Bôk Bơthô 8:16 - Sơ̆p Hlabơar Nơ̆r 'Bok Kei-Dei

¹⁶ Kơplah jơhngơ̆m inh adrin nŏng kơ tơchĕng chơchă wă kơ băt tơdrong gơh hơgei, măng năr măt pă đei pơdơh. Tơchĕng liơ tơdrong jang mă gleh hrat pơmat-tat dêh lăm teh đak âu.

Bôk Bơthô 8:16 ပူးပေါင်းရင်းမြစ်များ

Bl 31:40

Kơ'năr inh tŏ sa, kơmăng inh găng tơngiĕt, tep kư̆m ưh kơsŭk.

Horiso 127:2

Ưh kơ đei yua ôh kơ lu iĕm iung đơ̆ng hrôih, năm tep măng, Đơ̆ng gleh hrat chă tơmam sa. Kră Yang kư̆m ăn kơ lu bơngai mă Sư 'mêm kơeng đei pơdơh tep.

Bôk Bơthô 1:13

Inh nŏng kơ yua tơdrong gơh hơgei wă tơchĕng pơwao dôm tơdrong jang tơ ala teh âu; noh jơ̆ minh tơdrong gleh hrat mă 'Bok Kei-Dei pơjao boih kơ kon bơngai wă kơ jang.

Bôk Bơthô 1:14

Inh 'bôh boih dôm tơdrong đei jang tơ ala teh âu; đĭ-đăng tơdrong kơ đei ngăl, mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 1:17

Inh kư̆m nŏng kơ hŏk wă kơ băt tơdrong hơgei păng wă kơ băt tơdrong kơtul bơlŭk; inh băt kơnăl tơdrong noh kư̆m mơ̆ng kơ kial bơbơ̆t tơ yơ, sư kiơ̆ tơ noh.

Bôk Bơthô 2:23

Rim năr tơ'bơ̆p tơdrong chhŭr nuih, tơdrong jang ơh klai; mă kơmăng kơ̆l đon sư kư̆m pă đei pơdơh hiôk. Tơdrong noh kư̆m tơdrong kơ đei.

Bôk Bơthô 4:8

Thoi minh 'nu bơngai hơdrô̆, ưh kơ đei kon hơ'lơ̆p kư̆m ưh kơ đei 'nhŏng oh; mă-lei nŏng kơ jang adrin gleh hrat ưh pă pơdơh, măt sư lăng tơ mŭk tơmam ưh kơ đei layơ bơ̆l hăl; sư ưh kơ lah tơchĕng khan inh jang gleh hrat, yua kơ bu ơ̆t kơ sŏng sa jơnap hrŭk hơnĭl tơpă jơ̆ tơdrong kơ đei, chăl arih hiơ̆k bơngơ̆t gleh pơmat-tat, tơdrong arih răm-'băm pă kĕ.

Bôk Bơthô 5:12

Lu bơngai jang gleh hrat, mă sŏng sa tŏ sĕt dah lơ tep hiôk kơmăng; mă-lei lu bơngai mơdrŏng, đei sa rơkah rơkai, mă-lei tep ưh kơ hiôk.

Bôk Bơthô 7:25

Inh adrin chơchă đĭ jơhngơ̆m wă kơ băt, hơlen wă kơ 'bôh tơdrong hơgei, wă kơ gơh tơlang tôm tơdrong, inh đei 'bôh tơdrong kơnê̆ noh lĕch đơ̆ng tơdrong kơtul kơwao na jing wơnh.

Bôk Bơthô 8:7

Yua kơ kon bơngai ưh kơ đei bu băt adrol tơdrong kiơ wă truh; lei na ưh kơ đei bu gơh khan lê̆ adrol kơ năr dơning sư thoi yơ?

Bôk Bơthô 8:9

Inh chă lăng hơlen tôm tơdrong đei pơm ala teh âu, inh 'bôh lu bơngai pơgơ̆r ngăl pơjuă pơđep đe.