Bôk Bơthô 9:5 - Sơ̆p Hlabơar Nơ̆r 'Bok Kei-Dei

⁵ Bơngai arih sư băt kơdih sư gô lôch; mă-lei bơngai lôch ưh pă băt kiơ boih, kư̆m ưh kơ đei tơmam apah bơnê kiơ mơ̆n, yua kơ đe gô hiơt ưh pă đei bu 'blŏk kơ lu sư dơ̆ng.

Bôk Bơthô 9:5 ပူးပေါင်းရင်းမြစ်များ

II Sam 14:14

Đĭ-đăng lu bơ̆n bu bu kư̆m lôch, thoi tuh đak tơ teh, ưh kơ gơh chup iŏk dơ̆ng. Mă-lei Kră Yang 'Bok Kei-Dei ưh kơ đei iŏk lê̆ tơdrong arih bơngai mă hơmet wă ăn bơngai đơ̆ng jăk wih brŏk.

Jop 14:21

Dah lu kon tơdăm sư đe pơyom, sư kư̆m ưh kơ băt; Dah đe pơjăm lu sư, sư kư̆m ưh kơ 'bôh.

Jop 30:23

Inh băt tơpă Ih wă ba inh tơ tơdrong lôch. Anih pơkă wă 'măn kơ lu bơngai arih.

Horiso 109:15

Ăn kơ dôm tơdrong kơnê̆ noh oei đei ling-lang 'bơ̆t anăp Kră Yang; Na Sư sut lê̆ tơdrong 'blŏk kơ lu sư đơ̆ng lăm teh âu.

Horiso 6:5

Yua kơ lăm tơdrong lôch đe pă đei 'blŏk kơ Ih bơih. Lăm pơlei lôch hăm pă đei bu bơnê ư-ang kơ Ih?

Horiso 88:13

Gah inh ơ Kră Yang! Inh krao apinh Ih Lăp 'brưch pơgê hrôih nơ̆r inh apinh truh boih 'bơ̆t anăp Ih.

Bôk Bơthô 1:11

Đe ưh pă 'blŏk boih lu chăl adrol sơ̆, lu bơngai truh đơ̆ng rŏng kư̆m ưh kơ 'blŏk lu chăl adrol noh mơ̆n.

Bôk Bơthô 2:16

Tơpă đe kư̆m ưh kơ 'blŏk kơ bơngai hơgei dah bơngai kơtul ling-lang khŏm khŏm ôh, yua kơ bơ̆n băt lăm năr hơtuch kơnh bơngai hơgei dah bơngai kơtul đe kư̆m hiơt đĭ. Ơ! Bơngai hơgei dah bơngai kơtul kư̆m lôch lei-lăi.

Bôk Bơthô 7:2

Năm tơ hnam đe lôch, 'lơ̆ng hloh kơ năm tơ hnam đe et sa tih; yua kơ lei bơngai arih athei 'blŏk dah đei jơ wă tơchĕng kơ tơdrong noh.

Bôk Bơthô 8:10

Inh kư̆m đei 'bôh lu bơngai pơm kơnê̆ lôch, đei kon pơlei 'bŭ hơmet pơ'lơ̆ng; yua kơ sư juăt kơ năm tơ hnam akŭm. Na lu bơngai pơm 'lơ̆ng, oei kơtă lăm pơlei tih đe 'bônh kơ hiơt, noh kư̆m jơ̆ tơdrong kơ đei.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Bôk Bơthô 9:4

Kơbĭ bu gơh klaih đơ̆ng noh? Arih oei đei hơmĕng; yua kơ minh pôm kon kŏ oei arih sư hloh kơ minh pôm Dăm-brang lôch.

Êsai 26:14

Lu sư lôch bơih ưh kơ gơh iung arih dơ̆ng, đĭ jing atâu bơih ưh kơ gơh iung dơ̆ng. Tơpă Ih phak păng pơlôch lu sư boih. Tơdrong đe 'blŏk hơdơ̆r kơ lu sư ih kư̆m sŭt lê̆ đĭ.

Êsai 63:16

Mă-lei Ih bơih 'Bă lu nhôn mă khan Abraham ưh kơ băt kơ lu nhôn Isơrael kư̆m ưh kơ jô̆ lu nhôn; Ơ Kră Yang Ih jơ̆ 'Bă lu nhôn. Anăn Ih jơ̆ Tơ'ngla dŏng pơklaih lu nhôn ling-lang đơ̆ng sơ̆.

Luka 20:32

Tơpo hơtuch akăn lu sư noh kư̆m lôch kiơ̆ lu sư mơ̆n.

Hêbrơ 9:27

Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.