Bôk Bơthô 6:2 - Sơ̆p Hlabơar Nơ̆r 'Bok Kei-Dei

² Đei minh 'nu bơngai mă Kră Yang 'Bok Kei-Dei ăn kơ sư mơdrŏng, đei mŭk tơmam lơ, đe ư-ang, dĭng mah dôm tơdrong jơhngơ̆m sư hơpơi nă đei ngăl, ưh kơ đei kơ'bah kiơ hloi; mă-lei Kră Yang 'Bok Kei-Dei ưh kơ ăn sư yua sa mŭk tơmam sư noh ôh, tă kơ bơngai nai đei yua sa mŭk tơmam sư noh. Noh jơ̆ tơdrong kơđei, noh boih tơdrong tơnat kơhlôh dêh.

Bôk Bơthô 6:2 ပူးပေါင်းရင်းမြစ်များ

I Pot 3:13

Hloh kơ noh dơ̆ng Inh gô ăn hloi kơ ih dôm tơdrong mă ih ưh kơ đei apinh, tơdrong mơdrŏng, tơdrong đe pơyom ư-ang, lăm đĭ chăl arih ih ưh kơ đei pơtao bu kĕ tam ih.

I Ho 29:25

Kră Yang pơm ăn kơ Sôlômôn đei pơyom 'bơ̆t anăp đĭ-đăng kon pơlei Isơrael; Sư ăn kơ dêh char Sôlômôn pơtao 'lơ̆ng rŏ hơbŏ krưp, ưh tam đei minh 'nu pơtao Isơrael ayơ adrol kơ sư mă đei thoi noh.

I Ho 29:28

Sư lôch, sơnăm sư đĭ kơjung, sư arih hrăp jơnap mơdrŏng tih păng đe pơyom. Sôlômôn, kon drŏ-nglo sư, pơtrơp sư pơm pơtao.

II Ho 1:11

Kră Yang 'Bok Kei-Dei khan kơ Sôlômôn: “Yua kơ ih đei boih jơhngơ̆m thoi noh, ưh kơ apinh ôh tơdrong mơdrŏng mơng, đe pơyom, dah tơdrong wă pơrăm lu bơngai pơm kơnê̆ kơ ih păng kư̆m ưh apinh wă kơ arih sot, mă-lei apinh tơdrong gơh hơgei đei đon hlôh wao wă kơ wei-lăng pơgơ̆r kon pơlei pơla Inh; kon pơlei mă Inh ăn kơ ih pơm pơtao,

Horiso 17:14

Ơ Kră Yang, yua ti Ih dŏng pơklaih inh đơ̆ng lu kon bơngai. Lu bơngai arih lăm teh đak đĕch. Lu bơngai mă Ih pơm ăn kơ klak lu sư 'bĕnh hăm mŭk gĭt Ih;d Lu sư hiôk yua kơ kon lu sư, kư̆m đei 'măn lê̆ tơmam rơkah kơ kon sâu se sư.

Horiso 39:6

Tơpă rim 'nu yak năm, thoi lĕ kơ yơ̆p. Sư bơ̆jang gleh lap, tơdrong kơ đei. Bơngai mă mong mŭk tơmam, mă-lei ưh kơ băt bu wă iŏk yua.

Horiso 73:7

Măt lu sư pơ'ngeh yua kơ tơdrong kơnê̆; jơhngơ̆m lu sư 'bĕnh kơtul kơwao.

Bôk Bơthô 4:4

Inh kư̆m 'bôh đĭ-đăng tơdrong kon bơngai jang gleh hrat, yua tơdrong gơh hơgei, noh jơ̆ yua kơ tơdrong sư 'ngeng areh klai dih băl. Tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 4:8

Thoi minh 'nu bơngai hơdrô̆, ưh kơ đei kon hơ'lơ̆p kư̆m ưh kơ đei 'nhŏng oh; mă-lei nŏng kơ jang adrin gleh hrat ưh pă pơdơh, măt sư lăng tơ mŭk tơmam ưh kơ đei layơ bơ̆l hăl; sư ưh kơ lah tơchĕng khan inh jang gleh hrat, yua kơ bu ơ̆t kơ sŏng sa jơnap hrŭk hơnĭl tơpă jơ̆ tơdrong kơ đei, chăl arih hiơ̆k bơngơ̆t gleh pơmat-tat, tơdrong arih răm-'băm pă kĕ.

Bôk Bơthô 5:13

Đei minh tơdrong kơnê̆ dêh mă inh 'bôh tơ ala teh âu: Bơngai mơdrŏng mong mŭk tơmam ưh kơ hơđơ̆ng hiôk.

Bôk Bơthô 5:16

'Nâu kư̆m minh tơdrong kơnê̆ dêh tơpă. Bơ̆n lĕch đơ̆ng klak mĕ thoi yơ kư̆m gô brŏk tơ teh thoi 'noh mơ̆n. Lu bơngai mă jang gleh hrat wă hiong ngôi mơ̆ng kơ kial bơbơ̆t, hăm đei lơi yua kiơ ưh?

Bôk Bơthô 5:18

Inh 'bôh tơdrong mă 'lơ̆ng kơ kon bơngai noh sŏng sa păng hiôk chơt lăm tơdrong jang gleh hrat tơ ala teh mă bơ̆n đei pơm noh, đĭ khei sơnăm lăm chăl arih âu mă Kră Yang 'Bok Kei-Dei đei ăn boih, noh tơdrong mă đei 'măn lê̆ kơ bơ̆n.

Bôk Bơthô 5:19

Hloh kơ noh dơ̆ng bơngai bu Kră Yang 'Bok Kei-Dei ăn kơ sư mơdrŏng, đei mŭk tơmam lơ sư gơh yua gơh iŏk tơmam noh păng hiôk chơt lăm tơdrong jang sư mă hrat gleh noh boih tơdrong Kră Yang 'Bok Kei-Dei asong ăn.

Êsai 55:2

Liơ lu iĕm pơhuach jên wă răt tơmam mă ưh kơ trŏ kơ tơmam sŏng sa ôh. Ăn jơhngơ̆m gleh lap tơplih iŏk tơmam ưh kơ phĭ? Adrin mơ̆ng bĕ Inh athei sa tơmam mă 'lơ̆ng. Na jơhngơ̆m lu iĕm hiôk kơ tơmam sa bek 'lơ̆ng.

Nhom 5:2

Tơdrong jang sư lu nhôn tă tơ ti lu kon pơlei tơmoi ngăl. Hnam oei lu nhôn đĭ tơ lu adrĕch adrung nai.

Da 5:18

Ơ pơtao, Kră Yang 'Bok Kei-Dei Tih hloh đei ăn boih tang-dŏ pơtao păng tơdrong pơgơ̆r tih, tơdrong pơyom, tơdrong ư-ang kơ pơtao Nebukatnessar 'bă ih.

Hôsia 7:9

Bơngai tơmoi tơhiong lê̆ boih tơdrong pran kơtang lu sư, mă-lei lu sư ưh kơ băt tơdrong noh! Kơ̆l lu sư đĭ sŏk ko boih, mă-lei lu sư ưh kơ 'bôh.

Both 28:33

Minh adrĕch adrung mă iĕm tam lah băt gô iŏk sa tơmam đơ̆ng mir chŭn păng đơ̆ng tơdrong jang iĕm gleh hrat; đe gô pơjuă pơđep păng pơjuă bơhlơ̆r iĕm ling-lang rim năr.

Both 28:43

Bơngai tơmoi oei hơdai iĕm gô rai tŏk pran păng mơdrŏng hloh kơ iĕm rim 'năr, gah lu iĕm, rai 'năr rai rơdu jur ling-lang.

Lu 18:10

Mưh lu iĕm năm truh tơ dêh noh lu iĕm gô 'bôh kon pơlei oei hơđơ̆ng rơnŭk rơnua. Dêh 'noh să păng sĭt Kră Yang 'Bok Kei-Dei gô pơjao lăm ti bơ̆n, teh đak ưh kơ đei khăi minh tơmam kiơ.”