Bôk Bơthô 9:1 - Sơ̆p Hlabơar Nơ̆r 'Bok Kei-Dei

¹ 'Nâu tơdrong mă inh oei tơchĕng. Lu bơngai pơm 'lơ̆ng tơdrong hơgei păng tơdrong lu sư pơm, đĭ-đăng oei lăm tơpang ti Kră Yang 'Bok Kei-Dei ngăl; sư 'mêm kơ bu, areh kơ bu, kon bơngai ưh kơ đei bu băt ôh: Đĭ-đăng tơdrong noh, tơdrong tơ anăp kơnh ngăl.

Bôk Bơthô 9:1 ပူးပေါင်းရင်းမြစ်များ

Jop 12:10

Sư chĕp lăm ti tơdrong arih lu sem brem noh păng kial dui jơhngơ̆m kơ kon bơngai.

Jop 27:12

Lu iĕm 'bôh băt hlôh bơih tơdrong 'noh, Lei liơ lu iĕm oei pơma nơ̆r tơdrong kơ đei?

Jop 5:8

“Gah inh, inh gô krao chă Kră Yang 'Bok Kei-Dei, inh gô pơjao tơdrong inh kơ Sư

Horiso 10:14

Kră Yang 'bôh boih, tơdrong răm, pơmat-tat hăm tơdrong gleh, Na ti Ih pơm tơwih kơ lu sư. Lu bơngai răm-'băm jao akâu lu sư tơ Kră Yang; Kră Yang jơ̆ Tơ'ngla tơgŭm lu bơngai mơti.

Horiso 119:109

Tơdrong arih inh ngăl đei hli hơmơt, Mă-lei inh ưh kơ hiơt kơ khôi juăt Ih.

Horiso 31:5

Inh jao bơhngol ih lăm ti Kră Yang. Ơ Kră Yang, 'Bok Kei-Dei tơpăt sĭt tơpă. Ih huai iŏk inh boih.

Horiso 73:3

Yua kơ inh 'bôh lu bơngai kơnê̆ đei tơdrong hiôk chơt. Inh đei jơhngơ̆m gar lu bơngai pơang.

Tơdrông Pơđơk 16:3

Jao bĕ dôm tơdrong jang ih kơ Kră Yang; Na đĭ tơdrong ih wă chă gô đei.

Bôk Bơthô 1:17

Inh kư̆m nŏng kơ hŏk wă kơ băt tơdrong hơgei păng wă kơ băt tơdrong kơtul bơlŭk; inh băt kơnăl tơdrong noh kư̆m mơ̆ng kơ kial bơbơ̆t tơ yơ, sư kiơ̆ tơ noh.

Bôk Bơthô 10:14

Bơngai kơtul kơwao juăt kơ pơma lơ, pơma chơgăm; mă-lei, kon bơngai ưh kơ đei bu băt ôh tơdrong kiơ gô truh păng ưh kơ đei bu băt lê̆ adrol tơdrong kiơ gô truh kơ sư đơ̆ng rŏng kơ lôch.

Bôk Bơthô 7:15

Đĭ lăm chăl arih tơdrong ưh kơđei, inh hlôi 'bôh băt boih kơ đĭ-đăng tơdrong 'nâu. Đei bơngai pơm 'lơ̆ng tơpăt tă kơ lôch 'bônh; bơngai pơm kơnê̆, tă kơ lê̆ arih sot.

Bôk Bơthô 7:25

Inh adrin chơchă đĭ jơhngơ̆m wă kơ băt, hơlen wă kơ 'bôh tơdrong hơgei, wă kơ gơh tơlang tôm tơdrong, inh đei 'bôh tơdrong kơnê̆ noh lĕch đơ̆ng tơdrong kơtul kơwao na jing wơnh.

Bôk Bơthô 8:14

Oei đei minh tơdrong lăm ala teh âu kư̆m tơdrong kơđei. Lơ bơngai pơm 'lơ̆ng tă kơ đe pơm kơnê̆ kơ sư nhen thoi lu bơngai pơm kơnê̆ păng đei lơ bơngai pơm kơnê̆ tă huay pơm kơnê̆ kơ sư thoi lu bơngai pơm 'lơ̆ng. Inh khan tơdrong noh kư̆m tơdrong kơđei.

Bôk Bơthô 8:16

Kơplah jơhngơ̆m inh adrin nŏng kơ tơchĕng chơchă wă kơ băt tơdrong gơh hơgei, măng năr măt pă đei pơdơh. Tơchĕng liơ tơdrong jang mă gleh hrat pơmat-tat dêh lăm teh đak âu.

Bôk Bơthô 8:7

Yua kơ kon bơngai ưh kơ đei bu băt adrol tơdrong kiơ wă truh; lei na ưh kơ đei bu gơh khan lê̆ adrol kơ năr dơning sư thoi yơ?

Bôk Bơthô 9:6

Mă đĭ kơ tơdrong 'mêm, tơdrong areh, tơdrong pơjah tơgar, đĭ-đăng kư̆m gô hiong hiach đĭ; lu sư kư̆m pă đei kiơ lăm dôm tơdrong jang lăm ala teh âu.

Êsai 26:12

Ơ Kră Yang Ih gô pơjing tơdrong hiôk-hian ăn kơ lu nhôn. Dôm tơdrong lu nhôn pơm noh jơ̆ Ih pơm ăn kơ nhôn bơih!

Je 43:6

sư kư̆m chông ba lu drŏ-nglo, drŏ-kăn, lu kon hơ'lơ̆p păng kon adruh pơtao dôm lu bơngai mă Nebusaradan, bơngai yŏng lu linh gak, pơtao oei lê̆ lu sư oei hơdai Gêđalia, kon drŏ-nglo Ahikam sâu Saphan kư̆m đei Jêrêmi bơngai khan lê̆ adrol hăm Baruk kon drŏ-nglo Nêria.

Both 33:3

Sư 'mêm kơ kon pơlei pơla Sư tơpă; đĭ-đăng lu linh jang oei lăm tơpang ti Sư; Sơtơ̆p kŭl-tăng kơkuh 'bơ̆t jơ̆ng Sư. Sơng iŏk nơ̆r bơtho khan đơ̆ng Sư.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.