Bôk Bơthô 7:14 - Sơ̆p Hlabơar Nơ̆r 'Bok Kei-Dei

¹⁴ Lăm năr hiôk athei chơt, lăm năr pơmat-tat, lăng bĕ. Pŭn hiôk dah pơmat-tat. 'Bar tơdrong noh đơ̆ng Kră Yang 'Bok Kei-Dei ăn.

Bôk Bơthô 7:14 ပူးပေါင်းရင်းမြစ်များ

I Pot 8:47

tơdah lu sư oei tơ dêh char nai lu sư tơchĕng tơbral, krao khan hơdrĭ apinh ih: ‘Lu nhôn pơm yoch, pơm tơdrong kơnê̆ pơm lơ tơdrong ưh kơ trŏ.’

Jop 2:10

Mă-lei Jop khan kơ akăn sư: “Ih pơma thoi minh 'nu drŏ-kăn kơwao. Tơdrong pŭn hiôk đơ̆ng Kră Yang 'Bok Kei-Dei ăn, bơ̆n sơng iŏk; na tơdrong pơmat truh, ba wă ưh kơ iŏk hă?” Lăm đĭ dôm tơdrong noh, Jop ưh kơ đei pơma kơnê̆ 'bơm Kră Yang ôh.

Horiso 119:71

Inh đei tơdrong pơmat, trŏ 'lơ̆ng tơpă. Wă kơ inh hŏk iŏk kiơ̆ khôi juăt Ih.

Horiso 40:3

Sư ăn kơ 'bơ̆r inh đei 'bai hơri 'nao, Hơri bơnê kơkuh kơ Kră Yang 'Bok Kei-Dei lu bơ̆n. Lơ bơngai gô 'bôh păng hli, Păng gơnang kơ Kră Yang.

Bôk Bơthô 10:14

Bơngai kơtul kơwao juăt kơ pơma lơ, pơma chơgăm; mă-lei, kon bơngai ưh kơ đei bu băt ôh tơdrong kiơ gô truh păng ưh kơ đei bu băt lê̆ adrol tơdrong kiơ gô truh kơ sư đơ̆ng rŏng kơ lôch.

Bôk Bơthô 11:9

Ơ lu bơngai hơmuh hơmŏng iĕm hiôk chơt bĕ kơplah oei hơdruh tơdăm, 'nă hal bĕ kơplah oei 'lơ̆p, yak kiơ̆ bĕ thoi jơhngơ̆m ih dui ba, kiơ̆ kơ măt ih lăng, mă-lei iĕm athei băt dôm tơdrong iĕm pơm noh, Kră Yang 'Bok Kei-Dei gô wă sek tơlang kiơ̆ tơdrong noh.

Bôk Bơthô 12:13

Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.

Bôk Bơthô 12:8

'Bok mă bơtho noh khan: Đĭ-đăng tôm tơdrong jơ̆ tơdrong kơđei tơdrong kơđei, tơdrong kơđei, kơ̆l 'ngok kon bơngai ưh kơ đei bu hlôh băt tôm tơdrong đei truh tơ kơpal teh âu.

Bôk Bơthô 3:22

Na inh 'bôh kon bơngai bơ̆n 'lơ̆ng hloh noh athei hiôk chơt lăm tơdrong jang kơdih; noh boih tơdrong apah kơ sư; yua kơ ưh kơ đei bu gơh ba bơ̆n wơ̆t hơlơ̆k 'bôh dơ̆ng dôm tơdrong truh đơ̆ng rŏng kơ bơ̆n lôch.

Bôk Bơthô 3:4

Đei năr nhơ̆m hmoi, đei năr hiôk chơt; Đei năr ơh sơ'ngon, đei năr hơri suang;

Bôk Bơthô 5:17

Ih sa rai oei arih tơ lăm măng mu, đei lơ tơdrong ơh sơ'ngon chhŭr nuih, gleh lap, jĭ jăn.

Bôk Bơthô 8:7

Yua kơ kon bơngai ưh kơ đei bu băt adrol tơdrong kiơ wă truh; lei na ưh kơ đei bu gơh khan lê̆ adrol kơ năr dơning sư thoi yơ?

Bôk Bơthô 9:7

Lei sŏng sa hiôk hal bĕ păng huch đak hơmu ih mă chơt hiôk bĕ! Yua kơ Kră Yang 'Bok Kei-Dei ăn boih kơ inh dôm tơdrong noh.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 42:25

Na Kră Yang tuh tơdrong Sư hil, tơdrong tơblah wang tih dêh tơ lu sư, thoi ŭnh sa jum dăr mă lu sư ưh kơ hlôh, ŭnh sa lu sư mă-lei kư̆m ưh kơ bơngơ̆t.

Je 23:20

Tơdrong Kră Yang hil ưh kơ ngach ôh, dĭng mă Sư pơm pơkeh thoi Sư tơchĕng wă. Lăm năr ei kơnh lu iĕm gô băt hơdah tơdrong noh.

Nhom 3:38

Hăm trŏ lĕch đơ̆ng 'bơ̆t Kră Yang tih hloh, mă đei pơmat-tat dah pŭn hiôk?

Mi 6:9

Mơ̆ng bĕ nơ̆r Kră Yang krao pơret blah hăm pơlei âu, bơngai hơgei athei hli yom kơ anăn Sư. Mơ̆ng bĕ 'long jra teh na băt kơ bu mă Kră Yang pơkă năm blah.

Mathiơ 9:13

Lăm sơ̆p hla bơar 'Bok Kei-Dei khan sơ̆ thoi âu: ‘Tơdrong iĕm soi sơmah kơ Inh ưh kơ kăl ôh, Inh wă kơ iĕm 'mêm mơnat dih băl, noh kăl hloh kơ tơdrong iĕm soi sơmah kơ Inh.’ Na iĕm tơchĕng lăng tơdrong 'noh bĕ, wă kơ iĕm băt 'mêm mơnat kơ đĭ-đăng bơngai. Inh jur tơ âu ưh kơ sĭ chă wơ̆n lu bơngai 'lơ̆ng ôh. Inh năm tơ âu wă wơ̆n chă lu bơngai yoch wă kơ sư tơbral kơdih tơdrong yoch sư.”

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Both 26:11

Đơ̆ng noh iĕm, bơngai Lêwi păng lu bơngai tơmoi mă oei hơdai hăm lu iĕm, hăm hnam dơnŏ lu iĕm gô chơt hiôk gah tơdrong pŭn hiôk mă đơ̆ng Kră Yang 'Bok Kei-Dei iĕm ăn boih kơ lu iĕm.

Both 28:47

Kơplah đei mŭk tơmam rơkah rơkai, iĕm ưh tam lăp đon jơhngơ̆m hiôk bơ̆jang kơ Kră Yang 'Bok Kei-Dei.

Both 8:3

Sư ăn kơ iĕm pơngot 'me rong iĕm ăn kơ iĕm sa mana mă iĕm păng lu yă 'bok kư̆m tam mă biơh băt, wă bơtho iĕm băt, kon bơngai arih ưh kơ trŏ arih đơ̆ng tơmam sa đĕch ôh, mă-lei kon bơngai arih đơ̆ng nơ̆r Kră Yang.

Both 8:5

Iĕm athei băt kơdih, Kră Yang 'Bok Kei-Dei iĕm, teh bơtho kư̆m thoi 'Bă teh bơtho kon drŏ-nglo sư kơdih.

Ya 5:13

Tơ̆ng đei bu lăm lu iĕm đei tơdrong gleh kiơ truh kơ lu sư, sư athei krao khan hloi; jơhngơ̆m bu hiôk chơt sư athei hơri bơnê kơ 'Bok Kei-Dei.