Bôk Bơthô 7:18 - Sơ̆p Hlabơar Nơ̆r 'Bok Kei-Dei

¹⁸ 'Lơ̆ng hloh kơ ih athei 'nĕ kơ pơư kơdih akâu 'lơ̆ng tơpăt, gơh hơgei păng athei areh kơ tơdrong kơnê̆. Yua kơ bơngai bu hli yom kơ Kră Yang 'Bok Kei-Dei sư gơh weh đơ̆ng 'bar tơdrong noh.

Bôk Bơthô 7:18 ပူးပေါင်းရင်းမြစ်များ

Tơdrông Pơđơk 12:21

Ưh kơ đei tơdrong kiơ truh kơ lu bơngai 'lơ̆ng tơpăt; Mă-lei đei tơdrong truh răm kơ lu bơngai pơm kơnê̆.

Tơdrông Pơđơk 8:20

Inh yak lăm trong tơpăt, băt oei lăm trong trŏ lăp.

Bôk Bơthô 11:6

Pơgê hrôih, ih athei drôih rei adrĕch mă-lei gah kơsơ̆ 'nĕ kơ kuăr ti pơdơh; yua kơ ih ưh kơ băt ôh găr ayơ gô chăt 'lơ̆ng, găr 'nâu dah găr to dah pơđĭ 'bar tŏ găr adrĕch noh chăt 'lơ̆ng ngăl hloi.

Bôk Bơthô 12:13

Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.

Bôk Bơthô 3:14

Inh 'bôh băt tôm tơdrong Kră Yang 'Bok Kei-Dei pơjing sư oei đei khŏm khŏm, kon bơngai ưh kơ gơh pơthim tơdrong kiơ păng ưh kơ gơh hơtŭch lê̆ ôh; Kră Yang 'Bok Kei-Dei pơm thoi noh, wă kơ kon bơngai hli yom kơ Sư.

Bôk Bơthô 5:7

Tơ yơ đei tơdrong apo lơ păng pơma lơ hnang, 'noh kư̆m tơdrong kơ đei; mă-lei ih athei hli yom kơ Kră Yang 'Bok Kei-Dei.

Bôk Bơthô 8:12

Yua kơ lu bơngai mă pơm kơnê̆ hơdôm hrĕng wơ̆t, kư̆m oei arih sot; lei ră inh băt lu bơngai hli yom kơ Kră Yang 'Bok Kei-Dei, sĭt gô đei tơdrong pŭn hiôk yua lu sư hli yom Kră Yang 'Bok Kei-Dei.

Bôk Bơthô 8:13

Lu bơngai kơnê̆, ưh kơ đei pŭn hiôk ôh; kư̆m ưh kơ arih sot mơ̆n, yua kơ chăl arih lu sư nhen thoi yơ̆p, thoi ngôi 'bônh kơ păr hiong; yua kơ lu sư ưh kơ hli yom kơ Kră Yang 'Bok Kei-Dei.

Je 32:40

Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Luka 1:50

Sư mơnat kơ đĭ-đăng bơngai mă lui yom kơ Sư, mă đơ̆ng sơ̆ khơ̆ ning-mônh.

Luka 11:42

“Ơ lu bơngai Pharisi, ning-mônh iĕm pơmat-tat dêh. Iĕm pơm hăt hot tĕch lu tơmam hơi thoi lĕ kơ hla gơsơ̆m, hla hla-kat, dôm hla 'nhot nai, iŏk jên noh pơm pơyơ̆r kơ 'Bok Kei-Dei minh lăm mơjĭt. Mă-lei gah tơdrong kăl hloh thoi lĕ kơ pơm 'lơ̆ng kơ đe păng 'mêm bơnê kơ 'Bok Kei-Dei, tơdrong noh iĕm pơm pơhơi, ưh kơ wă. Mă tơdrong iĕm pơyơ̆r tơmam hơi noh kư̆m trŏ mơ̆n, mă-lei iĕm athei pơm 'lơ̆ng kơ đe păng 'mêm bơnê kơ 'Bok Kei-Dei, 'noh kăl hloh.