Bôk Bơthô 8:14 - Sơ̆p Hlabơar Nơ̆r 'Bok Kei-Dei

¹⁴ Oei đei minh tơdrong lăm ala teh âu kư̆m tơdrong kơđei. Lơ bơngai pơm 'lơ̆ng tă kơ đe pơm kơnê̆ kơ sư nhen thoi lu bơngai pơm kơnê̆ păng đei lơ bơngai pơm kơnê̆ tă huay pơm kơnê̆ kơ sư thoi lu bơngai pơm 'lơ̆ng. Inh khan tơdrong noh kư̆m tơdrong kơđei.

Bôk Bơthô 8:14 ပူးပေါင်းရင်းမြစ်များ

Jop 1:22

Lăm dôm tơdrong noh, Jop ưh kơ đei pơm yoch păng ưh kơ đei pơma kư̆ kă kơ Kră Yang 'Bok Kei-Dei.

Jop 21:7

Liơ lu bơngai kơnê̆ oei arih, Rai arih sot păng rai kĕ pran?

Jop 27:12

Lu iĕm 'bôh băt hlôh bơih tơdrong 'noh, Lei liơ lu iĕm oei pơma nơ̆r tơdrong kơ đei?

Horiso 73:3

Yua kơ inh 'bôh lu bơngai kơnê̆ đei tơdrong hiôk chơt. Inh đei jơhngơ̆m gar lu bơngai pơang.

Bôk Bơthô 10:5

Inh 'bôh minh tơdrong glăi tih lăm ala teh âu. Tơdrong pơm glăi đơ̆ng lu bơngai pơgơ̆r:

Bôk Bơthô 2:14

Bơngai hơgei sư đei măt hơdah trong sư yak, na bơngai kơtul bơlŭk sư yak chơjơ̆ lăm măng mu. Mă khan lei, inh kư̆m băt 'bar trong noh kư̆m gô tơdrong răm lei-lăi.

Bôk Bơthô 4:4

Inh kư̆m 'bôh đĭ-đăng tơdrong kon bơngai jang gleh hrat, yua tơdrong gơh hơgei, noh jơ̆ yua kơ tơdrong sư 'ngeng areh klai dih băl. Tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 4:8

Thoi minh 'nu bơngai hơdrô̆, ưh kơ đei kon hơ'lơ̆p kư̆m ưh kơ đei 'nhŏng oh; mă-lei nŏng kơ jang adrin gleh hrat ưh pă pơdơh, măt sư lăng tơ mŭk tơmam ưh kơ đei layơ bơ̆l hăl; sư ưh kơ lah tơchĕng khan inh jang gleh hrat, yua kơ bu ơ̆t kơ sŏng sa jơnap hrŭk hơnĭl tơpă jơ̆ tơdrong kơ đei, chăl arih hiơ̆k bơngơ̆t gleh pơmat-tat, tơdrong arih răm-'băm pă kĕ.

Bôk Bơthô 7:15

Đĭ lăm chăl arih tơdrong ưh kơđei, inh hlôi 'bôh băt boih kơ đĭ-đăng tơdrong 'nâu. Đei bơngai pơm 'lơ̆ng tơpăt tă kơ lôch 'bônh; bơngai pơm kơnê̆, tă kơ lê̆ arih sot.

Je 12:1

Ơ Kră Yang, Ih jơ̆ 'lơ̆ng tơpăt mưh inh roi tơdrong inh kơ Ih. Mă-lei inh oei wă pơma hăm Ih trŏ tơdrong tơpăt Ih: Liơ trong lu bơngai kơnê̆ oei hiôk-hian, liơ tơdrong jang lu bơngai hơlĕnh pơdăr oei mơdrŏng?

Malachi 3:15

Âu lu bơ̆n jô̆ lu bơngai pơrŏ pơang đei pŭn hiôk, lu sư pơm tơdrong kơnê̆ tă kơ rai tŏk. Lu sư pơlong Kră Yang 'Bok Kei-Dei păng đei klaih hlôi boih!”