Da 11:29 - Sơ̆p Hlabơar Nơ̆r 'Bok Kei-Dei

²⁹ Dĭng truh kơ năr đêl pơkă sư gô wih dơ̆ng tơ gah gơal; mă-lei sư brŏk đơ̆ng rŏng kơ noh ưh pă thoi sư brŏk adrol ki.

Da 11:29 ပူးပေါင်းရင်းမြစ်များ

Êsai 14:31

Ơ 'măng jang nhơ̆m ơh bĕ, ơ pơlei tih ôr tơngưih bĕ, ơ pơlei Philistin đĭ-đăng iĕm gô pơchah răm, yua kơ đei 'nhui ŭnh tih đơ̆ng yă-nơ̆m truh, ưh kơ đei bu gơh weh đơ̆ng anih lu khŭl linh sư.

Da 10:1

Lăm sơnăm mă pêng lăm chăl Sirus pơm pơtao dêh char Pherơsơ; đei minh tơdrong tơ'bôh ăn kơ Đaniel đe krao sư Beltơsatsar. Tơdrong tơ'bôh noh sĭt tơpă wă khan tơdrong tơblah tih. Đaniel hlôh kơ tơdrong noh păng băt kơ tơdrong tơ'bôh noh wă khan kiơ.

Da 11:23

Mă khan pơkă pơkăm pơtao nai, sư kư̆m chă hơlĕnh, chĕp ba lu linh truh, lu linh noh đei pran kơtang đơ̆ng minh pôm kon pơlei tŏ sĕt đĕch;

Da 11:25

Đơ̆ng noh pơtao hơmet ming jơhngơ̆m pran sư, yua khŭl linh lơ năm blah pơtao gah gơal. Pơtao gah gơal kư̆m gô blah hăm lu đe blah sư păng kư̆m chĕp ba lu khŭl linh lơ păng pran kơtang dêh; mă-lei sư ưh kơ kĕ ôh blah iŏk, yua kơ đei bơngai chă đon hơlĕnh hơgei dêh.

Da 11:28

Pơtao noh gô wih brŏk tơ dêh char sư kơdih chĕp ba lơlap mŭk tơmam, jơhngơ̆m sư 'maih hơlĕnh blơ̆ hăm nơ̆r pơgơ̆p rơgoh noh păng sư gô pơm kiơ̆ thoi sư kơdih păng wih brŏk tơ dêh char sư kơdih.

Da 11:30

Yua kơ đei duk đơ̆ng tơring Kitim gô truh tơ noh tơblah hăm sư; lei na sư brŏk hăm tơdrong tơtok sơ'ngon. Sư blĕk dêh na gô pơm plơ̆ kơ tơdrong pơgơ̆p rơgoh păng pơm kiơ̆ kơ sư kơdih. Sư gô brŏk păng lăng gĭt kơ lu bơngai mă lê̆ tơdrong pơgơ̆p rơgoh noh.

Da 8:19

Bơngai noh khan kơ inh thoi âu: 'Nâu Inh gô roi ăn kơ ih băt tơdrong wă truh kơ năr tôch kơnh, tơdrong hil yua kơ tơdrong âu wă truh pơsĭt kơ năr tôch.

Jang 17:26

'Bok Kei-Dei pơjing đơ̆ng minh 'nu bơngai, mă-lei Sư pơjing kơ đĭ-đăng khŭl bơngai wă kơ bơngai bơ̆n oei jơ̆p kơ teh đak. Sư ată khŭl bơngai mơ'nah pơgơ̆r đunh dang yơ. Teh đak bơ̆n oei Sư kư̆m asong mơ̆n.