Da 10:17 - Sơ̆p Hlabơar Nơ̆r 'Bok Kei-Dei

¹⁷ Thoi yơ inh âu đĭch đam Ih, mă gơh pơma hăm ih yŏng tơ'ngla inh? Yua kơ gah inh, pă đei jơhngơ̆m pran boih lăm jơhngơ̆m inh păng kư̆m pă đei kial dui jơhngơ̆m boih!

Da 10:17 ပူးပေါင်းရင်းမြစ်များ

Bl 32:20

Jakôp tơchĕng: Inh pơyơ̆r tơmam âu kơ Êsâu adrol, wă kơ sư dă 'biơ̆ kơ hil, na đơ̆ng noh inh tơ'bơ̆p đơ̆ng rŏng; rŏ lăng sư sơng iŏk inh hiôk 'biơ̆ kơnh.

Le 33:20

Kră Yang Sư khan dơ̆ng: Mă-lei ih ưh kơ đei 'bôh muh măt Inh ôh; yua kơ kon bơngai ưh kơ gơh 'bôh Inh na mă oei arih.

Da 10:8

Thoi noh oei pă minh 'nu inh păng inh 'bôh tơdrong tơ'bôh tih noh na inh pă đei jơhngơ̆m hloi. Muh măt inh jing hơ'blă păng jing ưh kơ đei jơhngơ̆m dơ̆ng.

Da 4:19

Dang ei, Đaniel, mă krao Beltơsatsar, jing kơmlo wă đunh păng dôm tơdrong tơchĕng pơm ăn kơ sư hơwơ̆l. Pơtao khan dơ̆ng: Ơ! Beltơsatsar 'nĕ ăn tơdrong apo âu păng tơdrong tơblang pơm kơ ih hơwơ̆l, Beltơsatsar khan thoi âu: Ơ yŏng tơ'ngla, thŭ tơdrong apo noh tuh ăn kơ lu bơngai areh kơ ih păng tơdrong tơblang tuh kơ bơngai ayăt kơ ih.

Markôs 12:36

Yang Bơhngol 'Lơ̆ng athei Đawit khan thoi âu: ‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ kơ oei gah 'ma kơ Inh pơgơ̆r tơ̆p Inh blah rôp lu bơngai mă ayăt kơ Ih thuơ tơ kơnơl jơ̆ng Ih.’

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

Lu 6:22

Giđêôn sư băt tơpă kơ noh linh jang 'lơ̆ng Kră Yang na Giđêôn khan: Ơ, Kră Yang mă Mơsêh Mơyang. Băt inh lôch Yua kơ inh 'bôh boih linh jang 'lơ̆ng Kră Yang tơm măt inh!