Da 11:11 - Sơ̆p Hlabơar Nơ̆r 'Bok Kei-Dei

¹¹ Na pơtao gah gơal blĕk dêh sư năm blah hloi pơtao gah yă-nơ̆m, sư hơmet lu linh gre aseh lơlap lơlang lu linh pơtao gah yă-nơ̆m noh sư gô rôp pơđĭ.

Da 11:11 ပူးပေါင်းရင်းမြစ်များ

I Pot 20:13

Đei minh 'nu bơngai khan lê̆ adrol năm tơ'bơ̆p Ahap, pơtao đe Isơrael păng khan: “Kră Yang khan: ‘Ih hăm 'bôh ưh minh khŭl linh lơlap 'nâu? Năr 'nâu Inh gô pơjao lu sư lăm tơpang ti ih, wă kơ ih băt Inh bơih Kră Yang.’ ”

I Pot 20:28

Đei minh 'nu bơngai Kră Yang 'Bok Kei-Dei yua năm jê̆ pơtao Isơrael păng khan: “Kră Yang khan: Yua kơ kon pơlei Siri khan kơ Kră Yang noh yang kông, ưh kơ trŏ kơ yang thŭng dơnă ôh. Thoi noh na inh gô pơjao lu linh lơlap 'nâu lăm tơpang ti ih păng iĕm gô băt Inh bơih Kră Yang.”

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Je 27:6

Dang ei, Inh jao đĭ-đăng teh đak iĕm lăm ti Nebukatnessar, pơtao Babilôn, đĭch đam Inh; Inh kư̆m ăn đĭ lu sem bri chu kơ sư.

Da 11:12

Lu linh gah yă-nơ̆m noh tơklah tơklang đĭ, na lăm jơhngơ̆m pơtao gah gơal pơang, Sư khan sư gô pơlôch pơrăm lơ rơbâu hơngan bơngai, mă-lei ưh kơ kĕ jei sư ôh.

Da 11:40

Truh tơnăr đơ̆ng rŏng, pơtao gah gơal gô truh tơblah hăm sư. Pơtao gah yă-nơ̆m gô chĕp ba khŭl linh gre aseh păng duk lơ, na tŏk blah pơtao noh thoi phŭt huơ̆r. Sư gô blah truh tơ lơ dêh char nai.

Da 11:44

Mă-lei lu tơdrong roi tơbăt đơ̆ng gah hơlĕch păng gah yă-nơ̆m gô truh tơ sư pơm kơ sư hơwơ̆l, hiơ̆k bơngơ̆t; sư blĕk dêh na chă đon wă pơrăm păng pơlôch lơ bơngai.

Da 11:5

Pơtao gah gơal gô pran, mă-lei đei minh 'nu yŏng pơgơ̆r linh, sư pran hloh kơ pơtao păng kĕ pơgơ̆r, tơdrong gơh kĕ sư tih dêh.

Da 2:38

Kră Yang 'Bok Kei-Dei đei ăn boih tơ lăm ti pơtao dôm lu adrĕch kon bơngai, lu kon sem brem, lu sem păr, tơ jơ̆p-jang anih mă khan lu sư oei tơ yơ, Sư kư̆m đei ăn pơtao pơgơ̆r đĭ-đăng; thoi noh kơ̆l pơm hăm maih noh ih boih.

Da 8:7

Inh 'bôh sư năm truh jê̆ tơ triu tơno noh, hil hơnganh na tơ̆m hloi triu noh, na hơke triu noh tơgơ̆ hloi 'bar pah; triu tơno noh ưh kơ kĕ kơ pơjăng, bơbe bram noh tơ̆m hơtơ̆k hloi triu tơno noh pơ̆k hloi tơ teh, bơbe bram noh hao pơjuă hloi păng ưh kơ bu kĕ pơ̆n kĕ dŏng pơklaih triu noh đơ̆ng tơdrong pran kơtang sư.