Bôk Bơthô 6:6 - Sơ̆p Hlabơar Nơ̆r 'Bok Kei-Dei

⁶ Mă khan bơngai bu arih sot kră truh tơ 'bar-rơbâu sơnăm mă-lei ưh kơ đei arih hiôk chơt lăm chăl arih âu. Kŭm ưh kơ đei hiôk dang nge lôch rơngăt. Hăm trŏ kơ đĭ-đăng bơngai tă kơ wă brŏk tơ minh anih đĕch?

Bôk Bơthô 6:6 ပူးပေါင်းရင်းမြစ်များ

Bl 5:5

Thoi noh Ađam arih đei tơsĭn-hrĕng pêng-jĭt sơnăm, na lôch.

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Jop 30:23

Inh băt tơpă Ih wă ba inh tơ tơdrong lôch. Anih pơkă wă 'măn kơ lu bơngai arih.

Jop 7:7

Apinh Kră Yang 'Bok Kei-Dei 'blŏk chăl arih inh thoi minh hơyuh kial dui jơhngơ̆m; Măt inh ưh pă đei 'bôh tơdrong pŭn hiôk bơih.

Horiso 34:12

Bu 'maih wă đei tơdrong arih, Păng wă arih sota gô 'bôh tơdrong pŭn hiôk?

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

Bôk Bơthô 2:14

Bơngai hơgei sư đei măt hơdah trong sư yak, na bơngai kơtul bơlŭk sư yak chơjơ̆ lăm măng mu. Mă khan lei, inh kư̆m băt 'bar trong noh kư̆m gô tơdrong răm lei-lăi.

Bôk Bơthô 3:20

Pơđĭ kơ bre sư gô brŏk tơ minh anih, đĭ kơ bre sư jing đơ̆ng 'mui teh, đĭ kơ bre sư kư̆m gô brŏk tơ 'mui teh.

Bôk Bơthô 6:3

Dah minh 'nu bơngai pơjing đei minh-hrĕng 'nu kon hơ'lơ̆p păng sư arih sot đunh sơnăm, mă-lei lăm jơhngơ̆m sư 'nhŏ mă đei tơdrong hiôk chơt păng sư lôch ưh kơ đei bơngai 'bŭ; Inh khan kon nge rơngăt sư oei păi 'biơ̆ kơ bơngai noh 'mơ̆i.

Bôk Bơthô 6:5

Sư ưh kơ tam 'bôh măt 'năr, kư̆m ưh kơ tam băt kiơ; sư năm pơdơh hiôk hloh kơ bơngai kră noh.

Bôk Bơthô 7:2

Năm tơ hnam đe lôch, 'lơ̆ng hloh kơ năm tơ hnam đe et sa tih; yua kơ lei bơngai arih athei 'blŏk dah đei jơ wă tơchĕng kơ tơdrong noh.

Bôk Bơthô 9:2

Tôm tơdrong đei hơgăt kơ kon bơngai lei-lăi băl ngăl: Bơngai pơm 'lơ̆ng dah bơngai pơm kơnê̆, bơngai 'lơ̆ng rơgoh dah bơngai 'mê̆-'mach, bơngai pơyơ̆r tơmam soi dah bơngai ưh kơ pơyơ̆r, bơngai 'lơ̆ng dah bơngai pơm yoch, bơngai đei nơ̆r pơkăm pơkă dah bơngai hli kơ nơ̆r pơkă, đĭ-đăng đei iŏk hơdai minh tơdrong đơ̆ng 'Bok Kei-Dei 'măn lê̆ boih.

Êsai 65:20

Tơ noh ưh pă đei bơngai hơ'lơ̆p nge lôch hrôih, kư̆m ưh kơ đei bơngai kră ayơ mă ưh kơ arih sot tôm kơ sơnăm Yua kơ lôch kơplah minh-hrĕng sơnăm noh wă khan lôch oei mơlôh păng bơngai arih đei lăp minh-hrĕng sơnăm noh lăng thoi đei hiap pơtê̆.

Êsai 65:22

Lu sư ưh kơ đei man hnam ăn kơ lu bơngai nai oei thoi sơ̆; ưh kơ đei pơtăm hơmu ăn kơ bơngai nai sa thoi sơ̆; sơnăm kon pơlei Inh arih gô nhen thoi dôm sơnăm 'long arih, lu bơngai mă Inh rơih iŏk gô đei yua đơ̆ng tơdrong jang lu sư kơdih.

Je 17:6

Sư nhen thoi tơnơm 'long lăm bri, chăt tơ anih tơmo hơga lăm char glă. Lăm teh 'băt 'boh, ưh kơ đei bơngai oei. Bơngai noh ưh kơ đei 'bôh pŭn hiôk truh.

Hêbrơ 9:27

Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.