Bôk Bơthô 9:9 - Sơ̆p Hlabơar Nơ̆r 'Bok Kei-Dei

⁹ Dôm lu năr lăm chăl arih ih mă ưh kơ yua Kră Yang 'Bok Kei-Dei ăn boih kơ ih lăm ala teh 'nâu, ih athei oei sa mă hiôk chơt bĕ hăm kon akăn ih mă ih 'mêm kơeng; yua kơ noh jơ̆ tơdrong apah kơ ih đơ̆ng tơdrong gleh hrat.

Bôk Bơthô 9:9 ပူးပေါင်းရင်းမြစ်များ

Bl 26:8

Đang kơ Isăk oei tơ tơring noh kư̆m đunh, minh năr noh Abimêlek pơtao đe Philistin, tơmang đơ̆ng 'măng-'mŏk 'bôh Isăk oei hơnul păng Rê'bêka akăn sư.

Horiso 144:4

Kon bơngai thoi hơyuh dui jơhngơ̆m. Chăl kon bơngai thoi yơ̆p đông.

Horiso 39:5

To, Ih pơm ăn kơ jơ 'năr inh kơjung lăp tŏ pah đĕch, Păng tơdrong arih thoi hoh-hoy đĕch 'bơ̆t anăp Ih. Sĭt tơpă, rim bơngai mă khan oei kơjăp, Kŭm lăp thoi dui jơhngơ̆m. Sêla

Tơdrông Pơđơk 18:22

Bơngai bu chă đei akăn chă đei boih pŭn hiôk; Păng đei mơnat tih đơ̆ng Kră Yang.

Tơdrông Pơđơk 19:14

Mŭk tơmam hnam oei noh đei đơ̆ng kră pơsư̆ ăn. Akăn gơh hơgei đei đơ̆ng Kră Yang asong.

Bôk Bơthô 2:10

Inh ưh kơ lê̆ minh tơdrong kiơ mă măt inh 'maih wă, kư̆m ưh kơ sơngah kơ tơdrong kiơ mă jơhngơ̆m hiôk lăp jơhngơ̆m inh hiôk chơt kơ tơdrong đêl inh jang gleh lap păng noh bơih jơ̆ tơdrong mă apah inh đêl tơdrong inh jang gleh.

Bôk Bơthô 2:24

Tơdrong 'lơ̆ng hloh mă kon bơngai gơh pơm noh sŏng sa, nhă đak păng chơt hiôk lăm tơdrong jang. Inh 'bôh boih tơdrong noh Kră Yang 'Bok Kei-Dei ăn.

Bôk Bơthô 3:13

Đĭ-đăng bơ̆n athei hiôk mă sŏng sa, nhă, dah lăm tơdrong jang bơ̆n, noh đơ̆ng Kră Yang 'Bok Kei-Dei asong ăn.

Bôk Bơthô 3:22

Na inh 'bôh kon bơngai bơ̆n 'lơ̆ng hloh noh athei hiôk chơt lăm tơdrong jang kơdih; noh boih tơdrong apah kơ sư; yua kơ ưh kơ đei bu gơh ba bơ̆n wơ̆t hơlơ̆k 'bôh dơ̆ng dôm tơdrong truh đơ̆ng rŏng kơ bơ̆n lôch.

Bôk Bơthô 5:18

Inh 'bôh tơdrong mă 'lơ̆ng kơ kon bơngai noh sŏng sa păng hiôk chơt lăm tơdrong jang gleh hrat tơ ala teh mă bơ̆n đei pơm noh, đĭ khei sơnăm lăm chăl arih âu mă Kră Yang 'Bok Kei-Dei đei ăn boih, noh tơdrong mă đei 'măn lê̆ kơ bơ̆n.

Bôk Bơthô 6:12

Yua kơ dôm lu năr lăm chăl arih kon bơngai ưh kơ yua kiơ păr hiong thoi yơ̆p thoi ngôi, hăm đei bu băt tơdrong kiơ 'lơ̆ng đei lơi yua kơ bơ̆n? Hăm đei bơngai bu gơh khan lê̆ adrol tơdrong kiơ wă truh kơ bơngai 'nâu, đơ̆ng rŏng kơ sư lôch?

Bôk Bơthô 7:15

Đĭ lăm chăl arih tơdrong ưh kơđei, inh hlôi 'bôh băt boih kơ đĭ-đăng tơdrong 'nâu. Đei bơngai pơm 'lơ̆ng tơpăt tă kơ lôch 'bônh; bơngai pơm kơnê̆, tă kơ lê̆ arih sot.

Malachi 2:15

Đơ̆ng noh, mă khan tơdrong arih Kră Yang 'Bok Kei-Dei đei lơ rơkah rơkai ră, mă-lei Sư pơjing ăn kơ ih lăp minh 'nu drŏ-kăn đĕch. Mă-lei yua kơ kiơ Sư pơjing ăn kơ ih lăp minh 'nu bơngai drŏ-kăn đĕch? Noh yua kơ wă chă adrĕch adrung 'lơ̆ng rơgoh, thoi noh lu iĕm athei mă kơchăng lăm jơhngơ̆m bơ̆n kơdih, 'nĕ kơ oei sa hơlĕnh pơdăr hăm akăn bơ̆n kơdih mă iŏk oei đơ̆ng 'lơ̆p.