Bôk Bơthô 7:6 - Sơ̆p Hlabơar Nơ̆r 'Bok Kei-Dei

⁶ Nơ̆r hiĕk lu bơngai kơtul re nhen ŭnh sa bơmreh jơla đe tơkuh ala gŏ. Re mơ̆ng tơdrong kơ đei.

Bôk Bơthô 7:6 ပူးပေါင်းရင်းမြစ်များ

Horiso 118:12

Lu sư wang inh lơ thoi sut; lu sư gô lôch păt thoi ŭnh sa bơmreh. Hăm anăn Kră Yang pơrăm đĭ lu sư.

Horiso 58:9

Adrol kơ pla ŭnh truh tơ gŏ lu iĕm. Kră Yang 'Bok Kei-Dei ăn kial hơbŭt tih pơđông lê̆ hơpaih. Mă oei hơdrih dah ŭnh oei sa.

Tơdrông Pơđơk 29:9

Dah đei bơngai hơgei oei pơjah hăm bơngai kơtul, Lăp tơhil tơblĕk hiĕk ăr ưh kơ gơh pơtruh băl.

Bôk Bơthô 2:2

Inh khan: Hiĕk 'noh wơnh; chhôk hơnôk kơ kiơ?

Am 8:10

Inh gô ăn kơ năr chơt hiôk iĕm jing năr ơh sơ'ngon păng đĭ-đăng lu tơdrong hơri iĕm jing nhơ̆m hmoi. Inh gô chô̆ ăn 'bi nai tơ rim kơiĕng păng pơm ăn kơ rim kơ̆l jing kơ̆l hoh. Inh gô ăn tơdrong ơh sơ'ngon, thoi hiong minh 'nu kon pôm drŏ-nglo păng năr tôch sư thoi năr ơh sơ'ngon dêh.

Luka 16:25

“Mă-lei Abraham khan kơ sư: ‘Ơ dăm, ih athei 'blŏk mơ̆n kơplah ih oei arih tơ ala teh sơ̆ ih jơnap tơpă, đei tơmam lơ tơpă. Mă-lei Lasarơ ưh kơ đei kiơ păng jĭ ling-lang tăm. Dang ei sư oei tơ âu hiôk dêh, mă-lei ih oei lăm dơnâu ŭnh tŏ hang ling-lang.

Luka 6:25

“Lu iĕm mă phĭ jơnap dang ei, ning-mônh iĕm kư̆m pơmat-tat mơ̆n yua kơ tơmam sa ưh kơ đei. “Lu iĕm mă 'nă hal dang ei, ning-mônh iĕm gô nhơ̆m hmoi pơmat-tat mơ̆n.