Both 31:29 - Sơ̆p Hlabơar Nơ̆r 'Bok Kei-Dei

²⁹ Inh băt gô răm-'băm tơpă, achăng lê̆ trong mă đơ̆ng inh bơtho khan, ning-mônh lu iĕm gô tơblĕk Kră Yang pơm tơdrong kơnê̆ 'mê̆, mă Kră Yang, ưh kơ lăp đon păng tơdrong răm pơmat-tat gô truh kơ lu iĕm.

Both 31:29 ပူးပေါင်းရင်းမြစ်များ

Bl 49:1

Jakôp krao lu kon drŏ-nglo sư akŭm păng sư khan thoi âu: Akŭm tơ âu bĕ, inh gô roi ăn kơ iĕm tơdrong gô truh kơ lu iĕm ning-mônh.

Bl 6:11

Hơtai ei sơ̆ Kră Yang 'Bok Kei-Dei 'bôh đĭ kon bơngai lăm teh đak tă kơ yoch răm ngăl păng 'bĕnh kơ tơdrong kơnê̆.

II Ho 34:24

Kră Yang khan: Inh wă ăn tơdrong răm truh tơ anih 'nâu păng tơ lu kon pơlei mă oei lăm anih âu, đĭ-đăng nơ̆r hiap pơtê̆ mă đei chih boih lăm sơ̆p hla bơar mă đei đŏk boih 'bơ̆t anăp pơtao Juđa.

Jop 19:25

Mă-lei inh băt sĭt Tơ'ngla Dŏng Pơklaih inh oei arih, Sư gô iung dơ̆ng lăm năr tôch kơnh wă pơma dŏng inh kơpal teh.

Le 32:7

Kră Yang khan kơ Môis: Jah jur bĕ, yua kơ lu kon pơlei pơla ih, lu bơngai mă ih đei chông tơlĕch lu sư đơ̆ng char Êyiptơ, lu sư pơm glăi răm bơih,

Êsai 1:4

Ô dêh char yoch kơnê̆ dêh, kon pơlei pơla pơm yoch kơnê̆ trăp dêh tơpă, Adrĕch adrung pơm kơnê̆ dêh, lu kon hơ'lơ̆p pơm kư̆ kă, lu sư achăng hŭt Kră Yang. Lu sư Pơjăm Kră Yang 'Lơ̆ng tơpăt Isơrael, lu sư weh tơklah ataih bơih.

Êsêkiên 38:8

Đei loi kơ lơ năr đunh, đe gô krao ih; lăm lu sơnăm tuch-luch ih gô năm tơ minh pôm char mă đei hlôi klaih đơ̆ng đao, akŭm băl đơ̆ng lơ adrĕch adrung; gô truh tơ kông Isơrael, anih mă pơchah jing juơ sơ̆. Kon pơlei noh đei chông ba đơ̆ng lu kon pơlei nai păng đĭ-đăng oei arih hiôk-hian.

Da 10:14

Dang ei inh truh tơ âu wă tơbăt kơ ih hlôh kơ tơdrong wă truh kơ kon pơlei ih lăm năr tôch kơnh; yua kơ tơdrong tơ'bôh 'nâu gô truh oei đunh năr đơ̆ng rŏng kơnh.

Hôsia 9:9

Khŭl Isơrael pơ̆k huŏng răm jrŭ dêh tơpă lăm tơdrong kơnê̆, kư̆m dang tơdrong kơnê̆ lăm pơlei Gibêah. Kră Yang gô 'blŏk kơ tơdrong kơnê̆ lu sư, na gô phak pơbral lu sư yua kơ tơdrong yoch lu sư.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Jang 20:30

Đơ̆ng lăm lu iĕm kơdih kư̆m gô đei bơngai bơtho tơdrong 'Bok Kei-Dei ưh kơ tơpăt wă kơ lu bơngai lui tơklah dih băl păng kiơ̆ sư.

Both 31:30

Đơ̆ng noh Môis đŏk dôm lu nơ̆r hơri 'nâu đơ̆ng tơm truh tơ tôch ăn kơ đĭ-đăng đon bơngai Isơrael mơ̆ng:

Both 32:20

Kră Yang khan: Inh gô ôn muh măt Inh ưh pă lăng lu sư wă lăng lăng tuch-luch lu sư thoi yơ, lu sư minh adrĕch hơlĕnh kơnê̆ dêh, jơ̆ lu kon mă ưh kơ tơnăp.

Both 32:29

Tơdah lu sư gơh hơgei, lei lu sư hlôh boih tơdrong âu păng băt tôch ning-mônh sư thoi yơ.

Both 32:5

Mă-lei iĕm oei hư răm. Ưh pă rŏ trŏ jing kon drŏ-nglo Kră Yang dơ̆ng.

Both 4:16

Kơchăng bĕ kơnh hli kơ lu iĕm pơrăm akâu kơdih, na chă pơm kơdih lu rup yang, pơm hơbŏ thoi rup bơngai drŏ-nglo dah bơngai drŏ-kăn,

Both 4:30

Kơplah lu iĕm đei tơdrong pơmat-tat păng đei dôm tơdrong truh kơ iĕm, lăm năr mă tuch-luch, lu iĕm gô wih brŏk tơ Kră Yang 'Bok Kei-Dei iĕm păng chu kiơ̆ nơ̆r Sư.

I Tim 4:1

Yang Bơhngol 'Lơ̆ng khan tơpăt wă kơ bơ̆n băt nhên: Ning-mônh gô đei lu bơngai achăng lê̆ tơdrong lui sư, lu sư wă lui yom kơ lu yang mă pơma hơlĕnh kơ kon bơngai, lu sư gô lui kơ yang kơnê̆ bơtho.

Hêbrơ 1:2

Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.

II Pet 3:3

Mă loi inh wă tơbăt kơ iĕm gah tơdrong âu: Năr wă jê̆ tôch kơnh đei lơ bơngai 'maih kiơ̆ tơdrong jơhngơ̆m wă kơdih, 'maih pơm lơ tơdrong kiơ̆ mă ưh kơ 'lơ̆ng. Lu sư pơma pơjăm pơma che bơle lu bơngai lui khan:

Lu 2:19

Mă-lei đơ̆ng rŏng kơ 'bok sek tơlang noh lôch na lu bơngai Isơrael pơm kơnê̆ hloh dơ̆ng kơ adrol, lui kiơ̆ kơkuh kơ lu yang nai; lu bơngai Isơrael ưh kơ chu hŭt lê̆ tơdrong kơnê̆, oei rok kiơ̆ trong kơnê̆ khŏm khŏm.