Bôk Bơthô 8:8 - Sơ̆p Hlabơar Nơ̆r 'Bok Kei-Dei

⁸ Ưh kơ đei bu gơh chĕp pơgơ̆r tơdrong arih; kư̆m ưh kơ đei bu gơh weh kơ lôch; lăm tơdrong tơblah tơdrong lôch ưh kơ đei lê̆ bu; bu pơm kơnê̆, tơdrong kơnê̆ kư̆m ưh kơ gơh dŏng pơklaih sư đơ̆ng tơdrong lôch ôh.

Bôk Bơthô 8:8 ပူးပေါင်းရင်းမြစ်များ

II Sam 14:14

Đĭ-đăng lu bơ̆n bu bu kư̆m lôch, thoi tuh đak tơ teh, ưh kơ gơh chup iŏk dơ̆ng. Mă-lei Kră Yang 'Bok Kei-Dei ưh kơ đei iŏk lê̆ tơdrong arih bơngai mă hơmet wă ăn bơngai đơ̆ng jăk wih brŏk.

II Pot 7:15

Lu sư 'moi lu linh Aram truh tơ đak krong Jôrđăn, lu sư 'bôh hơbĕn ao păng tơmam lu sư hŭt lê̆ thơ̆r thăr glơch glach tôch môch kơ trong, kơplah lu sư hăt hot kơdâu ôn 'noh. Lu bơngai mă pơtao wơh năm ei, hơlơ̆k brŏk roi ăn kơ pơtao dơ̆ng.

Jop 14:5

Khei 'năr kon bơngai arih Kră Yang đĭ hơgăt lê̆ bơih. Kră Yang băt đĭ kơsô̆ khei 'năr sư arih Kră Yang hơgăt lê̆ bơih năr tôch sư, lei sư ưh kơ gơh arih hloh kơ năr noh.

Jop 34:14

Tơdah Kră Yang pơkă wă pơm. Tơdah Sư pơdrâu iŏk bơhngol păng hơyuh kial dui jơhngơ̆m đơ̆ng Sư kơdih,

Horiso 89:48

Bu gơh arih hloi mă ưh kơ đei lôch? Bu gơh dŏng pơklaih bơhngol sư kơdih dơ̆ng dêh atâu pơgơ̆r.

Horiso 9:17

Lu bơngai pơm kơnê̆ gô huŏng tơ pơlei lu lôch, Păng đĭ lu bơngai mă hiơt kơ Kră Yang 'Bok Kei-Dei.

Tơdrông Pơđơk 12:3

Kon bơngai bơ̆n kơjăp ưh kơ sĭ đơ̆ng pơm tơdrong kơnê̆. Mă-lei bơngai tơpăt gô chăt rơh kơjăp.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Bôk Bơthô 3:21

Bu gơh băt tơpă bơhngol kon bơngai păr tŏk tơ plĕnh, dah bơhngol kon sem brem jur tơ teh?

Bôk Bơthô 8:13

Lu bơngai kơnê̆, ưh kơ đei pŭn hiôk ôh; kư̆m ưh kơ arih sot mơ̆n, yua kơ chăl arih lu sư nhen thoi yơ̆p, thoi ngôi 'bônh kơ păr hiong; yua kơ lu sư ưh kơ hli yom kơ Kră Yang 'Bok Kei-Dei.

Bôk Bơthô 9:12

Ưh kơ đei bu băt ôh layơ sư lôch thoi ka đom lăm hơnhuăl, thoi sem 'leh hơđong, kư̆m thoi noh mơ̆n, kon bơngai bơ̆n đom lăm năr tơdrong truh, 'bôh 'băi truh hloi ưh kơ tam băt.

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Êsai 28:18

Kơplah noh tơdrong pơgơ̆p lu iĕm hăm tơdrong lôch gô ưh pă đei, tơdrong lu iĕm pơgơ̆p hăm dêh atâu gô ưh pă đei, tơdah tơdrong anat anot truh 'bĕnh-'bang sư pơrăm lu iĕm, lu iĕm răm đĭ.

Êsai 47:10

Ih gơnang tơdrong ih pơm kơnê̆ ih Ih khan: ‘Ưh kơ đei bu 'bôh inh.’ Tơdrong gơh hơgei hlôh wao ih gô pơm kơ ih wơ̆l jrok. Ih pơma lăm jơhngơ̆m: ‘Inh âu, 'nguaih kơ inh ưh kơ đei bơngai bu.’

I Kor 15:43

Đe 'bŭ akâu bơ̆n tơ teh ưh pă yua kiơ dơ̆ng, mă-lei mưh Sư tơiung arih, akâu bơ̆n jing 'lơ̆ng rŏ. Đe 'bŭ akâu bơ̆n tơ teh ưh kơ pran ôh, mă-lei mưh Sư tơiung arih, akâu bơ̆n jing pran.

II Kor 13:4

Sư lôch tơ 'long pơglang sơ̆ kư̆m thoi noh mơ̆n, bơ̆n lăng Sư lôch thoi Sư rơdu, mă-lei Sư đei mơsêh mơyang 'Bok Kei-Dei kơtang, ăn kơ Sư iung arih dơ̆ng. Nhôn kư̆m rơdu tơrăn thoi Sư sơ̆, mă-lei nhôn đei mơsêh mơyang 'Bok Kei-Dei kơtang, tơdrong arih nhôn năm tơ iĕm kơnh kư̆m thoi noh.

Hêbrơ 9:27

Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.