Bôk Bơthô 5:15 - Sơ̆p Hlabơar Nơ̆r 'Bok Kei-Dei

¹⁵ Bơ̆n lĕch đơ̆ng klak mĕ akâu hoh, bơ̆n lôch brŏk tơ teh kư̆m hoh thoi noh mơ̆n, brŏk tơpang ti hoh ưh kơ đei chĕp ba kiơ đơ̆ng tơdrong jang mă gleh hrat noh.

Bôk Bơthô 5:15 ပူးပေါင်းရင်းမြစ်များ

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Jop 15:2

Hăm trŏ kơ ih bơngai hơgei mă-lei tơl hăm nơ̆r hlôh wao mă ưh kơ yua kiơ. Păng klak 'bĕnh kơ kial hơbŭt đơ̆ng gah hơlĕch?

Horiso 49:17

Yua kơ dah sư lôch ưh kơ đei gơh chĕp ba kiơ. Mŭk măk sư kư̆m ưh kơ kiơ̆ sư tơ lăm bơsat mơ̆n.

Bôk Bơthô 5:14

Dah đei tơdrong răm truh, dôm lu mŭk tơmam 'nâu hiong đĭ; sư đei kon hơ'lơ̆p, mă-lei pă đei ăn kơ kon sư kiơ.

Hôsia 12:2

Kră Yang kư̆m đei pơma chrih kơ adrĕch Juđa, păng Sư gô phak Jakôp kiơ̆ thoi kơ trong sư yak năm; Kră Yang gô pơm tơwih kơ lu sư kiơ̆ thoi tơdrong lu sư pơm.

Luka 12:20

Mă-lei 'Bok Kei-Dei khan kơ bơngai ei: ‘Ơ bơngai kơhlôh, măng kơnh boih Inh wă iŏk Bơhngol ih, đơ̆ng noh na ih lôch hloi măng kơnh. Mŭk tơmam ih wă ăn ngôi kơ đe iŏk đĕch.’ ”

I Tim 6:7

Kơplah lăm mĕ bơ̆n tơpŭ kơ bơ̆n oei nge sơ̆, bơ̆n ưh kơ đei chĕp tơmam kiơ tơlĕch tơ teh âu. 'Noh thoi lĕ bơ̆n lôch ning-mônh, bơ̆n ưh kơ gơh chĕp ba tơmam kiơ ôh.