Both 31:27 - Sơ̆p Hlabơar Nơ̆r 'Bok Kei-Dei

²⁷ Yua kơ Inh băt kơ jơhngơ̆m iĕm arăng dêh kơplah inh oei arih oei hơdai hăm lu iĕm hlôi blah plơ̆ boih hăm Kră Yang thoi noh, pơma kiơ đơ̆ng rŏng kơ inh lôch kơnh, lu iĕm wă blah plơ̆ dang yơ dơ̆ng!

Both 31:27 ပူးပေါင်းရင်းမြစ်များ

II Ho 30:8

'Nĕ pă arăng kơ̆l thoi lu 'bok iĕm; chu bĕ Kră Yang, năm tơ anih rơgoh Sư mă 'măn lê̆ pha rơgoh ling-lang. Kơkuh ư-ang bĕ kơ Kră Yang 'Bok Kei-Dei lu iĕm, wă kơ Sư huay pă hil mĭl,

Ne 9:16

Mă-lei 'bok lu nhôn pơang arăng kơ̆l, ưh kơ mơ̆ng dôm tơdrong Ih tơtă.

Ne 9:29

Ih pơma chrih kơ lu sư, wă kơ chông lu sư wih brŏk dơ̆ng tơ khôi juăt Ih lei ră lu sư kư̆ pơang kuă kơ mơ̆ng dôm lu khôi juăt Ih, pơm glăi kơ tơdrong juăt Ih. Tơdrong juăt mă tơdah bơngai bu chu pơm kiơ̆ gơh đei tơdrong arih; lu sư arăng kơ̆l wih rŏng ưh kơ wă pơm kiơ̆.

Horiso 78:17

Mă-lei lu sư kư̆m oei pơm yoch păng Kră Yang. Hil plơ̆ kơ Kră Yang Tih Hloh tơ lăm char 'blach.

Horiso 78:8

Wă kơ lu sư huay kơ rok lu 'bok sư. Jơ̆ minh adrĕch kơchu păng arăng kơ̆l, Ưh kơ đei jơhngơ̆m tơpăt păng ưh kơ đei đon lui kơjăp kơ Kră Yang 'Bok Kei-Dei.

Êsai 30:9

Adrĕch adrung âu jơ̆ adrĕch adrung blơ̆ blĕch, kon hơlĕnh, kon adrĕch ưh kơ wă mơ̆ng nơ̆r Kră Yang bơtho khan.

Êsai 48:4

Yua kơ Inh băt lu iĕm arăng kơ̆l, hơko iĕm huan thoi bơsei, klĕng iĕm thoi kong,

Je 5:23

Mă-lei kon pơlei âu arăng kơ̆l păng đei jơhngơ̆m 'maih tơblah; lu sư tơklah trong pha, na weh kiơ̆ kơdih.

Êsêkiên 20:21

Mă-lei lu kon sâu lu sư blah Inh; ưh kơ chu kiơ̆ khôi juăt Inh, ưh kơ wei răk nơ̆r Inh tơtă lu tơdrong mă tơdah bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh. Thoi noh Inh khan bơih gô tuh tơdrong hil mĭl Inh tơ lu sư păng tơdrong blĕk Inh phak lu sư lăm char glă.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Both 31:26

iŏk bĕ sơ̆p hla bơar khôi juăt 'nâu, lê̆ 'bơ̆t cheng Hom Tơdrong Pơgơ̆p Kră Yang 'Bok Kei-Dei lu iĕm, lê̆ Sơ̆p hla bơar tơ noh 'bơ̆t cheng Hom Tơdrong Pơgơ̆p pơm nơ̆r tơbăt pơsĭt ayăt hăm lu iĕm:

Both 32:20

Kră Yang khan: Inh gô ôn muh măt Inh ưh pă lăng lu sư wă lăng lăng tuch-luch lu sư thoi yơ, lu sư minh adrĕch hơlĕnh kơnê̆ dêh, jơ̆ lu kon mă ưh kơ tơnăp.

Both 9:13

Kră Yang khan kơ inh: Inh 'bôh boih kon pơlei 'nâu, jơ̆ minh adrĕch arăng kơ̆l.

Both 9:24

Đơ̆ng năr inh băt kơ lu iĕm truh dang ei inh 'bôh lu iĕm ling-lang pơma blah Kră Yang.

Both 9:4

Kơplah Kră Yang 'Bok Kei-Dei, blah puh lê̆ lu sư 'bơ̆t anăp iĕm, iĕm 'nĕ kơ tơchĕng khan: Noh yua kơ đơ̆ng tơdrong 'lơ̆ng tơpăt bơ̆n na mă Kră Yang chông bơ̆n mơ̆t iŏk dêh noh mă tơpă yua kơ đơ̆ng tơdrong yoch kơnê̆ adrĕch âu, na Kră Yang blah puh lu sư đơ̆ng anăp iĕm.

I Sam 12:15

Mă-lei tơdah lu iĕm ưh kơ chu kiơ̆ dôm nơ̆r Kră Yang, ưh kơ chu nơ̆r sư tơtă athei, na ti Kră Yang gô ăn kơ tơdrong răm rai kơ lu iĕm kư̆m thoi sư ăn kơ yă 'bok iĕm sơ̆.