Da 10:14 - Sơ̆p Hlabơar Nơ̆r 'Bok Kei-Dei

¹⁴ Dang ei inh truh tơ âu wă tơbăt kơ ih hlôh kơ tơdrong wă truh kơ kon pơlei ih lăm năr tôch kơnh; yua kơ tơdrong tơ'bôh 'nâu gô truh oei đunh năr đơ̆ng rŏng kơnh.

Da 10:14 ပူးပေါင်းရင်းမြစ်များ

Bl 49:1

Jakôp krao lu kon drŏ-nglo sư akŭm păng sư khan thoi âu: Akŭm tơ âu bĕ, inh gô roi ăn kơ iĕm tơdrong gô truh kơ lu iĕm ning-mônh.

Êsai 2:2

Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Êsêkiên 12:27

Ơ kon bơngai, to adrĕch Isơrael đei pơma khan: ‘Tơdrong tơ'bôh mă sư đei 'bôh noh tơ'bôh lê̆ kơ đunh năr đơ̆ng rŏng ning-mônh; păng sư khan lê̆ adrol oei ataih tơ anăp kơnh.

Êsêkiên 38:16

Ơ Gôk Ih gô blah kon pơlei Isơrael Inh thoi hơmơ̆l gom teh. Lăm năr hơtuch noh Inh gô ăn kơ ih blah char Inh, wă kơ adrĕch kon bơngai băt kơ Inh, kơplah Inh pơdah tơdrong 'lơ̆ng rơgoh Inh đơ̆ng tơdrong truh tơ ih 'bơ̆t anăp lu sư.

Da 10:1

Lăm sơnăm mă pêng lăm chăl Sirus pơm pơtao dêh char Pherơsơ; đei minh tơdrong tơ'bôh ăn kơ Đaniel đe krao sư Beltơsatsar. Tơdrong tơ'bôh noh sĭt tơpă wă khan tơdrong tơblah tih. Đaniel hlôh kơ tơdrong noh păng băt kơ tơdrong tơ'bôh noh wă khan kiơ.

Da 12:4

Bê̆ gah ih, ơ Đaniel ih athei chih răk lê̆ nơ̆r âu păng athei pơ̆ng pơklep lê̆ sơ̆p hla bơar âu dĭng truh tơ năr tôch. Đei lơ bơngai yak nơnăm to âu păng tơdrong hŏk hơgei gô rai tŏk rai lơ.

Da 12:9

Sư tơl thoi âu: Ơ Đaniel, năm bĕ; yua kơ dôm lu nơ̆r âu đei chih lê̆ boih păng đei chơ̆m pơsĭt kơ chăl tuch-luch ei.

Da 2:28

Mă-lei minh 'nu Kră Yang 'Bok Kei-Dei oei tơ kơpal plĕnh gô tơbăt ăn tơdrong hlơp; păng tơbăt hloi kơ pơtao Nebukatnessar băt tơdrong wă truh tơ anăp âu kơnh, lăm năr wă tôch thoi âu: Tơdrong ih apo păng đei 'bôh kơplah ih 'bĭch kơpal giơng noh.

Da 8:16

Inh kơtơ̆ng nơ̆r đơ̆ng bơngai drŏ-nglo noh dơ̆ng tŏk-bŏk glung Ulai, krao păng khan: Gabrel, roi tơbăt kơ bơngai âu mă đêl tơ'bôh kơ sư noh.

Da 8:26

Tơdrong tơ'bôh kơ inh gah kơsơ̆ păng gah pơgê hrôih mă đei roi tơbăt boih noh sĭt tơpă. Mă-lei ih athei wei mă hlơp tơdrong tơ'bôh noh, yua kơ sư 'bơm trŏ kơ lơ năr đơ̆ng rŏng kơnh.

Da 9:22

Sư bơtho inh păng pơma hăm inh thoi âu: Ơ Đaniel dang ei inh truh wă ăn tơdrong hơgei păng hlôh wao kơ ih.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Mi 4:1

Tơdrong truh lăm năr đơ̆ng rŏng kơnh, hnam Kră Yang gô pơjing pơdơ̆ng pơm hơtŏk tơ rim kơ̆l kông kơjung păng đe kư̆m gô tơiung sư rai dêh hloh kơ lu kông groi. Lu kon pơlei gô jur năm luh leng tơ noh;

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Jo 24:14

'Nâu, dang ei adrol kơ inh wih brŏk tơ kon pơlei inh kơdih. Năm tơ âu bĕ, inh gô roi ăn kơ ih băt lu kon pơlei âu gô pơm kiơ kơ lu kon pơlei ih ning-mônh.

Both 31:21

Lăp lu sư đei tơdrong pơmat-tat anat anot tơdrong kơnê̆ truh kơ lu sư, tơdrong hơri 'nâu gô roi tơbăt tơ'blŏk kơ lu sư, yua kơ tơdrong hơri 'nâu ưh kơ hiơt ôh, gô oei ling-lang lăm 'bơ̆r lu kon sâu lu sư. Inh băt lăm kơ̆l đon lu sư tơchĕng wă pơm hơmet boih, adrol kơ Inh wă chông ba lu sư mơ̆t lăm dêh char mă Inh đei pơkă wă ăn.

Both 31:29

Inh băt gô răm-'băm tơpă, achăng lê̆ trong mă đơ̆ng inh bơtho khan, ning-mônh lu iĕm gô tơblĕk Kră Yang pơm tơdrong kơnê̆ 'mê̆, mă Kră Yang, ưh kơ lăp đon păng tơdrong răm pơmat-tat gô truh kơ lu iĕm.

Both 4:30

Kơplah lu iĕm đei tơdrong pơmat-tat păng đei dôm tơdrong truh kơ iĕm, lăm năr mă tuch-luch, lu iĕm gô wih brŏk tơ Kră Yang 'Bok Kei-Dei iĕm păng chu kiơ̆ nơ̆r Sư.

II Tim 3:1

Ih athei 'blŏk hơdơ̆r tơdrong âu mă tơpă: Năr jê̆ tôch ning-mônh đei lơ tơdrong pơmat-tat.

Hêbrơ 2:3

Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.