Bôk Bơthô 5:10 - Sơ̆p Hlabơar Nơ̆r 'Bok Kei-Dei

¹⁰ Lu bơngai ham kơ jên đei jên lơ kư̆m khan ưh kơmah; lu bơngai ham kơ mŭk tơmam đei lơ dôm yơ kư̆m ưh kơ hrăp. Tơdrong noh kư̆m tơdrong kơ đei.

Bôk Bơthô 5:10 ပူးပေါင်းရင်းမြစ်များ

Horiso 52:1

Ơ bơngai nuih pran, liơ ih pơang kơdih tơdrong kơnê̆. Tơdrong 'mêm mơnat Kră Yang 'Bok Kei-Dei oei oei ling-lang.

Horiso 52:7

“To, bơngai mă ưh kơ gơnang kơ Kră Yang 'Bok Kei-Dei wei sư pran kơjăp. Mă-lei gơnang kơ tơdrong sư mơdrŏng.c Wă pơm kơ sư kơjăp lăm tơdrong sư pơm kơnê̆!”

Horiso 62:10

'Nĕ gơnang kơ kĕ pơjuă đe. 'Nĕ gơnang hơmĕng kơ tơtông klĕ, Mă đei mŭk tơmam lơ, 'nĕ kơ hơđơ̆ng kơ noh.

Bôk Bơthô 1:17

Inh kư̆m nŏng kơ hŏk wă kơ băt tơdrong hơgei păng wă kơ băt tơdrong kơtul bơlŭk; inh băt kơnăl tơdrong noh kư̆m mơ̆ng kơ kial bơbơ̆t tơ yơ, sư kiơ̆ tơ noh.

Bôk Bơthô 1:8

Đĭ-đăng tôm tơmam oei oei hơnơ̆ng, 'bơ̆r kon bơngai ưh kơ gơh roi ôh; măt lăng ưh kơ bơ̆l, đon mơ̆ng ưh kơ hăl.

Bôk Bơthô 2:10

Inh ưh kơ lê̆ minh tơdrong kiơ mă măt inh 'maih wă, kư̆m ưh kơ sơngah kơ tơdrong kiơ mă jơhngơ̆m hiôk lăp jơhngơ̆m inh hiôk chơt kơ tơdrong đêl inh jang gleh lap păng noh bơih jơ̆ tơdrong mă apah inh đêl tơdrong inh jang gleh.

Bôk Bơthô 2:11

Inh tơchĕng hơlen lăng dôm tơdrong đêl ti inh pơm. Tuh bơuh bơang pă băt dang yơ gleh hrat, inh lăng dôm tơdrong noh jơ̆ tơdrong kơ đei ưh kơ hlôh yua kơ kiơ thoi pơmơ̆ng kơ kial bơbơ̆t sư tơ yơ kiơ̆ tơ noh, kon bơngai ưh kơ đei pơm kiơ mă đei yua lăm ala teh âu.

Bôk Bơthô 2:26

'Bok Kei-Dei ăn tơdrong hơgei hlôh băt păng ăn hiôk chơt kơ đe bu mă pơm trŏ thoi sư lăp đon; mă-lei sư ăn kơ lu bơngai yoch khŏm jang gleh hrat na gơh đei tơmam, mong 'măn lê̆, đơ̆ng noh ăn kơ lu bơngai pơm trŏ thoi 'Bok Kei-Dei lăp đon, tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 3:19

Yua kơ tơdrong kon bơngai đei thoi yơ, kon sem brem đei thoi noh mơ̆n; kon bơngai lôch, kon sem brem kư̆m lôch; 'bar khŭl noh tă kơ dui jơhngơ̆m ngăl, kon bơngai ưh kơ đei kiơ hloh kơ kon sem brem; đĭ-đăng tă kơ tơdrong kơđei ngăl.

Bôk Bơthô 4:16

Mă-lei đei, lu bơngai iung đơ̆ng rŏng, ưh kơ lăp đon, kơ sư. Tơpă noh kư̆m tơdrong kơ đei, gô mơ̆ng kơ kial bơbơ̆t sư tơ yơ kiơ̆ tơ noh.

Bôk Bơthô 4:4

Inh kư̆m 'bôh đĭ-đăng tơdrong kon bơngai jang gleh hrat, yua tơdrong gơh hơgei, noh jơ̆ yua kơ tơdrong sư 'ngeng areh klai dih băl. Tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 4:8

Thoi minh 'nu bơngai hơdrô̆, ưh kơ đei kon hơ'lơ̆p kư̆m ưh kơ đei 'nhŏng oh; mă-lei nŏng kơ jang adrin gleh hrat ưh pă pơdơh, măt sư lăng tơ mŭk tơmam ưh kơ đei layơ bơ̆l hăl; sư ưh kơ lah tơchĕng khan inh jang gleh hrat, yua kơ bu ơ̆t kơ sŏng sa jơnap hrŭk hơnĭl tơpă jơ̆ tơdrong kơ đei, chăl arih hiơ̆k bơngơ̆t gleh pơmat-tat, tơdrong arih răm-'băm pă kĕ.

Bôk Bơthô 5:9

Kon pơlei juăt kơ choh jang chŭn mir, kăl kơ đei pơtao 'lơ̆ng pơgơ̆r na teh đak sư gơh đei yua tôm tơdrong.

Bôk Bơthô 6:7

Kon bơngai nŏng kơ adrin jang gleh hrat noh yua kơ wă 'me hơlŏng klak ao hrŭk, mă-lei jơhngơ̆m 'maih wă ưh kơ đei layơ hrăp.

Mathiơ 6:19

“Iĕm 'nĕ chă mong mŭk tơmam dah jên tơ teh âu lơ, yua kơ tơ teh âu đei sang-sa, mua reh, hăm hli kơ đe iŏk tơtông mơ̆n.

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Luka 12:15

Yêsu pơma dơ̆ng kơ đĭ-đăng bơngai kiơ̆ ei: “Iĕm athei kơchăng kơdih 'nĕ kơ mah hăt kơ mŭk tơmam dêh. Arih chơt hiôk ưh kơ đơ̆ng mơdrŏng ôh.”

I Tim 6:10

Bơngai bu hăt kơ chă jên, sư gô pơm tôm tơdrong kơnê̆. Đei bơngai lu mơ'nah hăt kơ chă jên ling-lang na sư jing achăng tơdrong lui sư păng sư đei lơ tơdrong ơh sơ'ngon.