Da 11:15 - Sơ̆p Hlabơar Nơ̆r 'Bok Kei-Dei

¹⁵ Na pơtao gah yă-nơ̆m truh; pơjing kơđông pơm minh pôm pơlei kơjăp; păng linh gah gơal, mă khan lu khŭl linh pran kơtang ră, mă-lei kư̆m ưh kơ kĕ kơ blah plơ̆, yua kơ tơdrong pran kơtang ưh pă đei.

Da 11:15 ပူးပေါင်းရင်းမြစ်များ

Je 33:4

'Nâu Kră Yang 'Bok Kei-Dei Isơrael khan: “Gah lu hnam lăm pơlei tih, hnam pơtao đe Juđa, pơrăm lê̆ boih, wă yua găn tơblah hăm đao gưm lu bơngai Babilôn.

Je 5:10

Năm rok pơgar hơmu koh pơrăm bĕ lu sư, mă-lei 'nĕ kơ kăl pơđĭ, chre hŭt lê̆ lu tơmơ̆ng dơng 'nao bluh, yua kơ lu sư ưh kơ gah Kră Yang ôh.

Je 52:4

Na năr mơjĭt khei mơjĭt, lăm sơnăm mă tơsĭn chăl Sêđekia pơgơ̆r, Nebukatnessar, pơtao Babilôn, chông ba đĭ linh sư năm blah Jêrusalem, lu sư pơm bơsŭn, lu sư bơ̆ teh wă tŏk wang tăp wă blah iŏk pơlei Jêrusalem.

Je 6:6

Kră Yang Tih Hloh đei khan: Kăl bĕ 'long, tuh teh bơ̆ dur na blah pơlei Jêrusalem! 'Nâu boih pơlei tih trŏ kơ phak bơtho sư; lăm pơlei tă kơ đei bơngai pơjuă pơđep ngăl,

Êsêkiên 17:17

Pơtao Pharaôn hăm lu linh nuih kơtang păng lu linh lơlang ưh kơ năm tơgŭm sư kơplah đei tơdrong tơblah, kơplah lu đe bơ̆ bơnơ̆, pơm dur tăp dăr wă wang blah pơlôch lơ bơngai.

Êsêkiên 4:2

Ih wang tăp pơlei noh; man pơdơ̆ng dur, pơm kơđông linh, blah pơlei noh păng dan tơroi tŭl dur jum dăr pơlei wă pơrăm sư.

Da 11:14

Kơplah noh đei lơ bơngai iung tơblah hăm pơtao gah gơal; păng lu kon sâu bơngai nuih pran lăm kon pơlei noh gô iung blah, wă kơ pơsĭt kơ tơdrong đei tơ'bôh, mă-lei lu sư gô lôch đĭ.

Da 11:6

Dĭng truh tơ dôm sơnăm tuch-luch, lu pơtao noh pơpôi băl pôm đon; duch bia kon pơtao gah gơal năm tơ pơtao gah yă-nơ̆m wă tơguăt băl pôm đon mă-lei tơdrong pơtơm đơ̆ng ti duch bia kư̆m ưh kơ đunh, tơdrong pran kơtang đơ̆ng ti pơtao đơ̆ng gah yă-nơ̆m kư̆m pă đei; mă-lei duch bia hăm lu bơngai nai chông ba sư truh, hăm bơngai pơjing sư, hơdai hăm lu bơngai mă đei dŏng tơgŭm sư kơplah noh đe rôp đĭ.

Da 8:7

Inh 'bôh sư năm truh jê̆ tơ triu tơno noh, hil hơnganh na tơ̆m hloi triu noh, na hơke triu noh tơgơ̆ hloi 'bar pah; triu tơno noh ưh kơ kĕ kơ pơjăng, bơbe bram noh tơ̆m hơtơ̆k hloi triu tơno noh pơ̆k hloi tơ teh, bơbe bram noh hao pơjuă hloi păng ưh kơ bu kĕ pơ̆n kĕ dŏng pơklaih triu noh đơ̆ng tơdrong pran kơtang sư.

Jôsuê 1:5

Đĭ lăm chăl arih ih, ưh kơ đei bu kĕ blah ih, Inh gô oei hơdai hăm ih thoi Inh oei hơdai hăm Môis, Inh ưh kơ achăng ih păng ưh kơ lê̆ ih ôh.