Both 31:14 - Sơ̆p Hlabơar Nơ̆r 'Bok Kei-Dei

¹⁴ Kră Yang khan kơ Môis: Năr ih lôch wă jê̆ boih; ih krao Jôsuê na măr iĕm năm 'bơ̆t anăp Inh tơ Bơsŭn Anih Akŭm. Tơ noh Inh wă pơjao ăn kơ Jôsuê jang. Thoi noh, Môis păng Jôsuê năm truh tơ Bơsŭn Anih Akŭm.

Both 31:14 ပူးပေါင်းရင်းမြစ်များ

Bl 47:29

Kơplah lăm năr sư wă jê̆ lôch, Isơrael krao Jôsep, kon drŏ-nglo sư păng khan thoi âu: Tơdah 'bă đei tơdrong pŭn hiôk 'bơ̆t anăp kon, dan bĕ ti 'bơ̆t blu 'bă lui gơnang đĭ gơh găt păng pơm tơpăt hăm 'bă, apinh kon 'nĕ kơ 'bŭ 'bă tơ teh đak Êyiptơ âu hŏ.

I Pot 2:1

Năr Đawit lôch wă jê̆ truh boih, na sư tơtă kơ Sôlômôn kon drŏ-nglo sư:

II Pot 1:4

Yua kơ thoi noh, na Kră Yang 'Bok Kei-Dei khan: ‘Ih ưh kơ đei iung đơ̆ng giơng ih 'bĭch noh ôh sĭt ih gô lôch.’ ” Thoi noh 'bok Êli yak năm hloi.

II Pot 20:1

Lăm kơplah chăl noh, Hesekia jĭ dêh wă jê̆ lôch. Êsai bơngai khan lê̆ adrol kon drŏ-nglo Amôt năm ngôi lăng Hesekia păng khan: “Kră Yang khan thoi âu: Ih hơmet bĕ tơdrong jang hnam ih, yua kơ ih gô lôch, ih ưh kơ klaih đơ̆ng tơdrong jĭ 'nâu ôh.”

Jop 1:6

Lăm minh năr ei lu linh jang năm akŭm 'bơ̆t anăp Kră Yang păng Satanb kư̆m năm hăm lu sư mơ̆n.

Jop 2:1

Lăm minh năr nai đơ̆ng đei lu linh jang năm akŭm 'bơ̆t anăp Kră Yang, na Satan kư̆m năm mơ̆n 'bơ̆t anăp Kră Yang.

Le 33:11

Kră Yang juăt pơma dơnuh hăm Môis tơm măt thoi noh nhen thoi minh 'nu bơngai pơma dơnuh hăm buăl juăt sư. Đơ̆ng noh Môis wơ̆t brŏk tơ anih kon pơlei, mă-lei Jôsuê bơngai tơdăm tơgŭm sư kon drŏ-nglo Nun, ưh kơ đei lĕch đơ̆ng bơsŭn krao apinh noh ôh.

Le 33:9

Kơplah Môis mơ̆t boih lăm bơsŭn, anih krao apinh đei hơmơ̆l thoi jrăng jur gom 'bơ̆t 'măng bơsŭn, noh na Kră Yang pơma dơnuh hăm sư.

Le 34:2

Dơning athei năm bĕ tơ kông Sinai; đơ̆ng hrôih gô inh na gô tơ'bơ̆p Inh tơ kơpal kông.

Bôk Bơthô 9:5

Bơngai arih sư băt kơdih sư gô lôch; mă-lei bơngai lôch ưh pă băt kiơ boih, kư̆m ưh kơ đei tơmam apah bơnê kiơ mơ̆n, yua kơ đe gô hiơt ưh pă đei bu 'blŏk kơ lu sư dơ̆ng.

Êsai 38:1

Kơplah noh pơtao Hesekia jĭ dêh wă jê̆ lôch; Êsai 'bok khan lê̆ adrol kon drŏ-nglo Amôt năm mơ̆t roi kơ pơtao păng khan: “Kră Yang khan thoi âu: Hơmet bĕ dôm tơdrong jang ih lăm hnam ih, yua kơ ih wă lôch, ưh pă arih bơih.”

Jo 27:12

Kră Yang khan kơ Môis thoi âu: Tŏk bĕ tơ kông Abarim na tơmang lăng bĕ tơ dêh char mă Inh wă ăn kơ lu adrĕch adrung Isơrael.

Jo 27:13

Đang kơ ih lăng dêh char noh boih, ih kư̆m gô wih kiơ̆ 'bok yă ih, thoi 'nhŏng ih Arôn kư̆m wih kiơ̆ 'bok yă boih.

Jo 27:18

Kră Yang khan kơ Môis thoi âu: Iŏk bĕ Jôsuê kon drŏ-nglo Nun, bơngai đei Yang Bơhngol 'lơ̆ng lăm sư; pel bĕ kơ̆l sư.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Both 31:13

Lu kon hơ'lơ̆p iĕm, lu bơngai mă tam mă băt khôi juăt 'nâu, athei mơ̆ng păng athei pơhrăm iŏk băt hli yom kơ Kră Yang 'Bok Kei-Dei lu iĕm, đĭ lăm chăl arih lu iĕm mă oei tơ dêh lu iĕm wă mơ̆t iŏk noh, đơ̆ng rŏng kơ iĕm tŏk hlôi kơ đak Krong Jôrđăn.

Both 31:2

Dang ei inh đei minh-hrĕng 'bar-jĭt sơnăm boih; inh ưh pă gơh lĕch păng ưh pă gơh mơ̆t dơ̆ng; Kră Yang đei khan hăm inh boih: Ih ưh pă gơh yak tŏk năm hlôi kơ đak Krong Jôrđăn, 'nâu dơ̆ng.

Both 31:23

Kră Yang pơjao ăn tơdrong jang kơ Jôsuê kon drŏ-nglo Nun, khan: Ih athei chơ̆n jơhngơ̆m nuih kơtang, yua kơ ih gô ba kon pơlei Isơrael mơ̆t lăm dêh char mă Inh pơkă boih wă ăn kơ lu sư; Inh gô oei hơdai ih.

Both 32:50

Ih gô lôch tơ kơpal kông mă ih wă tŏk noh păng ih gô oei hơdai hăm lu kon pơlei ih, kư̆m thoi Arôn 'nhŏng ih lôch tơ kơpal kông Hôr păng đe kư̆m akŭm hơdai hơbĭ boih hăm lu 'bok yă iĕm.

Both 34:5

Môis, đĭch đam Kră Yang, lôch tơ lăm dêh char Môap, trŏ thoi Kră Yang khan.

Both 4:22

Inh gô lôch tơ lăm dêh âu, ưh kơ gơh tŏk hlôi kơ đak Krong Jôrđăn, mă-lei lu iĕm gô năm hlôi păng iŏk dêh 'lơ̆ng rŏ ei.

Jôsuê 23:14

Âu, dang ei inh wă năm kiơ̆ boih trong mă đĭ-đăng kơ kon bơngai năm; lu iĕm băt boih đĭ lăm jơhngơ̆m klơm klak kơ nơ̆r 'lơ̆ng mă Kră Yang 'Bok Kei-Dei đei pơkă khan kơ lu iĕm, ưh kơ đei minh nơ̆r ayơ glăi, đĭ-đăng gô pơsĭt trŏ ngăl; ưh kơ đei minh nơ̆r ayơ hiong.

Jôsuê 24:1

Jôsuê krao akŭm đĭ adrĕch adrung Isơrael tơ Sichem. Sư krao akŭm đĭ lu kră pơgơ̆r, lu kră sek tơlang păng lu yŏng pơgơ̆r linh; lu sư akŭm đĭ 'bơ̆t anăp Kră Yang 'Bok Kei-Dei.

Ju 1:24

Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.

I Sam 10:19

Mă-lei lu iĕm sơngah kơ Kră Yang 'Bok Kei-Dei lu iĕm, Tơ'ngla mă dŏng pơklaih iĕm đơ̆ng dôm tơdrong pơmat-tat păng hli hlơt; Lu iĕm đei apinh: Ăn kơ nhôn minh 'nu pơtao wă kơ pơgơ̆r lu nhôn! Na dang ei, hơmet bĕ dơ̆ng 'bơ̆t anăp Kră Yang pơrĕng kiơ̆ adrĕch adrung păng kiơ̆ kơtum kơtŏng.

I Sam 26:10

Sư khan dơ̆ng: Đei Kră Yang mă arih ling-lang, inh pơkă hăm ih, tơpă Kră Yang gô ăn kơ sư lôch, dah trŏ kơ măng năr sư gô lôch, dah sư lôch kơ tơblah,