Bôk Bơthô 5:2 - Sơ̆p Hlabơar Nơ̆r 'Bok Kei-Dei

² 'Nĕ kơ hăt pơma păng jơhngơ̆m ih 'nĕ kơ hăt hot lĕch nơ̆r pơkă 'bơ̆t anăp Kră Yang 'Bok Kei-Dei, yua kơ Kră Yang 'Bok Kei-Dei oei tơ kơpal plĕnh ti, na ih oei tơ ala teh. Lei ih athei wei 'bơ̆r rim nơ̆r pơma mă 'lơ̆ng.

Bôk Bơthô 5:2 ပူးပေါင်းရင်းမြစ်များ

Bl 18:27

Abraham khan dơ̆ng thoi âu: “Mă khan inh âu 'mui teh đĕch ră, mă-lei inh kư̆m oei nuih pơ̆n pơma hăm Ih.

Bl 18:30

Abraham hơnơ̆ng kơ apinh: “Inh apinh Kră Yang 'nĕ hil, na inh khan: Dah lăm pơlei noh đei lăp pêng-jĭt 'nu đĕch, lei lơliơ?” Kră Yang khan: “Dah Inh chă đei 'bôh pêng-jĭt 'nu bơngai tơpăt lăm noh, Inh ưh kơ pơlôch ôh.”

Bl 18:32

Abraham apinh dơ̆ng: “Apinh Kră Yang 'nĕ hil, inh kơkuh apinh pă minh wơ̆t âu boih: Dah oei đei đăi mơjĭt 'nu, lei Ih tơchĕng thoi yơ?” Kră Yang khan: “Inh kư̆m huay kơ pơlôch pơlei noh ôh, yua kơ mơnat 'mêm kơ mơjĭt 'nu noh.”

Bl 28:20

Na Jakôp hơpơi kơdih sư thoi âu: Tơdah Kră Yang 'Bok Kei-Dei oei hơdai inh, wei-lăng inh kơplah inh oei yak, ăn 'bĕng sa, ao hrŭk.

Bl 28:22

Tơmo mă đêl inh pơdơ̆ng 'nâu jing jrăng hnam Kră Yang 'Bok Kei-Dei păng inh gô pơyơ̆r kơ Ih minh lăm mơjĭt đơ̆ng dôm mŭk tơmam mă inh đei đơ̆ng Ih ăn.

Horiso 115:3

Kră Yang 'Bok Kei-Dei lu bơ̆n tơ kơpal plĕnh ti, Sư pơm tơdrong kiơ mơ̆ng kơ Sư wă.

Tơdrông Pơđơk 10:19

Pơma lơ, tơ yơ mă huay kơ glăi. Bơngai bu kĕ wei hơpiĕt noh bơngai hơgei.

Tơdrông Pơđơk 20:25

Pơm hơđong kơ bơngai bu mă pơkă wă pơyơ̆r tơmam kiơ hăt hot. Đơ̆ng rŏng kơ pơkă na mă tơchĕng lăng.

Bôk Bơthô 10:12

Nơ̆r bơngai hơgei pơma pơm ăn kơ đe pơyom; mă-lei nơ̆r bơngai kơtul pơma ba tơdrong răm kơdih akâu.

Bôk Bơthô 10:13

Nơ̆r sư pơma, blŭng-a jơ̆ kơtul, tuch-luch sư kơtul răm rai dêh.

Bôk Bơthô 5:3

Đơ̆ng ih hrăn tơtăm na jing apo; kơnê̆ đơ̆ng pơma lơ jing kơtul.

Bôk Bơthô 5:7

Tơ yơ đei tơdrong apo lơ păng pơma lơ hnang, 'noh kư̆m tơdrong kơ đei; mă-lei ih athei hli yom kơ Kră Yang 'Bok Kei-Dei.

Êsai 55:9

Plĕnh kơjung hloh kơ teh dang yơ, na trong Inh kơjung hloh kơ trong lu iĕm păng. Đon tơchĕng Inh kơjung hloh kơ đon tơchĕng lu iĕm kư̆m dang noh.

Lêwi 5:4

Tơdah bơngai bu pơkă 'bơm glăi wă pơm tơdrong kơnê̆ dah tơdrong 'lơ̆ng mă tơdrong kiơ hăt kơ pơkă pơkăm na sư ưh kơ băt, na đơ̆ng rŏng sư băt mơn kơdih, lei bơngai noh gô đei tơdrong yoch lăm tơdrong âu dah tơdrong to.

Mathiơ 6:7

“Kơplah iĕm krao khan, iĕm athei tơchĕng tơpă tơdrong iĕm krao khan noh, 'nĕ pơma pơlơ̆k pơle đon tơchĕng tơ nai thoi bơngai kơkuh kơ yang nai, yua kơ lu sư tơchĕng ăp kơ pơma pơlơ̆k pơle lơ 'mơ̆i na 'Bok Kei-Dei ăn.

Mathiơ 6:9

Iĕm athei krao khan thoi âu: ‘Ơ 'Bă lu nhôn mă oei tơ plĕnh ti, ăn anăn Ih jing ư-ang.

Markôs 6:23

'Bok pơtao khan kơ sư tơpă: “Tơmam kiơ ih wă apinh, roi bĕ, inh gô ăn kơ ih tơpă. Dah inh hơlĕnh mă 'Bok Kei-Dei phak inh, mă ih apinh iŏk minh puăt teh đak inh, kư̆m bưh mơ̆n.”

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.

Lu 11:30

Jeptha krao apinh pơkă hăm Kră Yang, khan: Tơdah Ih pơjao lu kon pơlei Ammôn lăm tơpang ti inh,