoi măt pơchră rang pơchrang hơdah đơ̆ng plĕnh; păng dôm lu bơngai mă đei chông anhăk brŏk gah tơdrong tơpăt gô hơdah thoi sơnglŏng ling-lang măng năr hlŏng hloi.

Da 12:4

Bê̆ gah ih, ơ Đaniel ih athei chih răk lê̆ nơ̆r âu păng athei pơ̆ng pơklep lê̆ sơ̆p hla bơar âu dĭng truh tơ năr tôch. Đei lơ bơngai yak nơnăm to âu păng tơdrong hŏk hơgei gô rai tŏk rai lơ.

Da 8:10

Sư rai tih kơjung truh tơ khŭl linh tơ plĕnh; sư tơhuŏng linh tơ teh mơ'nah khŭl linh đơ̆ng sơnglŏng đơ̆ng noh sư pơjuă lê̆.

Da 8:17

Sư năm jê̆ inh oei dơ̆ng, kơplah sư truh tơ inh, inh hli păng lăng krưp, na inh pơ̆k kơmŭ brum tơ teh. Bơngai noh khan thoi âu: Ơ kon bơngai, ih athei hlôh bĕ; yua kơ tơdrong tơ'bôh noh sư trŏ kơ năr tôch kơnh.

Da 8:19

Bơngai noh khan kơ inh thoi âu: 'Nâu Inh gô roi ăn kơ ih băt tơdrong wă truh kơ năr tôch kơnh, tơdrong hil yua kơ tơdrong âu wă truh pơsĭt kơ năr tôch.

Da 9:27

Sư pơjing tơdrong kơjăp hăm lơ bơngai lăm minh 'măng giĕng păng truh lăm tŏk-bŏk 'măng giĕng noh, Sư kư̆m ăn kơ tơmam soi 'buh pơyơ̆r kư̆m pơdơh. Lu bơngai nai mă pơrăm gô truh hao pơnăr sem krưp dêh păng gô đei tơdrong hil krưp dêh tuh tơ anih juơ dĭng truh tơ sơnăm tôch, mă sơnăm đei pơkă lê̆ boih.

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Mathiơ 16:17

Yêsu khan: “Ơ Simôn, kon Yôhan, ih hiôk tơpă. Kon bơngai ưh kơ đei tơbăt kơ ih tơdrong noh ôh. 'Bă Inh mă oei tơ plĕnh ti đĕch tơbăt kơ ih tơdrong noh.

Mathiơ 26:56

Mă-lei dôm tơdrong noh 'Bok Kei-Dei ăn wă kơ 'blep kơ tơdrong lu bơngai pơtruh nơ̆r Sư chih roi lê̆ hơdrol tơ sơ̆p hla bơar Sư sơ̆.” Đang Sư pơma thoi noh bru đĭ-đăng lu bơngai pơhrăm păng Sư achăng lê̆ Sư kơdâu jăk tơ nai.

Yo 15:2

Na dôm lu bơngai lui kơ Inh thoi lĕ dơng, tơ'bla, sơdrai mă chăt đơ̆ng Inh. Dơng mơ'nah ưh kơ đei plei, 'Bă Inh chre tŭk. Đei dơng mơ'nah plei mơ̆n, mă ưh kơ trem, Sư sơleh tŭk lu tơ'bla iĕ, wă kơ sư plei trem păng plei tih.

Yo 20:25

Thoi noh lu bơngai pơhrăm nai khan kơ Thôm: “Nhôn 'bôh boih Kră Yang bơ̆n Yêsu.” Mă-lei Thôm khan: “Dah inh ưh kơ 'bôh đêl rơka kơđĭnh tơ ti Sư, dah inh ưh kơ tŏt hơnglâu ti inh tơ đêl rơka noh, hăm ti inh ưh kơ tŏt tơ rơhiĕo Sư, lei inh ưh kơ lui.”

Jang 13:13

Đơ̆ng Pơlei Papôih Pôl păng lu buăl sư tŏk thŏng-nan năm tơ Pơlei Perga lăm dêh Pamphili. Mă-lei Markôs achăng lê̆ bre buăl sư brŏk tơ Pơlei Jêrusalem dơ̆ng.

Both 8:16

Lăm char glă Sư boih wei rong ăn kơ iĕm sa 'bĕng mana, mă lu 'bok iĕm tam lah băt, ăn kơ lu iĕm pơmat-tat wă pơlong lăng iĕm tuch-luch ăn pŭn hiôk kơ lu iĕm.

Ya 1:2

Ơ lu 'nhŏng oh inh, mă iĕm đei tơdrong gleh kiơ truh kơ iĕm, iĕm athei hiôk đĕch hŏ,

Tơdrông Tơ'bôh 14:15

Đơ̆ng noh đei minh 'nu linh jang 'lơ̆ng nai dơ̆ng lĕch đơ̆ng hnam 'Bok Kei-Dei tơ plĕnh, sư pơma 'bơ̆r re kơ 'Bok mă oei kơpal hơmơ̆l thoi âu: “Dang ei mir 'ba tơ ala teh sŭng truh bơyan sư đum boih, iŏk săng kô Ih yuă bĕ.”

Tơdrông Tơ'bôh 17:17

Tơdrong lu sư blah bơngai drŏ-kăn noh 'Bok Kei-Dei lăp đon mơ̆n, yua kơ 'Bok Kei-Dei ăn kơ lu sư pơm pôm đon thoi noh, na lu sư pơjao ăn kơ sem mă kơnê̆ noh pơgơ̆r gô mơ̆ng kơ 'Bok Kei-Dei wă dang yơ.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.