Bôk Bơthô 6:11 - Sơ̆p Hlabơar Nơ̆r 'Bok Kei-Dei

¹¹ Rai đei tơdrong pơma lơ rai tơdrong kơđei hăm đei tơdrong kiơ lơi yua 'biơ̆ kơ kon bơngai ưh?

Bôk Bơthô 6:11 ပူးပေါင်းရင်းမြစ်များ

Horiso 73:6

Lei na lu sư iŏk tơdrong pơang pơm thoi rơbưn maih 'băk tơ hơko. Lu sư iŏk tơdrong kơnê̆ pơm thoi ao pĕng akâu.

Bôk Bơthô 2:15

Na inh khan: “Tơdrong mă truh kơ bơngai kơtul, kư̆m gô truh kơ inh thoi noh mơ̆n; thoi noh, hơgei hloh thoi inh âu đei yua kiơ?” Inh khan kơdih akâu: “Noh tơdrong kơ đei mơ̆n.”

Bôk Bơthô 3:19

Yua kơ tơdrong kon bơngai đei thoi yơ, kon sem brem đei thoi noh mơ̆n; kon bơngai lôch, kon sem brem kư̆m lôch; 'bar khŭl noh tă kơ dui jơhngơ̆m ngăl, kon bơngai ưh kơ đei kiơ hloh kơ kon sem brem; đĭ-đăng tă kơ tơdrong kơđei ngăl.

Bôk Bơthô 4:16

Mă-lei đei, lu bơngai iung đơ̆ng rŏng, ưh kơ lăp đon, kơ sư. Tơpă noh kư̆m tơdrong kơ đei, gô mơ̆ng kơ kial bơbơ̆t sư tơ yơ kiơ̆ tơ noh.

Bôk Bơthô 4:8

Thoi minh 'nu bơngai hơdrô̆, ưh kơ đei kon hơ'lơ̆p kư̆m ưh kơ đei 'nhŏng oh; mă-lei nŏng kơ jang adrin gleh hrat ưh pă pơdơh, măt sư lăng tơ mŭk tơmam ưh kơ đei layơ bơ̆l hăl; sư ưh kơ lah tơchĕng khan inh jang gleh hrat, yua kơ bu ơ̆t kơ sŏng sa jơnap hrŭk hơnĭl tơpă jơ̆ tơdrong kơ đei, chăl arih hiơ̆k bơngơ̆t gleh pơmat-tat, tơdrong arih răm-'băm pă kĕ.

Bôk Bơthô 5:7

Tơ yơ đei tơdrong apo lơ păng pơma lơ hnang, 'noh kư̆m tơdrong kơ đei; mă-lei ih athei hli yom kơ Kră Yang 'Bok Kei-Dei.

Bôk Bơthô 6:10

Tơmam kiơ mă đei dang ei sư đĭ đei anăn boih. Bơ̆n kư̆m băt kơ kon bơngai gô thoi yơ; kon bơngai ưh kơ gơh pơjah plơ̆ hăm tơ'ngla mă pran kơtang hloh kơ bơ̆n.

Bôk Bơthô 6:12

Yua kơ dôm lu năr lăm chăl arih kon bơngai ưh kơ yua kiơ păr hiong thoi yơ̆p thoi ngôi, hăm đei bu băt tơdrong kiơ 'lơ̆ng đei lơi yua kơ bơ̆n? Hăm đei bơngai bu gơh khan lê̆ adrol tơdrong kiơ wă truh kơ bơngai 'nâu, đơ̆ng rŏng kơ sư lôch?

Hôsia 12:1

Êphraim 'me sư kơdih hăm kial, kơdâu kiơ̆ kial đơ̆ng gah hơlĕch rim năr, lu sư pơma hơlĕnh roi dêh păng pơm rai lơ tơdrong kơnê̆; lu sư pơgơ̆p hăm char Asiri păng chĕp ba đak rơmă ôliwơ tơ char Êyiptơ.