Bôk Bơthô 5:16 - Sơ̆p Hlabơar Nơ̆r 'Bok Kei-Dei

¹⁶ 'Nâu kư̆m minh tơdrong kơnê̆ dêh tơpă. Bơ̆n lĕch đơ̆ng klak mĕ thoi yơ kư̆m gô brŏk tơ teh thoi 'noh mơ̆n. Lu bơngai mă jang gleh hrat wă hiong ngôi mơ̆ng kơ kial bơbơ̆t, hăm đei lơi yua kiơ ưh?

Bôk Bơthô 5:16 ပူးပေါင်းရင်းမြစ်များ

Tơdrông Pơđơk 11:29

Bơngai bu pơrŭng hnam dơnŏ sư gô pŭ kial 'biao ưh kơ đei kiơ. Lu bơngai kơhlôh kơwao gô jing đĭch kơ bơngai gơh hơgei đei hlôh wao.

Bôk Bơthô 1:3

Dôm tơdrong kon bơngai jang gleh hrat lăm ala teh 'nâu, hăm đei yua kiơ̆ ưh!

Bôk Bơthô 2:11

Inh tơchĕng hơlen lăng dôm tơdrong đêl ti inh pơm. Tuh bơuh bơang pă băt dang yơ gleh hrat, inh lăng dôm tơdrong noh jơ̆ tơdrong kơ đei ưh kơ hlôh yua kơ kiơ thoi pơmơ̆ng kơ kial bơbơ̆t sư tơ yơ kiơ̆ tơ noh, kon bơngai ưh kơ đei pơm kiơ mă đei yua lăm ala teh âu.

Bôk Bơthô 3:9

Hăm đei yua kơ lu bơngai mă nŏng kơ jang gleh hrat?

Bôk Bơthô 5:13

Đei minh tơdrong kơnê̆ dêh mă inh 'bôh tơ ala teh âu: Bơngai mơdrŏng mong mŭk tơmam ưh kơ hơđơ̆ng hiôk.

Êsai 26:18

Lu nhôn đei anăp bơih, lu nhôn kư̆m oei jĭ anăp, lu nhôn tơpŭ ră nhen tơpŭ kơ kial đĕch. Lu nhôn ưh kơ ba ăn tơdrong dŏng pơklaih lăm teh đak, kư̆m ưh kơ gơh tơpŭ pơjing ăn kon bơngai lăm teh đak âu.

Je 2:8

Lu 'bok soi ưh pă jet: ‘Tơ yơ Kră Yang?’ Lu 'bok bơtho khôi juăt ưh pă băt kơ Inh dơ̆ng. Lu bơngai pơgơ̆r blah Inh. Lu 'bok khan lê̆ adrol yua anăn yang Baal na khan lê̆ adrol, kiơ̆ lu yang nai ưh kơ đei yua kiơ.

Hôsia 8:7

Yua kơ lu sư rei boih kial, lu sư gô yuă iŏk hơbŭt tih; tơm 'ba lu sư oei dơ̆ng, mă-lei pă đei hnông, 'ba lu sư ưh pă đei găr pă jing phe; mă khan đei găr ră mă-lei lu bơngai tơmoi gô luăn sa đĭ.

Markôs 8:36

Mă bu mơdrŏng đei tôm mŭk tơmam tơ ala teh âu, dah sư ưh kơ arih ling-lang, lei truh sư lôch, ưh pă đei yua kiơ boih.

Yo 6:27

Iĕm 'nĕ chă tơmam sa mă jing ôm hach. Iĕm athei adrin chă tơmam sa sot, săt 'lơ̆ng ling-lang, ưh kơ đei layơ ôm hach, wă 'me iĕm arih ling-lang. Tơmam sa ei, Inh mă jur jing kon bơngai, Inh asong ăn kơ lu iĕm. 'Bă Inh 'Bok Kei-Dei pơjao ăn kơ Inh thoi noh păng Sư kư̆m tơbăt ăn kơ kon bơngai tơdrong noh ră mơ̆n.”

I Kor 16:16

Ơ 'nhŏng oh, inh athei iĕm chu yom kơ sư păng đĭ-đăng lu bơngai mă gơh jang thoi sư noh.

I Sam 12:21

'Nĕ kơ achăng Kră Yang chă kơkuh kơ rup yang hiong răm đĕch, ưh kơ đei yua kiơ, ưh kơ băt pơklaih; yua kơ rup yang jơ̆ hiong răm đĕch.