Bôk Bơthô 5:13 - Sơ̆p Hlabơar Nơ̆r 'Bok Kei-Dei

¹³ Đei minh tơdrong kơnê̆ dêh mă inh 'bôh tơ ala teh âu: Bơngai mơdrŏng mong mŭk tơmam ưh kơ hơđơ̆ng hiôk.

Bôk Bơthô 5:13 ပူးပေါင်းရင်းမြစ်များ

Bl 14:16

Sư pơdrâu iŏk đĭ-đăng mŭk tơmam sư mă đơ̆ng lu đe blah iŏk păng kư̆m chông brŏk mon sư, Lot hăm dôm lu mŭk măk sư, lu drŏ-kăn păng lu kon pơlei kư̆m brŏk.

Bl 19:14

Na Lot lĕch roi hloi kơ ŏng wă jê̆ oei kơ bre kon sư thoi âu: “Iung bĕ, lĕch đơ̆ng anih âu, yua kơ Kră Yang wă pơrăm boih pơlei âu.” Mă-lei bre kon ŏnga sư ngeh kơ Lot pơma hơnul.

Bl 19:26

Mă-lei akăn Lot hue lăng tơ rŏng, na akâu sư jing bơtŏl 'boh.

Jop 20:20

Yua kơ sư 'maih wă ưh kơ hrăp ôh, sư ưh kơ đei mong ôh dôm tơmam sư hơpơi wă.

Tơdrông Pơđơk 1:19

Noh boih trong lu bơngai ham kơ pơm kơnê̆ wă chă sa lơi; Tơdrong plah tơgar gô hiong tơdrong arih lu bơngai bu đei iŏk tơmam noh.

Tơdrông Pơđơk 1:32

Lu bơngai bơlŭk lôch yua kơ lu sư kiơ̆ trong kơnê̆ đŏng đĕo. Păng tơdrong lu sư mă ưh kơ hiơ̆k gô pơrăm lu sư.

Tơdrông Pơđơk 11:4

Mŭk tơmam mơdrŏng ưh kơ yua kiơ lăm năr hil blĕk, Mă-lei đei đon tơpăt pơklaih đơ̆ng tơdrong lôch.

Tơdrông Pơđơk 23:4

'Nĕ pơgleh ih kơdih kơlih wă kơ mơdrŏng. Ăn kơ ih đei đon hơgei 'nei hloh kơ tơdrong noh.

Tơdrông Pơđơk 27:24

Tơdrong mơdrŏng ưh kơ đei oei ling-lang ôh, Mă jing pơtao kư̆m ưh kơ ling-lang mơ̆n.

Bôk Bơthô 4:8

Thoi minh 'nu bơngai hơdrô̆, ưh kơ đei kon hơ'lơ̆p kư̆m ưh kơ đei 'nhŏng oh; mă-lei nŏng kơ jang adrin gleh hrat ưh pă pơdơh, măt sư lăng tơ mŭk tơmam ưh kơ đei layơ bơ̆l hăl; sư ưh kơ lah tơchĕng khan inh jang gleh hrat, yua kơ bu ơ̆t kơ sŏng sa jơnap hrŭk hơnĭl tơpă jơ̆ tơdrong kơ đei, chăl arih hiơ̆k bơngơ̆t gleh pơmat-tat, tơdrong arih răm-'băm pă kĕ.

Bôk Bơthô 5:14

Dah đei tơdrong răm truh, dôm lu mŭk tơmam 'nâu hiong đĭ; sư đei kon hơ'lơ̆p, mă-lei pă đei ăn kơ kon sư kiơ.

Bôk Bơthô 8:9

Inh chă lăng hơlen tôm tơdrong đei pơm ala teh âu, inh 'bôh lu bơngai pơgơ̆r ngăl pơjuă pơđep đe.

Êsai 2:20

Lăm 'năr 'nei kơnh đe gô klơ̆m ăn kơ kơne, klơ̆m ăn kơ hơmiĕt, lu rup yang păng maih, hu, mă đêl lu sư pơm wă kơkuh.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Luka 16:19

Yêsu khan dơ̆ng thoi âu: “Sơ̆ đei minh 'nu bơngai mơdrŏng, sư juăt kơ hrŭk ao 'lơ̆ng rŏ păng sŏng sa jơnap ling-lang.

Luka 19:8

Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”