Bôk Bơthô 7:13 - Sơ̆p Hlabơar Nơ̆r 'Bok Kei-Dei

¹³ Lăng bĕ tơdrong jang Kră Yang 'Bok Kei-Dei. Tơmam kiơ sư gŭt pơđŏng yŏng kiơ kĕ 'bơ̆ tơpăt.

Bôk Bơthô 7:13 ပူးပေါင်းရင်းမြစ်များ

Jop 11:10

Tơdah Sư năm brih, rôp ih pơm bơnă, păng sek tơlang, lei bu gơh găn khă Sư?

Jop 12:14

Sư pơrăm, ưh pă đei bu man pơdơ̆ng ming. Sư phak ưh pă đei bu gơh tơlĕch.

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Jop 37:14

Ơ Jop, mơ̆ng bĕ nơ̆r 'nâu, Athei dơ̆ng hreh bĕ, tơchĕng gah dôm tơdrong jang hlĭch chrơp Kră Yang 'Bok Kei-Dei.

Jop 9:12

Tơdah Sư tơgar pleh đơ̆ng bu, bu pơ̆n khă Sư? Bu pơ̆n khan kơ Sư, “Ih pơm kiơ thoi noh?”

Horiso 107:43

Lu bơngai mă hlôh wao gơh hơgei 'blŏk kơ tơdrong 'nâu. Păng tơchĕng răk tơdrong 'mêm Kră Yang.

Horiso 8:3

Dah inh lăng tơ plĕnh đơ̆ng lu hơnglâu ti Ih pơjing Măt khei păng lu sơnglŏng mă Ih đei pơjing boih.

Bôk Bơthô 1:15

Tơdrong kiơ hlôi đŏng boih, ưh kơ gơh 'bơ̆ jing tơpăt dơ̆ng păng tơmam kiơ ưh kơ đei kư̆m ưh kơ đei.

Bôk Bơthô 3:11

Kră Yang 'Bok Kei-Dei pơjing bơih Sư 'lơ̆ng rŏ ngăl lăm jơ 'năr Sư. Sư kư̆m đei ăn kơ kơ̆l 'ngok kon bơngai băt kơ chăl đơ̆ng rŏng. Mă-lei ưh kơ đei bu kĕ băt hlôh kơ Kră Yang 'Bok Kei-Dei pơm đơ̆ng blŭng-a truh tơ ning-mônh.

Bôk Bơthô 8:17

Inh kư̆m 'bôh tôm tơdrong jang Kră Yang 'Bok Kei-Dei, inh băt kon bơngai ưh kơ kĕ hlôh đĭ kơ dôm tơdrong đei truh tơ ala teh âu, mă khan nŏng hĭ tôch bơneh kư̆m ưh kơ kĕ hlôh kiơ; păng mă khan bơngai hơgei ngeh khan gô băt, kư̆m ưh kơ kĕ kơ băt 'mơ̆i.

Êsai 14:27

Yua kơ Kră Yang Tih Hloh pơkă bơih na bu gơh sŭt lê̆? Ti Kră Yang yơ̆r bơih na bu gơh gơ̆t lê̆?

Êsai 43:13

Tơpă, adrol kơ đơ̆ng đei khei năr sơ̆, Inh bơih Kră Yang 'Bok Kei-Dei, ưh kơ đei bu gơh iŏk tơgar đơ̆ng ti Inh. Mưh Inh pơm, ưh kơ đei bu gơh pơgăn Inh.

Êsai 5:12

Lăm năr et sa lu sư reh brŏ, hlôm lillul teh hơgơ̆r hăm et tơdrô, mă-lei lu sư ưh kơ tơchĕng tơdrong Kră Yang pơm; lu sư kư̆m ưh kơ 'bôh đêl dôm tơdrong đơ̆ng ti Kră Yang pơjing.

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Luka 12:26

Tơ̆ng iĕm nŏng kơ tơchĕng dang noh ră mă-lei ưh kơ tơgŭm iĕm arih đunh 'biơ̆ hơya minh năr, lei iĕm mah nŏng kơ kiơ kơ tơchĕng gah tơdrong nai dơ̆ng.

Rom 9:15

Tơdrong noh bơ̆n gô mơ̆ng kơ 'Bok Kei-Dei đĕch, yua kơ sơ̆ 'Bok Kei-Dei khan kơ Môis thoi âu: “Inh 'mêm kơ bu gô mơ̆ng kơ Inh wă 'mêm đĕch.”

Rom 9:19

Hli kơ iĕm khan: “Yua kơ kiơ 'Bok Kei-Dei oei jô̆ yo kơ bơngai mă Sư ăn arăng kơ̆l, mă bơngai bơ̆n khan kơ Sư, Sư kư̆m ưh kơ chu?”

Êphêsô 1:11

'Bok Kei-Dei pơm tôm tơdrong kiơ̆ thoi Sư đêl pơkă lê̆ boih, na tơdrong Sư ăn Yêsu lôch tang bơ̆n, hăm rơih iŏk wă kơ bơ̆n jing kon Sư, noh Sư pơkă lê̆ đơ̆ng blŭng-a sơ̆ boih.