Bôk Bơthô 5:17 - Sơ̆p Hlabơar Nơ̆r 'Bok Kei-Dei

¹⁷ Ih sa rai oei arih tơ lăm măng mu, đei lơ tơdrong ơh sơ'ngon chhŭr nuih, gleh lap, jĭ jăn.

Bôk Bơthô 5:17 ပူးပေါင်းရင်းမြစ်များ

Bl 3:17

Kră Yang khan kơ Ađam thoi âu: “Yua kơ ih chu nơ̆r akăn ih na sa plei 'long mă Inh khă ưh kơ ăn sa, ‘thoi noh teh gô pŭ hơngiap yua kơ ih,’ lăm chăl arih ih athei chu gleh lap na đei tơmam sa kơ ih lĕch đơ̆ng teh.

I Pot 17:12

Drŏ-kăn adro ei tơl: “Đei Kră Yang 'Bok Kei-Dei ih oei arih băt, inh ưh pă đei minh pôm 'bĕng. Inh oei pă minh chup tơpŭng lăm ge păng đak rơmă kư̆m dai oei tŏ sĕt lăm getchai. 'Nâu inh chă dônh minh 'bar tŏ 'long ŭnh, wă brŏk pơm ăn kơ nhi kon drŏ-nglo inh 'bĕng; wă sa pơtôch, na nhi gô lôch đĕch bơih.”

II Pot 1:2

Đei minh năr ei, tơ Pơlei Samari, Ahasia huŏng đơ̆ng 'măng-'mŏk hnam kơjung akâu sư rơka, jĭ dêh, na sư wơh bơngai jang kơ sư năm păng tơtă nơ̆r: “Năm jet apinh yang Baal Sêhup, yang Pơlei Ekrôn wă kơ băt inh gô klaih đơ̆ng jĭ 'nâu dah ưh?”

II Pot 1:6

Lu sư tơl: “Đei minh 'nu bơngai tơ'bơ̆p nhôn păng khan kơ nhôn: ‘Iĕm brŏk bĕ tơ pơtao mă wơh iĕm 'noh păng iĕm roi kơ sư khan: Kră Yang khan bơih thoi âu: ‘Lăm lu bơngai Isơrael ưh kơ đei Kră Yang 'Bok Kei-Dei hă na ih wơh athei năm jet yang Baal Sêhup, yang pơlei Ekrôn 'noh? Yua kơ noh, ih ưh kơ đei iung đơ̆ng giơng ih 'bĭch noh ôh, sĭt ih gô lôch?!”

II Pot 5:27

Yua kơ thoi noh bơih, jĭ chin Naaman gô hơpoh tơ ih păng adrĕch adrung ih ling-lang ưh kơ layơ tôch.” Gêhasi weh hloi đơ̆ng Êlisê, 'bơm hloi chin tơbôk thoi prĕl.

Jop 21:25

Bơngai to lôch, đĭ lăm chăl arih ơh sơ'ngon pơmat-tat. Ưh tam đei mơn 'bơm tơdrong pŭn hiôk liơ.

Horiso 102:9

Inh sa tơnuh tơplih kơ por. Đak inh nhă hrâu păng đak măt.

Horiso 127:2

Ưh kơ đei yua ôh kơ lu iĕm iung đơ̆ng hrôih, năm tep măng, Đơ̆ng gleh hrat chă tơmam sa. Kră Yang kư̆m ăn kơ lu bơngai mă Sư 'mêm kơeng đei pơdơh tep.

Horiso 39:6

Tơpă rim 'nu yak năm, thoi lĕ kơ yơ̆p. Sư bơ̆jang gleh lap, tơdrong kơ đei. Bơngai mă mong mŭk tơmam, mă-lei ưh kơ băt bu wă iŏk yua.

Horiso 78:33

Thoi noh Sư pơm kơ 'năr lu sư hiong đĭ ưh kơ yua. Pơm kơ khei sơnăm lu sư hiong tôch lăm tơdrong hli krưp.

Bôk Bơthô 2:10

Inh ưh kơ lê̆ minh tơdrong kiơ mă măt inh 'maih wă, kư̆m ưh kơ sơngah kơ tơdrong kiơ mă jơhngơ̆m hiôk lăp jơhngơ̆m inh hiôk chơt kơ tơdrong đêl inh jang gleh lap păng noh bơih jơ̆ tơdrong mă apah inh đêl tơdrong inh jang gleh.

Bôk Bơthô 2:23

Rim năr tơ'bơ̆p tơdrong chhŭr nuih, tơdrong jang ơh klai; mă kơmăng kơ̆l đon sư kư̆m pă đei pơdơh hiôk. Tơdrong noh kư̆m tơdrong kơ đei.

Bôk Bơthô 2:24

Tơdrong 'lơ̆ng hloh mă kon bơngai gơh pơm noh sŏng sa, nhă đak păng chơt hiôk lăm tơdrong jang. Inh 'bôh boih tơdrong noh Kră Yang 'Bok Kei-Dei ăn.

Bôk Bơthô 7:14

Lăm năr hiôk athei chơt, lăm năr pơmat-tat, lăng bĕ. Pŭn hiôk dah pơmat-tat. 'Bar tơdrong noh đơ̆ng Kră Yang 'Bok Kei-Dei ăn.

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.